Jeremías 25:35 - Chuj San Sebastian Bible

³⁵ A eb' yilmal chon̈ab', ma'oj stac' s'at eb' 'eloc, a eb' tzjucb'tzan eb' chon̈ab', ma'oj colchjoc can 'el eb'.

Chuj San Mateo Bible

³⁵ A eb' yilumal chon̈ab', man̈ ol yal sb'at eb' elelal. A eb' stan̈vumal chon̈ab' chi' man̈ ol colchajcanel eb'.

Jeremías 25:35 Referans Kwoze

Job 11:20

Palta ax eb' maysch'olnil snab'en, 'oj cob' sayc' eb' mach 'oj colwjoc 'a 'a, palta caw nab'a xoj. Man̈x 'oj 'ilchjoc 'aj wach' scoln sb'a eb', axn̈ej schamlil eb' 'aj 'oj ya'ch snab'en, xchi win Zofar.

Am 2:14

A 'a yic jun c'ul cha, a eb' jeln xon sb'eyi, man̈x 'oj stac' s'at eb' 'eloc, a eb' caw 'ay yip, man̈x 'a jac yip eb' ta', a eb' soldado caw tec'an, man̈x 'oj colchjoc eb'.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.

Ez 17:18

Yujto ma'ix yac' 'el'choc win rey tas xyal yet' sti', 'ix yac' win 'es 'a strato, xcob' yala' to yiclum tzyutj sb'a. Yujn̈ej cha, ma'oj stac' xon scoln sb'a.

Ez 17:15

Palta 'ix 'och win 'ajc'ojlal 'a win sreyl Babilonia cha, 'ix ya'n 'at win schecb' 'a win sreyl Egipto yic tzc'ann cot win no chej yic owal yet' nan̈loc eb' soldado, (a no schab'l salt'iw cha, tzyal 'el'chi, atn win sreyl Egipto). ¿Tom 'oj yac' ganar scoln sb'a yet' jun snab'en cha? ¿Tom 'oj stac' scoln sb'a jun mach to matz yac' 'el'choc strato cha?

Jeremías 48:44

A eb' 'oj 'at 'elc 'a eb' tzpechn b'eyc'oc cha, 'oj 'atcn eb' 'a yol junc xab'. A mach 'oj yac' ganar sq'uet 'a yol junc xab' cha, 'oj cancn 'a junc ch'an̈ ya'al, yujto an Jehová in, an 'oj wa' cot yailal nab'il wuj 'a yib'n̈ Moab.

Jeremías 38:23

Smasnil eb' 'ix estzil, yet' eb' onnal mamin rey, 'oj 'ajxoc 'och eb' 'a yol sc'ab' eb' 'aj Babilonia. Ach xo, ma'oj stac' a 'at 'elc 'a eb', palta to 'oj ajx 'och 'a yol sc'ab' win sreyl Babilonia cha, ax sn̈usn can eb' jun chon̈b' tic, xin chi.

Jeremías 38:18

Palta toto ma'oj a'ch a b'a 'a yol sc'ab' eb', to 'ixta', 'oj yi'c eb' jun chon̈b' tic, ax sn̈usn can eb', ach xo tic, man̈x 'oj stac' a coln a b'a 'a eb', xchi Dios, xin chi 'a win rey.

Jeremías 34:3

Ach tic man̈x 'oj stac' a 'at 'eloc. 'Oj a yamchj yuj eb' soldado winac, ax ach ya'n 'och eb' 'a yol sc'ab' win rey cha. A yic 'oj a c'och 'a yojltac, ax spaxtin win et'oc, 'oj lajwc cha, ax ejx 'at 'a Babilonia.

Jeremías 32:4

Ax win Sedequías cha, man̈x 'oj stac' scoln 'el sb'a 'a yol sc'ab' eb' caldeo. 'Oj can 'a yaln̈ yuj win sreyl Babilonia cha, yuj cha, yowlal 'oj c'och 'a yojltac jun rey cha.

Salmos 142:4

'Ilt nab'n 'a in wach' c'ab', toc 'ay mach 'ayc' wet'oc, yujto may mach 'ojtnac in. May xon mach tzin colni, toc 'ay mach tz'och 'il wu'uj.

Jeremías 11:11

Yuj cha, an Jehová in, an tzwala, to 'oj wa' cot yailal 'a yib'n̈ eb', man̈x 'oj stac' s'at eb' 'elc 'a 'a. Wach'xam 'oj 'el yaw eb', ax sc'ann eb' in colwal, palta man̈x 'oj in ta'w 'a eb'.

Jeremías 25:36

'Ab'c wal sc'acw eb' yilmal chon̈ab', 'ab'c yel yaw eb' yuj yailal, yujto tox 'ix lajw 'el schon̈b' eb' yuj Jehová.

Jeremías 37:17

Ax win rey Sedequías chi in 'a'n 'ijxoc 'at 'a sdespacho. A yic in c'och 'a yojltac win rey cha, 'ix sc'ultac c'anb'n win 'ixtc 'ayin: —¿'Aym junc spaxti Jehová tzal wab'i'? xchi winac. In ta'w 'ixtc 'a winac: —N', 'ay toni, 'ixtc wal yaln 'ixtic: Ach tic mamin rey, 'oj ajx 'och 'a yol sc'ab' win sreyl Babilonia, xin chi.