Jeremías 2:22 - Chuj San Sebastian Bible

²² An Jehová in, an tzwala: Wach'xam cob' tze b'icl e b'a yet' q'uen yalta'an̈, mto cob' niwn sawon tzeya'ch 'ayex, palta a e mul cha, caw 'ayn̈j 'ec' 'a wojltac, may xon tzex 'aj e sacb'i.

Chuj San Mateo Bible

²² A in val Jehová in svala': Vach'chom tze comon b'iquejel e b'a yed' q'uen yal taan̈, mato nivan xapon tzeyaq'uec' d'ayex, palta a e mul chi', chequel yajec' d'a in sat. Malaj b'aq'uin̈ syal e sacb'icani.

Jeremías 2:22 Referans Kwoze

Jeremías 17:1

'Ix yaln pax Jehová 'ixtic: A wal e maysch'olnilal ex 'aj Judá, caw wal may tz'aj sat 'a e nab'en, yet' 'a sch'ac jun tzo'n̈ yet'l e xajmb'al, caw may tz'aj sat e mul cha. Tzcancn yechl 'a 'ayx 'icha junc letra tz'ajx can 'och 'a junc q'uen q'uen yuj junc q'uen cincel mto yuj junc q'uen diamante.

Job 14:17

'Oj ac' sat a c'ojl a in maysch'olnilal cha, ax a sucn sat in mul.

Os 13:12

Caw checl yaj e mul ex 'aj Efraín. 'Ix stz'ib'x can e maysch'olnilal.

Jeremías 16:17

Yujto tzwil smasnil tas tz'el sb'on eb'. May junc mach tztac' sc'ub'n 'el sb'a 'a in sat, matz tac' xon sc'ub'n 'el smul 'a in sat.

Salmos 130:3

Q'uinloc a qui mul tza say el on̈, ¿mach wal junc 'oj ste'wtzoc sb'a 'a ojltac Mamin Jehová?

Am 8:7

Yuj cha, xya'n Jehová sti', atn jun mach yijnac chan̈ Jacob, xyaln 'ixtic: May b'a'n̈ 'oj sat in c'ojl 'a smul eb' cha.

Salmos 90:8

A qui mul yet' qui maysch'olnilal on̈, checln̈ej yaj 'a a sat.

Dt 32:34

Tzyaln Jehová: Smasnil jun tzo'n̈ smaysch'olnilal eb' 'ajc'ojl cha, nann̈ej wu'uj, ton̈j molb'il wuj 'icha tas 'ay 'a yol junc c'un̈a.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

A Ch'an̈ Schab'l Libro Samuel 11:12

'Ix yaln David 'ixtc 'a win Urías cha: —Cann̈ 'a junx 'ac'wl tic, ax q'uic'an tzach 'atxi, xchi. 'Ixta x'aj Urías scan 'a Jerusalén 'a junx 'ac'wl cha, masnto sacb'el 'a junx c'u.

Ez 24:6

An Jehová Yajl in, an tzwal 'ixtic: ¡'Ay, 'oltac wal jun chon̈b' tic, caw milm 'anma'! Lajn wal 'icha junc chen c'uxmtac, a yic tzb'icx 'eli, matz 'el jun sc'uxmtacl cha, xin chi. Ach xo tic, junjnal tzotj e'n q'uet no chib'j cha, man̈ a si'loc.