Jeremías 20:12 - Chuj San Sebastian Bible

¹² Mamin Jehová, tztac' oj smasnil, ach tza b'eyc'ojlej eb' tojl sb'eyb'al, tzel tas tzna eb'. Ch'ox wal wila', tas 'oj otc a'n 'och syailal jun tzo'n̈ 'anma tic, yujto tox 'ix wa'cn 'ab'enal in b'a 'a yol a c'ab'.

Chuj San Mateo Bible

¹² Mamin Jehová, Yajal ach d'a Smasanil, a ach tza ch'olb'itej eb' tojol sb'eyb'al, tzilan tastac sna eb' anima. Ch'ox vil tas ol utej ac'an syaelal juntzan̈ anima tic, yujto toxo ix vac'och in b'a ab'enal d'a yol a c'ab'.

Jeremías 20:12 Referans Kwoze

Jeremías 11:20

Yuj cha, xwaln 'a Dios 'ixtic: Ach tic Mamin Jehová, tztac' oj smasnil, Juez ach 'a stojlal. Caw ojc smasnil tas 'ay 'a qui nab'en an̈ 'anman̈ tic on̈. 'Ac' wal wil tas 'oj otc a'n 'och syailal jun tzo'n̈ 'anma tic, yujto tox 'ix wac' 'ab'enal 'a yol a c'ab' yuj tas tzna eb' 'a in patquil, xin chi.

Salmos 62:8

Ex wit chon̈ab', ca'c 'och Dios yipc qui c'ojl 'a smasnil tiempo. Yet' wal smasnil qui c'ojlec, tzon̈ leslwiec 'a 'a, yujto cojn 'a 'aj wach' tzqui colc qui b'a.

Salmos 54:7

yujto in a colcn 'elt 'a scal smasnil in somc'ojlal. Xwil slajw can 'el eb' 'ajc'ojl yajch 'ayin.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Salmos 59:10

Tzin a chamc'ojlej, ach 'oj a b'ab'lj wu'uj, ax a'n wila', tas 'oj 'aj slajw 'el eb' 'ajc'ojl yajch 'ayin.

Salmos 139:23

Ach in Diosal, maclj el in nab'en, tza'lni prowal tas yilx in nab'en tic.

Salmos 7:9

Yujto Dios ach, caw tojln̈ej a nab'en; ojtac tas yaj snab'en eb' 'anma', yet' tas c'ultac yaj 'a snab'en eb'. Sat cab' 'el eb' maysch'olnil sb'eyb'al, palta ax eb' wach' sb'eyb'al, 'ac' ste'nal eb'.

Jeremías 17:18

Q'uixw cab' can 'el eb' tzin pechn b'eyc'oc, man̈oc in cab' tzin q'uixw 'eli. Xiw cab' chan̈ eb', man̈oc in cab' tzin xiw cha'an̈. 'Ac' jawc yailal 'a yib'n̈ eb', lajw cab' can 'el eb' 'a jun 'ejmn̈ej, xin chi 'a Dios.

Is 37:14

'Ix schaj win rey Ezequías ch'an̈ carta 'a eb' schecb' sreyl chon̈b' Asiria cha, 'ix yawtn win ch'an̈. Xlajw cha, 'ix 'at 'a yatut Dios, 'ix squen̈n 'ejm win ch'an̈ 'a yojltac Jehová.

Salmos 17:3

Ach tic Mamin, caw ojtac tas 'ayc' 'a in nab'en. 'A junjn 'ac'wal tzwul in a b'eyc'ojlani, tzin a'n prowal, palta may in mul tz'ilchj o'oj. May 'aj 'ix wal jun tzo'n̈ paxti to man̈ smojc walni.

Salmos 11:5

A tzb'eyc'ojlan eb' wach', ax eb' tu sb'eyb'al, caw tzyajx 'el eb' yu'uj.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Apoc 6:10

A eb' cha, caw 'ip xyal eb' 'ixtic: —Ach Cajlil, caw wach'n̈j ach. Caw tz'el'chn̈ej tas tzala. ¿B'a'n̈ wal 'oj a b'eyc'ojloc eb' 'anma 'a yolyib'n̈q'uinl yuj qui chaml on̈, ax a'n spac 'a eb'? xchi eb'.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.

A Sb'ab'el Carta San Pedro 4:19

Yuj cha, a yic tzjaw junc yailal 'a quib'n̈ec 'icha tznib'j Dios, yowlal an̈ja wach' tzcutjec qui b'eyb'al. Tzca'nec qui b'a 'a yol sc'ab' jun b'ojnacn̈ec, yujto a jun cha, tz'el'chn̈ej tas tzyala.

A Sb'ab'el Carta San Pedro 2:23

A 'a yic 'ix b'uchwj eb' 'a 'a, ma'ix b'uchwj pax 'a eb'. Ax yic 'ix 'ajx pax 'och 'a syailal, ma'ix yala, to 'oj yac' spac 'a eb'. Ton̈j xyac' 'ab'enal sb'a 'a Dios, atn jun Juez caw tojol.

Jeremías 12:8

A jun chon̈b' to wicn̈ej cob' yaj tic, a 'a in sat, caw lajn 'icha no león tz'ec' 'a lum niwc yaxc'ultac, caw tz'el yaw scot 'ayin, yuj cha, tzin yajn can 'eli.

Is 38:14

'Icha wal yel yaw no pechul tz'ec' no 'a satcha'an̈, 'ixta yel waw wab'n syail, tzin c'acw 'icha sc'acw no parama. Caw wal tzc'unb' yol in sat in q'ue q'ueln 'a satcha'an̈. Mamin Jehová, caw wal tzin 'ixtx tzwab'i, ta'wan̈ 'ayin.

Salmos 86:4

'Ac' in tzaljc'ojlal an a checb' in tic, yujto cojn 'aych tzin leslwi.

2 Cr 24:22

A rey Joás man̈xtoc 'ix sna cot schamc'ojlal Joiada sch'oxjnac 'a 'a, atn smam Zacarías. A yico' to 'ix yac' milxoc cham Zacarías cha. A yic jab'xoj scham winac, xyaln can 'ixtic: A cab' Jehová tz'iln jun tic, a cab' 'oj 'a'nc yowlal, xchi.

A Ch'an̈ B'ab'el Libro Samuel 1:15

—May mamin, man̈ in 'u'moc 'an̈, to 'ay wal in cusc'ojlal tzwul wal 'a yojltac Jehová.

Salmos 58:10

Ax eb' tojl sb'eyb'al, 'oj tzaljoc eb' yic 'oj 'ajxoc spac 'a eb' maysch'olnil sb'eyb'al, yic 'oj sb'on̈nc eb' yoc 'a schic'l eb' maysch'olnil cha.