Jeremías 25:2 - Chuj San Sebastian Bible

² an Jeremías in tic, schecb' Dios waji, an xwal jun tzo'n̈ paxti chi 'a smasnil eb' 'anma 'a Judá yet' 'a eb' cajn 'a yol chon̈b' Jerusalén, 'ix waln 'ixtic:

Chuj San Mateo Bible

² Ix valan jun lolonel tic d'a masanil eb' anima ay d'a yol yic Judá yed' d'a masanil eb' cajan d'a Jerusalén. Yuj chi' ix valan icha tic:

Jeremías 25:2 Referans Kwoze

Jeremías 18:11

A ticnec, al 'a eb' 'aj Judá yet' 'a eb' cajn 'a Jerusalén, chajtlto an Jehová in, wan in nani tas 'oj ex wutc ax tic, yuj tas 'oj wutc wa'n 'och yailal 'a eyib'an̈. Yuj cha, 'actjec can e tu b'eyb'al, b'oc e b'eyb'al, xchi Dios, xa chi 'a eb'.

Jeremías 35:13

An Jehová in, tztac' wuj smasnil, e Diosal in, an tzwala, to tz'at al 'a smasnil eb' 'aj Judá yet' 'a eb' 'aj Jerusalén, to an Jehová in, an tzwala to scuy cab' eb' jun tzo'n̈ in cuynb'il, syiclc cab' eb' in checnb'il.

Jeremías 26:2

'Ix yaln 'ixtic: Ata tzach 'aj lin̈n 'a yamq'uil watut, tzlajw cha, tzaln smasnil tas tzwac' al 'a smasnil eb' 'anma tzcot 'a Judá, yic tzwul ya'nc 'ejm sb'a eb' 'a watut an Jehová in. May junc paxti chi matz ala.

Jeremías 25:3

Atxo 'a yic yoxlajn̈il ab'il yoch Josías yunnal Amón reyl 'a Judá tic, masnto ticnec, tzyal 'el'chi, 'ayx yoxlschawinc ab'il ticnec spaxtin Jehová 'ayin, yuj cha, caw niwn xo 'ejm 'ix wal 'ayex, palta ax xo tic, caw man̈ jac tze chaj eyab' 'ayin.