Biblia Todo Logo
Bib sou entènèt

- Piblisite -




Jeremías 22:26 - Chuj San Sebastian Bible

26 'Oj ach wac' 'ijxoc 'at yet' a nun 'a jun lum lum to man̈oc ta ex 'alji, ata 'oj e cham e chawn̈il.

Gade chapit la Kopi

Chuj San Mateo Bible

26 Ol ach vac' ic'jocb'at yed' ix a nun d'a lum luum b'aj man̈oc ta' ex alji, ata' ol ex cham e chavan̈il.

Gade chapit la Kopi




Jeremías 22:26
16 Referans Kwoze  

'Ix ya'n pax win 'ijxoc 'at win rey Joaquín yet' snun, yet' eb' yistzil, yet' eb' 'aych 'a yopiso yet'oc, yet' pax eb' niwn yel'ch 'a jun nacion̈ cha. 'Ix 'ijx 'at eb' 'a Babilonia cha.


Wach'xam caw niwn el'ch alni, palta an Jehová in, an 'oj ach in julcn 'at 'a caw najat. Yet' wal smasnil wip ax ach in yamni,


Wajxclajn̈e ab'il sq'uinl Joaquín yic 'ix schan 'el yich ya'n reyal. 'Oxen̈ej 'uj 'ix yac' reyl 'a Jerusalén. A snun Nehusta sb'i, yisl win Elnatán 'aj Jerusalén.


Yujto tzyal Jehová 'ixtic: A 'a yic jun tiempoal tic, a wal ax cajn ex 'a jun nacion̈ tic, 'oj ex wac' sactzicoc, 'oj e 'at 'a najat. 'Oj wac' syam sb'a yailal 'a eyib'an̈, sec tzeyab' syal si'mb'il, xchi.


'Ix yaln Jehová 'ixtc 'ayin: Al 'a win rey yet' 'a 'ix snun winac, to an tzwal 'ixtic: 'Emn̈ect 'a e despacho. Tzlajw cha, ax 'a sat lum tzex 'em wocan, yujto a jun e corona man̈x jantcoc swach'l yilxi, caw 'oj 'ijxoc 'el 'a e jolom.


Yuj wal cha, 'oj ex wi'l 'a sat jun lum tic, ax ex wa'n can 'at 'a junx nacion̈ to man̈ eyojcoc, man̈ yojcoc pax eb' e mam eyicham. A wal ta', sc'ual, yac'wlil 'oj eyac' servil jun tzo'n̈ comn dios, caw man̈x 'oj 'o'ch in c'ojl 'ayex, xchi Dios, xa chi 'a eb'.


Man̈x 'oj e meltzj paxt 'a tic, wach'xam caw 'oj e nib'c meltzjoc e b'a, xchi Dios.


An Jehová in, an tzwala, to 'oj wi'x meltzjoc Jeconías yunnal Joacim sreyl Judá, yet' smasnil eb' 'anma 'ijxnac 'at 'icha presoal 'a Babilonia cha. Yowlal 'oj wi'x can 'el yopiso win sreyl Babilonia 'a eyib'an̈, xchi Dios, xchi Hananías.


Ax 'aj Judá ex jawnacx cajn 'a Egipto tic, may wal jaywn̈oc ex 'oj e can 'a e pitznal. Wach'xam 'oj cob' e nib'c c'ochx cajn e b'a 'a Judá jun 'ejm xo, cojxn wal jayc'otc ex 'oj 'at e col e b'a ta', xchi Dios, xin chi 'a eb'.


A yic 27 yoch slajchwil 'uj yic 37 ab'il xo yijx 'at rey Joaquín presoal 'a Babilonia, 'ix 'och Evil-merodac reyl 'a Babilonia cha. A yic yab'lil nant yoch reyl cha, 'ix sch'oxn swach' nab'enal 'a Joaquín sreyl Judá, 'ix yi'n 'elt 'a preso.


'Ix sjeln 'el Joaquín spichl tzc'an 'a yol preso cha, 'ix wa yet' win rey, a tzyal jantcto stiempoal pitzan.


'Ix ya'n̈j win sreyl Babilonia chi tas 'ay tz'och yuj Joaquín, masnto 'ix chami.


Swiv nou:

Piblisite


Piblisite