Jeremías 19:4 - Chuj San Sebastian Bible

⁴ Yujto in eyactjcani, xeya'n can 'och jun lum tic slumoc jun tzo'n̈ chuc diosal. 'Ix eya'n tz'a incienso 'a jun tzo'n̈ comn dios cha, jun tzo'n̈ to man̈ eyojcoc, an̈jtona eb' e mam eyicham, yet' pax eb' e reyal, man̈ yojcoc pax eb'. Caw niwn eb' 'anma may smul xe mil chamoc.

Chuj San Mateo Bible

⁴ Yujto tzin eyactejcani, tzeyac'anoch jun lugar tic yicoc comon dios. Tze n̈usan incienso d'a juntzan̈ comon dios man̈ eyojtacoc yed' eb' e mam eyicham. Man̈xa yalnab'il jantac eb' unin malaj smul tze milchamoc.

Jeremías 19:4 Referans Kwoze

Jeremías 2:34

Caw chi'ctac e pichl yuj schic'l eb' meb'a may jac smul. Xe mil cham eb', wach'xam man̈ wanoc yoch eb' 'elc'l 'ayex.

Is 65:11

Palta man̈ 'ichcta tzex 'aj ax tzeyij 'el e b'a 'ayn an Jehová in, atn ex tzeyac' sat e c'ojl 'a lum tzaln 'aj tz'och 'emmquilal, ex tzeyac' tas tzc'uxxi, yet' yal uva xajmb'al-l 'a jun tzo'n̈ comn dios, atn Gad yet' Meni, jun tzo'n̈ tznan 'el tas tzjaw 'a eyib'n̈ eyalni.

A Ch'an̈ Schab'il Libro Yic Yab'ixal Eb' Rey 21:16

Caw 'ix 'och smul smasnil eb' 'aj Judá yuj jantcn̈ej maysch'olnil sb'o Manasés 'a sat Jehová; til wal 'anma may smul 'ix ya' milxoc, 'ix b'ey schic'l eb' 'anma chi 'a smasnil yol yic Jerusalén.

Dt 28:20

'Oj ex scatb'tzoc can Jehová, ax ya'n cot yailal 'a eyib'an̈ yet' cusc'ojlal 'a yib'n̈ smasnil tas tze b'o'o. Jab' wal tiempo 'oj 'ec' eyu'uj, ax e lajw 'ejm yuj tas maysch'olnil tze b'o cha, yujto tzeyactj can Dios.

Jeremías 7:9

Tzex 'elc'wi, tzex milw cham 'anma', tze b'on 'ajmulal, tzeya'n cob' e ti 'a tas man̈ yeloc, tzeya'n tz'a incienso 'a jun comn dios tzcuch Baal, tzeya'n 'emmquilal 'a jun tzo'n̈ xo comn dios to may 'aj 'ix colwj 'ayex.

Jeremías 17:13

Mamin Jehová, ach 'aych 'och yipc qui c'ojl an̈ israel on̈ tic on̈. Smasnil eb' tzach 'actn cani, 'oj q'uixwc can 'el eb'. Smasnil eb' 'oj yi'l sb'a 'a a tz'ey, 'oj satcn 'el eb', 'icha tz'aj sat junc b'i tz'ib'b'il 'ejm 'a scal pococ. 'Oj satcn 'el eb', yujto tzach yactj can eb', ach tic, lajn ach wal 'icha junc spac'b'a'.

Jeremías 11:13

A wal eb' 'aj Judá cha, caw niwn sdiosal eb'. Lajn wal sb'isl 'icha sb'isl jun tzo'n̈ schon̈b' eb'. An̈jtona pax eb' 'aj Jerusalén, caw niwn jun tzo'n̈ yet'l xajmb'al eb' sb'o cha'an̈, 'icha xo sb'isl scayeal yol chon̈ab', 'ixta x'aj sb'isl 'aj tzyac' tz'a eb' incienso 'a Baal, atn jun comn dios yajb'entac.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Jeremías 2:17

Atn wal jun tzo'n̈ tic x'ec' 'a eyib'an̈, yujto in eyactj can an Jehová e Diosal in tic, yic ex wi'n b'ey 'a yol b'e.

