Jeremías 23:19 - Chuj San Sebastian Bible

¹⁹ Caw maysch'olnil eb', yuj cha, 'oj wic' 'ejm eb' yet' yowl in c'ojol, lajn yowl in c'ojl chi 'icha junc niwquil yaxn̈ab' to caw 'aych yic'al, caw ji'lti sjawi.

Chuj San Mateo Bible

¹⁹ Te chuc eb', yuj chi' ol vac'och syaelal eb' yed' yoval in c'ool. A yoval in c'ol chi' lajan val icha junoc oval ic' n̈ab' sja xumnajoc.

Jeremías 23:19 Referans Kwoze

Jeremías 30:23

'Icha junc yaxn̈ab' 'aych yic'al, caw ji'lti sjawi, 'ixta wal yowl sc'ojl Jehová, 'oj jawc 'a yib'n̈ eb' maysch'olnil.

Jeremías 25:32

A Jehová tztac' yuj smasnil, a tzaln 'ixtic: Caw stzol-l 'oj 'aj syamchj jun tzo'n̈ nacion̈ yuj yailal 'oj jawc cha. Wan syamn sb'a jun yailal chi 'a 'aj tzlajw c'och lum lu'um, xchi.

Am 1:14

Yuj cha, 'oj wac' n̈usxoc tz'a smuroal chon̈b' Rabá, ax jun c'ac' chi 'oj satnc 'el scuartel eb'. Caw 'oj 'el yaw eb' yuj owal. A jun owl cha, 'icha wal junc niwquil 'ic', 'ixta 'oj 'aj sjawi.

Is 21:1

Alb'il can jun tzo'n paxti tic 'ixtc 'a yib'n̈ lum cusltac lum 'ay 'a sti a mar: 'Icha wal junc chacxuxm'ic' tz'ec' 'a lum Neguev, 'ixta 'oj 'aj scot eb' milwjum 'a lum cusltac lu'um, atn 'a lum caw 'ay smay.

Pr 10:25

A yic tzjaw yailal 'icha junc chacxuxm 'ic', tzsatcn 'el eb' maysch'olnil sb'eyb'al yu'uj, ax eb' wach' sb'eyb'al, te'nn̈ej yaj eb' 'a jun 'ejmn̈ej.

Zacarías 9:14

A Jehová 'oj sch'ox sb'a 'a yib'n̈ schon̈ab'. 'Icha raya 'ixta 'oj yutc sjulwji. A Jehová Cajlil, 'oj yutz'c strompeta, ax yec' lemnjoc 'a scal chacxuxm'ic' 'a stojlal sur.

Jeremías 4:11

A wal 'a yic jun tiempoal cha, 'oj yal Dios 'a eb' 'anma 'aj Jerusalén 'ixtic: 'Ay jun tacn̈ 'ic' tzcot 'a lum jolmctac witz 'ay 'a lum cusltac lu'um. A 'a stojlal in chon̈b' tzcot jommoc, a jun 'ic' cha, man̈ lajnoc 'icha junc 'ic' tzc'anlb'ax 'a yic tzchayx 'ixm trigo.

Is 40:24

Lajn eb' yajl chi 'icha junc 'unn c'ultc tot 'awb'il, mant 'a sch'an̈lyib' tz'at 'a yol lu'um. Toto tzyutz'j 'och Dios yic' 'a 'a, wal 'a yajn̈ej tztacji, ax chacxuxm'ic' tz'utz'n 'at 'icha solcal trigo.

Pr 1:27

'Icha junc chacxuxm 'ic' tz'a'n lajwc 'el smasnil tas, 'ixta wal 'oj 'aj sjaw tas tz'i'n cot xiwc'ojlal 'a eyib'an̈: atn yailal, somc'ojlal yet' cusc'ojlal.

Salmos 58:9

Lajw cab' 'ejm eb' mu'c 'icha te q'uix tzmolb'tzax 'och 'a yaln̈ chen, yajn̈ej tz'a 'ejmi. Toxn matz xej xon jun chen chi yu'uj.

Jeremías 51:1

Tzyaln Jehová 'ixtic: 'Oj wa' cot wal junc 'icha niwquil 'ic' caw ow 'a Babilonia yet' 'a eb' cajn ta', 'oj satxoc 'el eb' yu'uj.

Ez 1:4

Xlajw cha, xwiln scot jun niwquil 'ic' yet' jun niwquil 'asn 'a stojlal norte. A 'a scal cha, ata 'aych pax jun c'ac' caw tzn̈iln̈ni sc'aq'uil, jub'lji yec' sletz'lomal. Ax 'a scal jun c'ac' cha, ata 'aych jun tas caw tzictzni, lajn wal stzictznil yilx 'icha q'uen bronce.

Zacarías 7:14

Yuj wal cha, xwa'n sactzic eb' 'icha tzyutj chacxuxm'ic' junc tas. 'Ix 'atcn eb' 'a jun tzo'n̈ nacion̈ to man̈ yojcoc eb'. Ax schon̈b' eb', cusltac x'ajcni. Man̈x 'a junc mach xcan cajn 'a 'a. A schon̈b' eb' cha, caw wach' yilxi, palta yuj smul eb' 'ix cancn 'a cusltaquil, xchi Dios.

Jeremías 25:31

'Oj 'ab'xoc sc'an̈ 'a 'aj tzlajw c'och lum lum tic, yujto 'ay wal tas 'oj yal Jehová 'a yib'n̈ smasnil nacion̈. Caw 'oj b'eyc'ojlaxc smasnil 'anma yu'uj, ax ya'n can 'och chaml 'a yib'n̈ smasnil eb' maysch'olnil, xchi Dios, xa chi 'a eb', xchi 'ayin.

Jeremías 30:24

Ma'oj 'och wan yowl sc'ojl cha, masnto 'oj 'el'choc smasnil tas nab'il yu'uj. At 'a yic slajb' xo, ax snachj 'el jun tzo'n̈ tic eyu'uj.