Jeremías 25:12 - Chuj San Sebastian Bible

¹² An Jehová in, an tzwala, to 'a yic 'oj lajwc 70 ab'il cha, atta 'oj in b'oyaj smul win sreyl Babilonia, yet' smasnil eb' cajn 'a jun snacion̈ cha, atn eb' caldeo. Caw 'oj in satl eb' 'a jun 'ejmn̈ej.

Chuj San Mateo Bible

¹² A in val Jehová in svac' in ti', ayic ol lajvoc 70 ab'il chi', ol in ch'olb'itan smul vin̈ sreyal Babilonia chi' yed' masanil eb' cajan d'a smacb'en vin̈, aton eb' caldeo. Ol in satel eb' d'a juneln̈ej.

Jeremías 25:12 Referans Kwoze

Dn 9:2

A yic yab'lil xo yoch win Darío chi yajlil, an Daniel in tic, 'ayn 'och in cuy jun tzo'n̈ ch'an̈ libro yic Dios, tzin nan yuj tas yaljnac can Jehová 'a Jeremías atn jun schecab', chajtlto a chon̈b' Jerusalén 'oj ma'xoc 'ejm lan̈chjoc, ax scan 70 ab'il 'a sictaquil, xchi 'a ch'an̈ un̈ tz'ib'b'il can yuj Jeremías.

Is 13:19

A chon̈b' Babilonia cha, cojxn yel wach' yilx 'a yib'n̈ jun tzo'n̈ xo nacion̈. A 'aych yi'nb'ilc chan̈ sb'i eb' cajn chi ta', palta lajn 'oj 'ajcn 'icha wutjnac can Sodoma yet' Gomorra yic in satn 'eli.

Jeremías 29:10

Tzwaln pax junx tic: A yic 'oj tz'acwc 70 ab'il e c'och 'a Babilonia cha, ax in colwj pax eyet'oc, 'oj wac' 'el'choc in ti wa'jnac cani, chajtlto 'oj ex wi'x meltzjoc 'a tic jun 'ejm xo.

Is 14:23

Cojn no lechuza 'oj cajnoc, ax yochcn yaxlumal. Mesmni 'oj wutc in satn can 'eli, xchi Dios.

Ez 35:9

'Oj can a lum chi sictacl 'a jun 'ejmn̈ej, man̈x 'a mach 'oj cajnc eb' lum chon̈b' macb'il o'oj. 'Ixta to b'i'an, ax ojcan 'eli, to an 'ixta tzach wutej.

Jeremías 25:14

'Oj wa'ch eb' 'a yol sc'ab' jun tzo'n̈ niwc nacion̈, yet' 'a yol sc'ab' jun tzo'n̈ niwc yajl to caw 'ay xo smay sb'inaxi. 'Ixta wal 'oj yutc eb' schan spac, atn tas smoj schan eb' yuj tas tz'el sb'oni, xchi Dios 'ayin.

Jeremías 23:2

A Jehová qui Diosalec an̈ israel on̈c tic, a tzaln 'ixtc 'a eb' yilmal schon̈ab', atn eb' yajl yaj 'a yib'n̈ eb': Ax tic, 'ix eyac' sactzic can 'at eb' in chon̈ab', xe xib'tj can 'at eb', ma'ix eya'ilj eb'. Yuj cha, an Jehová in, an tzwala, caw 'oj wa'ch yailal 'a eyib'n̈ yuj tas maysch'olnil tze b'o cha.

Is 46:1

A jun yechl comn dios tzcuch Bel, tox 'ix 'em pacnjoc; ax jun yechl comn dios tzcuch Nebo, tox 'ix telw 'ejm 'a sat lu'um. A jun tzo'n̈ yechl comn dios cha, a no chej tzcuchnb'ey eb', caw 'al jun tzo'n̈ chi 'a no, tzc'unb' no 'a yalan̈.

Is 20:1

A 'a jun 'el, a win Sargón sreyl Asiria, 'ix checb't jun scapitan̈ yet' eb' soldado 'at yac' owl 'a chon̈b' Asdod, 'ix 'em jun chon̈b' chi yuj eb'.

Is 15:6

'Oj tup chan̈ eb' a a 'a yol yic Nimrim, ax stacj chan̈ smasnil te c'ultac. Man̈x 'a xon junc te c'ultc yax xil 'oj canoc.

A Ch'an̈ Schab'il Libro Yic Yab'ixal Eb' Rey 24:1

A 'a yol stiempoal Joacim 'ix cot Nabucodonosor sreyl Babilonia yet' eb' soldado, yic tzya'n eb' owl yet'oc. 'Ix 'och 'a yol nacion̈ cha, ax Joacim 'oxe ab'il 'ix syiclj tas xyal win Nabucodonosor cha. Palta yajn̈ej sjeln snab'en, 'ix meltzj 'och 'ajc'ojlal 'a 'a.

2 Cr 36:22

A 'a b'ab'l ab'il yoch Ciro reyl 'a Persia, ata x'el'ch tas ya'jnac Jehová yal-l Jeremías. A Jehová a 'ix aln 'a snab'en Ciro sreyl Persia, yic tzyaln 'el jun ley 'a smasnil yol snacion̈ 'a un̈al, tzyaln jun ley chi 'ixtic:

Salmos 137:8

Ex 'aj Babilonia, jab'xoj wal 'oj e satli. Caw wach' yic eb' 'oj 'a'nc qui pac yuj tas on̈ eyutj on̈.

Is 33:1

'Oltacch wal ach satm 'el 'anma', a ticnec mant 'a mach tzach satn 'eli, ach macm sat 'anma', mant 'a mach tzmacn a sat 'a junc tas. At 'a yic 'oj 'och wan a satn 'el eb' 'anma', atta 'oj a satx 'eli, at 'a yic 'oj 'och wan a macn sat eb' 'anma', atta 'oj macxoc a sat.

Jeremías 27:7

Smasnil nacion̈, 'oj can 'a yol sc'ab' Nabucodonosor cha, 'a yol sc'ab' yunnal, yet' 'a yol sc'ab' yixchiquin, masnto 'oj jawc stiempoal yejm Babilonia. Atta 'oj can Babilonia chi 'a yol sc'ab' jun tzo'n̈ nacion̈, yet' 'a yol sc'ab' jun tzo'n̈ eb' rey to caw niwc yel'ch yet' yopiso.

Jeremías 27:22

An Jehová in an tzwala, to 'oj 'ijxoc 'at smasnil 'a Babilonia. Ata 'oj cancn ta', masnto 'a yic 'oj wi'x meltzjoc jun tzo'n̈ chi 'a jun e chon̈b' tic, xchi Dios.

Habacuc 1:17

¿Tom 'oj a'n̈j yamchjoc jun tzon̈ xo nacion̈ yuj eb' caldeo yet' yipal soldado eb', yic tzsatx 'el eb' yuj eb' 'a man̈x 'a niwnc'ojlal?