Jeremías 22:9 - Chuj San Sebastian Bible

⁹ Ax sta'w jun tzo'n̈ xo eb' chi 'ixtc 'a eb': Yujto xyactj can eb' jun strato 'ix sb'o yet' Jehová sDiosal, ax 'a jun tzo'n̈ xo comn dios 'aj 'ix yal sb'a eb', 'oj schic eb' 'a eb', xchi Dios.

Chuj San Mateo Bible

⁹ Ol tac'voc juntzan̈xo eb' icha tic: Icha tic ix yutej Jehová sDiosal eb', yujto ix yactejcan strato eb' sb'onac yed'oc, axo d'a juntzan̈ comon dios b'aj ix och eb' ejmelal, xcham eb', xchi Jehová.

Jeremías 22:9 Referans Kwoze

2 Cr 34:25

Yujto in eyactjcani, ax 'a jun tzo'n̈ comn dios xe yac' e xajmb'al, xe tzuntzn cot wal yowl in c'ojl yuj smasnil tas x'el e b'oni. Yuj wal cha, tox 'ix cot yowl in c'ojl 'a yib'n̈ jun lugar tic, man̈xtzac stac' stup 'a yib'an̈.

A Ch'an̈ Schab'il Libro Yic Yab'ixal Eb' Rey 22:17

Yujn̈ej to in yactj can eb' in chon̈b' tic, 'ix sn̈usntz'a eb' incienso 'a jun tzo'n̈ comn dios, 'ix tzuntzj cot eb' yowl in c'ojol, yuj jun tzo'n̈ sdiosal eb' sb'ojnac; yuj wal cha, 'ix cot yowl in c'ojl 'a jun lugar tic, matz tup yowl in c'ojl cha.

Jeremías 50:7

Ax yic tzchan sb'a e no yet' junc 'ajc'ojl yajch 'a 'a, tzmilx cham e no yu'uj. 'Ixtnta pax yaj eb' in chon̈ab', tzyaln eb' 'ajc'ojl chi yuj eb' 'ixtic: An̈ tic, matz 'och jun tic qui muloc, yujto a eb' x'och smul 'a Jehová, atn jun tz'a'n tas tzc'ux eb', jun ya'jnac 'och eb' smam yichm eb' yipc sc'ojol, 'oj schic eb'.

A Ch'an̈ B'ab'el Libro Yic Yab'ixal Eb' Rey 9:8

A jun n̈a 'ix 'ochcn wico'oc tic, wach'xam caw nib'jub'tac ticnec, palta caw jun b'uln̈ 'oj 'aj slan̈chj can 'ejmi. A smasnil eb' 'oj 'ec' 'a stz'ey, caw 'oj sat sc'ojl eb' yilni, ax stzetzn eb' yilx 'ochi, ax yaln eb' 'ixtc junjn 'a 'a: ¿Tas laj yuj 'ixtc xyutj Jehová jun chon̈b' tic yet' pax jun yatut tic? 'oj schic eb'.

Jeremías 9:13

'Ix ta'w Jehová 'ayn 'ixtic: 'Ixtc x'aji, yujto xyactj can eb' chon̈b' in ley xwac' 'a 'a. Ma'ix schaj eb' yab' tas xwala, ma'ix syiclj eb'.

Jeremías 11:3

Tzal 'a eb' to an Jehová sDiosal in eb', an tzwala to catb'tzab'il eb' matz yiclni tas tzyal jun in trato tic.

Jeremías 16:11

Tzach ta'w 'a eb' 'ixtic: A Jehová, a tzaln jun tic: A eb' e mam eyicham, in yactj can eb', ax 'a spatc jun tzo'n̈ comn dios 'ix 'och tza'n eb', xya'n eb' 'emmquilal 'a jun tzo'n̈ cha. In yactj can eb', ma'ix syiclj eb' jun tzo'n̈ cuynb'il 'ix wac' 'a 'a.

Ez 5:15

A yic 'oj wa'nc 'och yailal 'a eyib'n̈ yuj yowl in c'ojol, ax eb' 'anma 'a jun tzo'n̈ xo chon̈b' 'a e la'nil, caw wal 'oj ex stzetzc eb', ax ex sb'uchn eb'.

Ez 12:16

Palta an 'oj wac' colchjoc can jaywn̈oc eb' 'a scal owal, 'a scal wejel yet' yuj yab'il, sec 'oj yal-l eb' 'a scal eb' 'anma 'a jun tzo'n̈ nacion̈ 'aj 'oj c'och cha, to til wal tas yajb'entac xlaj sb'o eb', ax in yojcan 'el eb', to an ton Jehová in, to cojn in ton Dios in, xchi Dios chi 'ayin.

Ez 14:23

Yujto a yic 'oj eyiln 'och sb'eyb'al eb' cha, ax snachj 'el eyu'uj, chajtlto man̈ nab'an̈ejoc 'ay tas tzwac' jawc 'a yib'n̈ jun chon̈b' cha. An Jehová Yajl in, an tzwala, xchi Dios.

Ez 39:23

Ax jun tzo'n̈ chuc nacion̈al cha, 'oj yojcoc 'el eb' to yuj stenmtacl eb' israel, 'ix 'ijx 'at eb' 'icha presoal 'a junc xo lugar. Yujto man̈ yiclumoc xyutj sb'a eb' 'ayin, yuj cha, xwi'n 'el in sat 'a eb', xwa'n 'ajxc ganar eb' yuj eb' 'ajc'ojl cha, til wal eb' xcham yuj owal.

Dt 29:24

Yuj cha, smasnil eb' 'anma 'a yolyib'n̈q'uinl tic, 'oj sc'anb'lac eb' 'a 'ixtic: ¿Tas laj yuj 'ixtc xyutj Jehová jun chon̈b' tic? ¿Tas laj wal yuj yel xo niwquil xyutj ya'n cot yowl sc'ojl 'a yib'an̈? 'oj schic eb'.

Jeremías 11:10

'Ix 'atcn eb' 'a maysch'olnil sb'ojnac eb' e mam eyicham. Atn eb' chi ma'ix yiclni tas 'ix wala, ax 'a jun tzo'n̈ comn dios 'aj 'ix ya'ch eb' snab'en, ata xyal sb'a eb'. A eb' 'aj Israel, ma'ix syiclj eb' in trato wa'jnac can yet' eb' e mam eyicham, an̈jtona eb' 'aj Judá, 'ixta 'ix yutj sb'a eb' jun xo.