Jeremías 25:4 - Chuj San Sebastian Bible

⁴ Wach'xam til wal 'ejm schecjnac cot Jehová eb' schecb' 'ayex, palta toc xe chaj eyab'i', ma'ix eyiclj xon jab'oc.

Chuj San Mateo Bible

⁴ Vach'chom tzijtum el ix scheccot eb' schecab' Jehová d'ayex, palta maj e chan̈ej eyab' tas ix checji yal eb', maj e c'anab'ajej.

Jeremías 25:4 Referans Kwoze

Jeremías 25:3

Atxo 'a yic yoxlajn̈il ab'il yoch Josías yunnal Amón reyl 'a Judá tic, masnto ticnec, tzyal 'el'chi, 'ayx yoxlschawinc ab'il ticnec spaxtin Jehová 'ayin, yuj cha, caw niwn xo 'ejm 'ix wal 'ayex, palta ax xo tic, caw man̈ jac tze chaj eyab' 'ayin.

Jeremías 26:5

Ma'ix e chaj eyab' pax tas xwac' yal eb' in checab', caw niwn 'ejm yaljnac eb' 'ayex, atn jun tzo'n̈ an̈ja matz e chaj eyab' ticnec.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.

Jeremías 36:31

Ach tic yet' eb' en̈til, yet' pax eb' 'aych yopiso et'oc, caw 'oj wa'ch yailal 'a eyib'n̈ yuj e mul. 'Oj jawc 'a yib'n̈ eb' 'aj Jerusalén, yet' 'a yib'n̈ eb' 'aj Judá, atn jun tzo'n̈ yailal 'ix walcn 'el tic, atn jun tzo'n̈ paxti ma'ix e chaj eyab'i', xchi Dios, xa chi 'a eb', xin chi 'a Baruc cha.

Jeremías 32:33

Ma'ix cot q'ueln eb' 'ayin, palta to a yichspatc eb' xya' cot 'ayin. Wach'xam caw ma'ix 'och wan in cuyn eb', palta ma'ix schaj xon eb' yab'i', a tas 'aj xin tench wan eb', caw may yel'ch 'a sat eb'.

Jeremías 29:19

yujto ma'ix schaj eb' yab' tas 'ix wac' yal eb' in checab', caw niwn 'ejm xyal eb' 'a eb'. An Jehová in, an tzwala to an̈jtona ax tic, ma'ix e chaj eyab' pax jun xo.

Jeremías 22:21

An tic, 'ix wal 'ayex yic 'ipn sniwtj tas 'ay 'ayex, palta ma'ix e chaj eyab'i'. 'Ixtan̈ej xeyutj cot e b'a 'a yictax quelmal, toxn matz e nib'j tze chaj eyab' tas tzwala.

Jeremías 19:15

A Jehová tztac' yuj smasnil, atn jun qui Diosalec an̈ israel on̈c tic, a 'ix aln 'ixtic: 'Oj wa' cot yailal 'a yib'n̈ Jerusalén tic, yet' 'a yib'n̈ jun tzo'n̈ xo chon̈b' 'ay 'a stz'ey. A smasnil yailal 'ix walcn tic, 'oj jawc 'a eyib'an̈ yujto xeyac' pitb'oc 'el e b'a, man̈xtzac eyiclj tas tzwala, xchi Dios, xchi Jeremías.

Jeremías 18:12

Ax yaln eb' 'aych 'ixtic: Man̈ extc a tiempo on̈ a tenn 'och wan 'a jun tzo'n̈ cha. Yujto an̈ tic, tzqui nib'j tzon̈ b'eyn̈j 'ixtic, junjn on̈, 'oj qui b'o tas maysch'olnil 'icha tznib'j qui c'ojol, 'oj schic eb' 'ayach, xchi 'ayin.

Jeremías 17:23

A eb' cha, ma'ix schaj eb' yab' tas xwala, ma'in syiclj eb'. A yic eb' to 'ix yac' pitb'oc 'el eb' snab'en, ma'ix syiclj eb' 'aj xin tench wa'an.

Jeremías 16:12

Ax xo pax ax tic, yel xo wal maysch'olnil xeyutj e b'a 'a yib'n̈ eb' e mam eyichm cha. Junjn ex, tzlaj e b'o tas tu tzjaw 'a e nab'en, man̈xtzac eyiclj tas tzwala.

Jeremías 25:7

Ax ticnec tzyal Jehová 'ayx 'ixtic: Ax tic, caw matz e chaj eyab' tas tzwala. Caw tze tzuntzj cot yowl in c'ojol, yic tzeyaln e b'a 'a jun tzo'n̈ comn dios to mun ax b'ojnac. Yuj cha, mun ax tzeyij cot yailal 'a eyib'an̈, xchi Dios.

2 Cr 33:10

Tenb'il 'och wan Manasés yuj Jehová yet' eb' schon̈ab', palta ma'ix schaj eb' yab'i'.

Jeremías 6:17

'Ix wa'n 'och jun tzo'n̈ eyilmal, 'ix waln 'ayx 'ixtic: Macljec eyab' 'aj 'oj 'utz'xoc q'uen trompeta yuj jun tzo'n̈ eyilmal cha, xin chi. Palta 'ix eyaln 'ixtc 'ayin: Ma'ay, matz yal qui c'ojl tzcab'i, xe chi.

2 Cr 24:19

'Ix schecn cot Jehová schecb' 'a eb', sec tzya'x 'och eb' sc'ojl 'a 'a, palta man̈xtoc xchaj eb' yab' 'a eb' schecb' Dios cha.

Zacarías 1:4

Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'.