Jeremías 2:13

Ax in chon̈b' ex tic, x'och chamacn̈ e mul. An tic, lajn in 'icha a a tzpaq'ui, palta in eyactj cani. Mun xoj xe b'o e diosal. A jun e diosal cha, lajn 'icha junc c'ob'a oln yich, matz can a 'a yojol, xchi Dios.

Is 59:7

Caw wal yajn̈ej tzex 'at 'a scal maysch'olnil, yajn̈ej tze miln cham eb' 'anma may smul. Cojn milj 'anma chi 'aych 'a e nab'en. A 'aj tzex laj 'eq'ui, til wal tas tze satcn 'eli.

A Ch'an̈ Schab'il Libro Yic Yab'ixal Eb' Rey 24:4

yet' yuj eb' 'anma may smul 'ix yac' milxoc 'a Jerusalén. Yuj cha, man̈xtoc 'ix yac' Jehová niwnc'ojlal.

Apoc 16:6

Yujto a eb' 'anma', xlaj smac' 'elt eb' schic'l eb' eco', yet' eb' a checab'. Yuj cha, cojxn chic' tzac' yuc' eb' 'anma ticnec. ¡Caw smoj 'ixta tz'aj eb'! xchi.

Lc 11:50

Yuj cha, jantcn̈ej eb' schecb' Dios milxnac chamoc, yictax yel yich yolyib'n̈q'uinl tic, 'oj ya'ch Dios schaml eb' chi 'a eyib'n̈ ax 'ayx 'ec' 'a jun tiempoal tic.

Lm 4:13

'Ixta 'ix uji, yuj wal smul eb' schecb' Dios yet' yuj smul eb' ya'mal 'och sti eb' 'anma 'a Dios, yujto til wal 'anma may smul 'ix smil eb' 'a yol chon̈ab'.

Jeremías 26:23

Ax eb' x'at 'i'nc Urías cha, 'ix wul ya'nc eb' 'a yol sc'ab' rey Joacim. Ax win x'a'n milxoc chamoc, xya'n win julxoc 'ejm sniwnal 'a yol xab' 'a 'aj tzmucx eb' comn 'anma'.)

Jeremías 26:15

Palta 'ojquejec 'el wal jun tic si'mb'il: Toto ax tic yet' eb' 'anma tic, tzin e mil chamoc, 'oj 'och jun tic e muloc, yujto tze mil cham jun mach to may jac smul. Yujto caw yel, a Jehová x'a'n wal-l smasnil jun tzo'n̈ paxti xwala, xin chi.

Jeremías 22:17

Palta ach xo tic, cojn ricoal tza nib'j ac' ganar 'a spatc maysch'olnil. Tza mil cham eb' may smul, caw wal tzextj eb' a chon̈b' yet' a tu nab'enal, xchi Dios.

Jeremías 18:15

Palta an tic, in 'atcn satc'ojlal yuj eb' in chon̈b' tic, ax 'a jun tzo'n̈ comn dios, ata tzyac' tz'a eb' incienso. 'Icha to 'ix sat eb' 'a jun b'e to 'ayc' xon 'a yic pecti', ax 'a jun tzo'n̈ c'ultac b'e tz'at eb'.

Jeremías 16:11

Tzach ta'w 'a eb' 'ixtic: A Jehová, a tzaln jun tic: A eb' e mam eyicham, in yactj can eb', ax 'a spatc jun tzo'n̈ comn dios 'ix 'och tza'n eb', xya'n eb' 'emmquilal 'a jun tzo'n̈ cha. In yactj can eb', ma'ix syiclj eb' jun tzo'n̈ cuynb'il 'ix wac' 'a 'a.

