Jeremías 23:1 - Chuj San Sebastian Bible

¹ A Jehová tzaln 'ixtic: Ex yilmal in chon̈ab', caw lajn ex 'icha eb' 'ilm calnelu to tzmiln cham e no', tzsactzic can 'at pax e no yuj eb', xchi Dios.

Chuj San Mateo Bible

¹ A Jehová tz'alan icha tic: Ex yilumal in chon̈ab', ob'iltac ex, lajan ex icha junoc tan̈vum calnel smilancham noc' scalnel chi', saclemcanb'at noc' yuuj. Icha chi' tzeyutej eb' in chon̈ab' tic, xchi Jehová.

Jeremías 23:1 Referans Kwoze

Jeremías 10:21

A eb' 'aych yilmalc jun chon̈b' tic, caw may snab'en eb'. Matz c'an eb' sjelnal 'a Jehová, yuj cha, 'ix lajw 'ejm eb'. 'Ix sactzic can 'at eb' 'anma smasnil.

Ez 13:3

¡'Ay, 'oltac wal jun tzo'n̈ eb' checb' mun tzcob' yal junc tas 'a yol yico'! Man̈ yeloc to 'ay tas tzyil eb' cha.

Mt 9:36

A yic x'och q'ueln 'a eb' 'anma cha, 'ix 'o'ch sc'ojl 'a eb', yujto lajn eb' 'icha jun tzo'n̈ calnelu may yilmal, caw 'aych eb' 'a syailal, caw cusc'ojlal yaj eb'.

Jeremías 22:22

'Oj 'ijxoc 'at eb' eyajlil yuj eb' 'ajc'ojl 'icha junc niwquil 'ic', ax eb' 'aych eyet'oc, 'oj 'ijxoc 'at eb' 'icha presoal. Toxn̈ej 'oj e q'uixw can 'eli. Man̈x 'a yel'ch 'oj eyajcni, yuj ton wal e maysch'olnilal.

Jeremías 12:10

Til wal eb' syajlil eb' 'ajc'ojl xwul satnc 'el in chon̈ab', 'icha to satl eb' te wawb'en uva 'awb'il wu'uj. Ste'wtan̈j eb' lum lum 'aj tzb'o in munljel. A lum lum caw wal nib'b'il wu'uj, caw wal cusltac x'ajcn lum yuj eb'.

Jeremías 50:6

A wal eb' in chon̈b' tic, lajn wal eb' 'icha e no calnelu satnc can 'ati, yujto man̈ wach'c tz'aj stan̈wx yuj yilmal, yuj cha, tzsatcn 'at e no 'a eb' lum jolmctac witz. Axn̈ejta tz'ec' e no 'a eb' lu'um, jun xo tzsat sc'ojl e no 'a scolal.

Jeremías 2:8

A eb' ya'mal 'och e ti 'ayin, man̈x 'ic jaw eb' 'a wojltac. Ax eb' e cuywmal, man̈x 'ic in yojquej 'el eb'. A eb' yajl yaj 'a e chon̈ab', 'ix meltzj 'och eb' 'ajc'ojlal 'ayin, ax eb' in checb' cob'i', a 'a sb'i Baal, ata xpaxtin 'el eb'. 'Ix 'och tza'n eb' yuj jun tzo'n̈ comn dios to may jac yopiso, xchi Dios.

Jn 10:12

'Ay 'aj ton̈j tzmajnax junc mach, tz'ilw calnelu, palta man̈toc caw 'ilm calnelu xoni. Toto tzc'och no 'ocs 'a 'a, yajn̈ej tzyactn can e no calnelu chi sch'ocoj. Tz'at 'eloc, yujto man̈ yico'oc e no'. Ax no 'ocs cha, tzyamn can cot no e no calnelu cha. Tzsactzic can 'at e no yuj no'.

Jn 10:10

'Ay eb' 'icha junc 'elc'm tzjawi, tzyelc'n eb' smil junc calnelu. Aln tic, tzin jaw wul wac' sq'uinl eb' 'anma 'a jun 'ejmn̈ej, sec wach' caw niwn swach'c'ojlal Dios 'oj scha eb'.

Jeremías 23:2

A Jehová qui Diosalec an̈ israel on̈c tic, a tzaln 'ixtc 'a eb' yilmal schon̈ab', atn eb' yajl yaj 'a yib'n̈ eb': Ax tic, 'ix eyac' sactzic can 'at eb' in chon̈ab', xe xib'tj can 'at eb', ma'ix eya'ilj eb'. Yuj cha, an Jehová in, an tzwala, caw 'oj wa'ch yailal 'a eyib'n̈ yuj tas maysch'olnil tze b'o cha.

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

Ez 34:31

A eb' in chon̈b' tic, eb' 'icha 'in calnelu yaji, tan̈b'il eb' wu'uj, wach' 'aj tzwac' wa eb', yujto sDiosal in eb'. An Jehová Yajl in, an tzwala, xchi Dios.

Ez 34:21

Ax yajl ex cha, tzlaj e tench e b'a 'a eb' 'emmquilal yeq'ui, najt tzc'ochcn eb' eyecn telwoc. 'Ay eb' tzlaj eyixtoc, tzlaj e pechn b'eyc'oc eb'.

Jeremías 2:26

'Icha wal tz'aj sq'uixw 'el junc 'elc'm 'a yic tz'ilchji, 'ixta 'oj eyaj e q'uixw 'el ex israel yet' eb' e reyal, eb' sat yajal, eb' ya'mal 'och e ti 'ayin, yet' pax ex in checab'.

Jn 10:8

'Ay eb' xb'ab'l jaw 'ayin, xcob' yalnc 'och sb'a eb' colwjumal. 'Icha junc 'elc'm tz'och 'a te colal, 'ixta eb' smasnil. Palta ax eb' yic xo Dios, ma'ix ya'ch eb' snab'en 'a eb'.

Jeremías 13:17

Toto ax tic matz e chaj eyab' tas tzwala, 'oj woc' eyuj 'a c'ultaquil, yujto tzeyij chan̈ e b'a. Caw 'oj 'eltoc yal in sat eyu'uj, yujto 'oj eyijx 'at 'icha presoal, xin chi 'a eb'.

Ez 36:38

A jun tzo'n̈ chon̈b' lajwnac can 'ejm cha, 'oj b'ut'joc pax 'ejm 'anma 'a 'a, lajn wal yilx 'oj 'aj 'ejm eb' 'anma chi 'a 'icha tz'aj sb'ut'j c'och no calnelu 'a Jerusalén yic tz'ajx no xajmb'al-l 'a q'uin̈. Atta 'oj in eyojcoc 'eli, to an Jehová in, xchi Dios.

Ez 34:1

'Ix yaln pax Jehová 'ayn 'ixtic:

Zacarías 10:3

A Jehová a tzaln 'ixtic: Caw wal xcot wowl 'a eb' yilmal in chon̈ab', yuj cha, 'oj wa'ch syailal eb' yajl yaj 'a eb'. An Jehová tztac' wuj smasnil, an 'oj in tan̈wc eb' in chon̈ab', atn eb' yin̈tl Judá. A eb' 'oj in c'anlb'oc 'icha no chej 'a'm owal.