Jeremías 24:2 - Chuj San Sebastian Bible

² A 'a yojl junc te xuc cha, ata 'ay 'ejm te caw wach', caw wal 'ec'um, atn te sb'ab'l sat. Ax 'a yojl junx te xuc cha, ata 'ay 'ejm te c'al xo, man̈xtzac stac' qui lon te'.

Chuj San Mateo Bible

² A d'a yol junoc mooch chi', ayem te' sat higo te vach', q'uin̈xo, aton te' b'ab'el sat, axo d'a yol junxo te' mooch chi', ayem te' higo te chucxolaj, maxtzac yal-laj co loani.

Jeremías 24:2 Referans Kwoze

Is 5:7

'Icha win cha, 'ixta wal yaj Jehová yet' eb' yin̈tl Israel, 'icha to yawb'ente yaj eb', yet' pax eb' 'aj Judá. A Dios tztac' yuj smasnil, 'ix cob' stan̈woc to wach' tzyutj sb'a eb' 'a sley, palta ax x'aji, a milj 'anma sb'o eb'. May jac tojlal tzb'o eb', til wal yel yaw 'anma yixtx yuj eb'.

Is 5:4

¿'Ayt am jacx tzwutj te 'in b'oni? ¿'Ayt am ma'ix nachj wu'uj, tas wal tz'aj te yawxi? To cob' xin tan̈wj ya'n te sat caw wach', ax x'aji paj te sat tic.

Miqueas 7:1

Yuj cha, xwaln 'ixtic: ¡'Oltacn wali! lajn in xoj 'icha eb' tz'ec' sayj sat uva yet' sat higo 'a yic man̈x stiempoaloc. Palta man̈x 'a sat te xcani, man̈x 'a te sb'ab'l sat caw nib'b'il sloxi.

Mt 5:13

'Icha yatz'mil tas tzc'uxxi, 'ixta eyaj 'a yolyib'n̈q'uinl tic. Q'uinloc 'ay junc 'atz'm tzsat sc'achi'al. ¿Tast wal 'oj 'aj sc'achib'i jun 'ejm xo? Man̈x 'a yopiso, toxn̈ej tzjulx 'eli, tzlaj te'x yuj eb' 'anma'.

Os 9:10

Tzyaln Jehová 'ixtic: A wal yic xin chan in b'a yet' eb' 'aj Israel, caw wal in tzalji, 'icha eb' tz'ilchj te uva yuj 'a lum cusltac lu'um. A eb' e mam eyicham, 'icha wal junc sat te higo tzb'ab'l 'el-li, 'ixta eb' 'a in sat. Palta ax yic xc'och eb' 'a Baal-peor, 'ix ya'n 'ejm sb'a eb' 'a Baal, yuj cha, caw yajb'entac xyutj sb'a eb' 'icha jun comn dios schamc'ojlej eb' cha.

Jeremías 29:17

An Jehová in, tztac' wuj smasnil, an tzwala: 'Oj wa't owal, wejel, yet' yab'il 'a scal eb'. 'Oj wac' yajxoc eb' 'icha jun tzo'n̈ te higo c'alxo, caw juwnac xo, man̈xtzac stac' sloxi.

Nahúm 3:12

A smasnil e cuartel, lajn xoj 'icha sat te higo caw 'ec'm xo, c'un xoj scot c'otljoc. Toto 'ay mach tzicb'tan̈n te snun cha, tojl xoj scot te sat cha.

Nm 18:13

Yet' pax smasnil sb'ab'l sat 'awb'ente tzyij cot eb' 'ayn an Jehová in, ec tz'ajcn jun tzo'n̈ cha. Tzann̈j junc ecan 'ayc' et'oc, toto wach' yaj 'icha yaln ley, tztac' sc'uxn jun tzo'n̈ ofrenda cha.