Jeremías 22:5 - Chuj San Sebastian Bible

⁵ Palta toto ma'oj e cha eyab' jun tzo'n̈ tas 'ix wal tic, an Jehová in, an tzwac' in ti', to a jun despacho tic, 'oj satli, xchi Dios, xa chi, xchi 'ayin.

Chuj San Mateo Bible

⁵ Palta tato man̈ ol e cha eyab' juntzan̈ ix val a in Jehová in tic jun, a jun palacio tic ol sateloc, xchi Jehová, xa chi d'a eb', xchi d'ayin.

Jeremías 22:5 Referans Kwoze

Am 6:8

A Jehová tztac' yuj smasnil, sloc sb'i yic xya'n sti', 'ix yaln 'ixtic: Caw wal tzin yaj sb'an̈quintacl eb' yin̈tl Jacob tic, matz chaj in c'ojl jun tzo'n̈ sniwc despacho eb'. Yuj cha, 'oj wa'ch jun chon̈b' tic 'a yol sc'ab' eb' 'ajc'ojol, yet' smasnil tas 'ay 'a 'a, xchi Dios.

A Ch'an̈ Carta D'a Eb' Hebreo 6:13

A yic ya'n Dios sti 'a Abraham pecti', mun slocjnac sb'i, yujto may junc mach 'ec'b'al yel'ch 'a yib'an̈. Yuj cha, man̈ slocjnacc sb'i junc xo mach.

Jeremías 17:27

Palta toto an̈ja eyi'n 'oxt eyictz 'a spuertail chon̈b' tic 'a jun c'ul cha, 'icha to may yel'ch jun c'ul chi 'a e sat. To 'ixta', 'oj wa'ch c'ac' 'a spuertail chon̈b' tic. A jun c'ac' chi 'oj satnc 'el smasnil yatut eb' rey 'ay 'a Jerusalén tic, man̈x 'a mach 'oj stac' sma'n tupoc, xchi Dios, xa chi, xchi 'ayin.

Gn 22:16

'Ix yaln 'ixtic: —An Jehová in, an tzwala: Yujto 'ix a yiclj a b'on jun tic, ma'ach xiw a'n jun c'otn̈ onnal tic 'ayin, yuj cha, an tzwac' in ti',

Jeremías 39:8

Ax eb' 'aj Babilonia cha, 'ix sn̈usn can eb' despacho, yet' smasnil n̈a 'ay 'a Jerusalén. 'Ix sma'n lan̈chjoc eb' smuroal chon̈ab'.

Is 1:20

palta toto an̈ja tenmtac tzeyutj e b'a, 'oj e cham 'a scal 'owl 'oj wa' cot 'a eyib'an̈, xchi.

A Ch'an̈ Carta D'a Eb' Hebreo 6:17

An̈jtona', 'ixta yutjnac Dios ya'n sti', yujto mun slocjnac sb'i. Yujto tznib'j tzch'ox 'ayn̈ec, to caw yel 'oj quico'oquec tas 'aj ya'jnac sti yu'uj, to may jac tas 'oj sjela'.

A Ch'an̈ Carta D'a Eb' Hebreo 3:18

¿Mach eb' 'aj ya'jnac Dios sti', chajtlto may b'a'n̈ 'oj 'och eb' 'iljoc yu'uj? Atn 'a eb' man̈ yiclumoc yutjnac sb'a 'a 'a.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Salmos 95:11

Yuj cha, 'a scal yowl in c'ojol, xwa'n in ti', to may b'a'n̈ 'oj 'och eb' 'iljoc wu'uj, xin xchi, xchi Dios.

2 Cr 7:22

Ax yalx 'a eb' 'ixtic: 'Ixtc 'ix 'aj eb' yujto xyactjcan eb' Jehová sDiosal smam yicham, atn jun x'i'n 'elt eb' 'a Egipto, ax jun tzo'n̈ comn dios xyac' servil eb'. Yuj wal cha, 'ix cot jun niwquil yailal tic 'a yib'n̈ eb', 'oj schic eb' chi 'a eb', xchi Jehová 'a Salomón.

2 Cr 7:19

Palta toto ach tic mto eb' et chon̈b' tic, ma'oj eyiclc in ley yet' in checnb'il 'ix wa'cn 'ayex, ax 'oj 'ajoc to 'oj eyac' servil jun tzo'n̈ comn dios, ax eyaln e b'a 'a 'a,

Mt 23:38

'Ab'ec, a jun e chon̈b' tic, 'oj cann̈j 'a sictacl sch'ocoj;

Jeremías 26:4

Tzal 'a eb', chajtlto an Jehová in, an tzwal 'a eb' 'ixtic: Ax tic ma'ix e chaj eyab' in paxti', ma'ix eyiclj smasnil cuynb'il 'ix wal 'ayex.

Jeremías 44:26

Palta 'ab'c wal e masnil ex 'aj Judá, ex cajn ex 'ec' 'a Egipto tic tas tzyal Jehová 'ayex, yujto tzyal 'ixtic: An wal tzwa'cn in ti', to man̈x 'a junc eb' 'aj Judá tic 'oj in b'inan 'a Egipto tic yic tzya'n sti 'a junc tas.

2 Cr 7:21

A jun n̈a man̈x jantcoc swach'l yilx tic, 'oj lan̈chjoc can 'ejmi, caw 'oj sat sc'ojl eb' 'oj 'ec' 'a stz'ey yilni, ax yaln eb' 'ixtc yu'uj: ¿Tas yuj 'ixtc 'ix yutj Jehová jun chon̈b' tic, yet' pax jun n̈a tic? 'oj xchic eb'.

Jeremías 12:7

'Ix yaln Jehová 'ixtic: Tox 'ix can jun chon̈b' chamc'ojlb'il tic wu'uj. A eb' wic yaji, tox 'ix in patquilj can 'el eb', tox 'ix wa'ch eb' 'a yol sc'ab' eb' 'ajc'ojol.