Jeremías 15:6

An Jehová in, an tzwala, tox in eyactj cani, yel xo wal tzex juw 'eli. Caw in c'unb' c'och ex wa'n niwnc'ojlal, yuj cha, 'oj ex in satli.

Jeremías 5:6

Yuj ton wal cha, 'oj 'eltoc no león 'a scal niwc te', ax smiln cham no eb'. Ax no 'ocs 'a lum cusltac lu'um, a no 'oj ch'iychtanc eb'. 'Oj c'och no leopardo 'a sti schon̈b' eb'. Toto 'ay eb' 'oj 'eltoc, caw choc' 'oj yutc no sch'iychtan can 'at eb', yujto caw niwn smul eb' x'ochi. Caw niwn 'ejm xyactj can eb' Dios, xin chi 'a in nab'en.

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Dt 28:64

A Jehová 'oj e pechn can 'at 'a jun tzo'n̈ xo nacion̈, 'oj e sactzic can 'at 'a jun tzo'n̈ chon̈b' 'ay 'a smasnil yolyib'n̈q'uinl tic. Ata 'oj eyal e b'a 'a jun tzo'n̈ comn dios tzb'o yet' te te', yet' q'uen q'ue'en, jun tzo'n̈ to man̈ eyojcoc, man̈ yojcoc pax eb' qui mam quichmec.

Dt 28:36

A Jehová 'oj eyi'n 'at yet' e reyl sic'b'il 'och eyu'uj, 'a junc nacion̈ to man̈ eyojcoc, man̈ yojcoc pax eb' qui mam quichmec. Ata 'oj eyac' servil jun tzo'n̈ comn dios, b'ob'il 'a te te', mto 'a q'uen q'ue'en.

Dt 13:13

toto ata tzyij chan̈ sb'a eb' tenmtac 'a Dios, tzjucb'tzan eb' 'anma chi 'a maysch'olnil yic tzya'n 'ejm sb'a eb' 'a jun tzo'n̈ comn dios man̈ 'ojcab'iloc,

Dt 13:6

Q'uinloc 'ay junc mach tzex c'ultac 'i'n 'at eyac' 'ejm e b'a a jun tzo'n̈ tzalx 'och diosal, atn sdiosal eb' chon̈b' oyn 'och 'a sla'nil, mto 'a snajtil 'el sti lum e lum cha, atn jun tzo'n̈ man̈ yojcoc eb' qui mam qui nun 'a pecti', man̈ e cha eyab' 'a 'a. Wach'xam a junc eyu'tac, junc eyunnal, junc eyisil, mto eyistzil chamc'ojlb'il eyu'uj, mto junc e wach'c'ojl caw wach' eyaj yet'oc, man̈ 'o'ch e c'ojl 'a 'a, man̈ junn̈joc tzeyutj e nab'en yet'oc, man̈ e c'ub'c 'eli.

A Ch'an̈ Schab'il Libro Yic Yab'ixal Eb' Rey 23:10

'Ixtnta pax xyutj Josías ya'n juwc 'el jun lugar tzcuch Tofet 'a pan̈n yic Ben-hinom, 'a 'aj tz'ajx tz'a eb' 'unn xajmb'al-l 'a jun yechl tzcuch Moloc. 'Ixta 'ix yutj winac, sec man̈x 'a mach tzb'eylb'an jun b'eyb'al cha.

Jeremías 1:16

Atn wal jun yailal tic 'oj wa'ch 'a yib'n̈ eb' 'anma 'ix 'och smul 'ayin, yujto in yactj can eb', ax 'a jun tzo'n̈ comn dios 'ix yac' eb' 'emmquilal. Xya'n pax tz'a eb' incienso 'a 'a, palta mun a eb' xb'on jun tzo'n̈ chi yet' sc'ab'.

Jeremías 7:6

Man̈x eyixtc eb' chuc chon̈b'al, eb' meb'a 'unn chamnc smam yet' eb' 'ix 'ix chamnc yichmil. Man̈x e mil cham eb' 'anma may smul. Man̈x eyac' 'emmquilal 'a jun tzo'n̈ comn dios tzex jun 'eli.

Jeremías 17:20

Tzaln 'a eb' 'anma 'ixtic: Ex rey, yet' e masnil ex cajn 'a Jerusalén tic, ex to cajn 'a Judá, yet' pax ex tzex 'och 'a jun tzo'n̈ puerta tic, 'ab'c wal tas tzyal Jehová, a tzaln 'ixtic:

Jeremías 22:3

A tojlal, yet' wach'il, a tze b'eylb'ej. Man̈ eyixtc eb' eyit 'anma'il, man̈ eyixtc eb' chuc chon̈b'al, yet' eb' meb'a 'unn chamnc smam, yet' eb' 'ix 'ix chamnc yichmil. An̈jtona', man̈ e mil cham eb' 'anma may smul.

Jeremías 44:3

yuj wal smaysch'olnilal eb' 'anma x'el sb'oni. 'Ix stzuntzj cot eb' yowl in c'ojol, yujto 'ix yac' 'ejm sb'a eb' 'a jun tzo'n̈ comn dios, 'ix ya'n eb' incienso xajmb'al-l 'a jun tzo'n̈ cha, atn jun tzo'n̈ comn dios 'aj may yaln eb' yico', an̈jtona ax tic, yet' eb' e mam eyicham, may xon eyaln eyic 'a jun tzo'n̈ cha.

Ez 7:22

'Oj wi'l in sat 'a jun nacion̈ tic, ax eb' 'elc'm cha, man̈x 'a yel'ch 'oj yutc can eb' jun lugar to wicn̈ej yaji.

Ez 20:26

'Ix wa'n yixtc 'el sb'a eb' yet' xajmb'al, to a sb'ab'l 'unnal eb' tzyac' tz'a xajmb'alil. 'Ixta 'ix wutj eb', sec tzxiw chan̈ eb', ax yojcan 'el eb' to an ton Jehová in, to cojn in ton Dios in, xchi Dios, xa chi 'a eb' 'ichmtac winc cha.

Dn 11:31

Ax eb' soldado cha, caw 'oj yixtc 'el eb' jun scajnub' Dios, yet' jun tzo'n̈ cuartel jun yaj yet'oc. 'Oj yi'ch wan eb' yajx jun tzo'n̈ xajmb'al tz'ajx 'a junjn c'u. Ax tas yajb'il yuj Dios, a 'oj ya'ch eb' 'a yol scajnub' Dios cha, sec tzjuw 'el yu'uj.

Jueces 5:8

A wal yic sayn 'ec' eb' wit israelal jun tzo'n̈ comn dios, caw wal tzjaw eb' 'a'm owl 'a sti spuertail chon̈ab'. Man̈x xon junc tzmacn sat jul-lab', man̈x xon lanza tzwil 'a scal junc 40 mil eb' wit chon̈ab'.

Salmos 106:38

Scomn 'i'n 'el eb' schic'l eb' 'unn may smul, atn schic'l yunnal eb' mto yisl eb'. Xlaj ya'nc eb' xajmb'al-l 'a sdiosal eb' 'aj Canaán. Ax lum lum cha, 'ix juw can 'el lum yuj schic'l eb' cha.

Ez 8:11

A 'a yojltac jun tzo'n̈ yechl cha, ata oyn 'och 70 eb' yichm wincal chon̈b' Israel yal sb'a. A 'a scal eb' cha, ata 'ayc' Jaazanías win yunnal Safán. C'uxn yet' eb' stz'ab'c'ac' smasnil, caw wal tzq'uic'b' 'ejm stab'l incienso yuj eb'.