Jeremías 19:13 - Chuj San Sebastian Bible

¹³ Smasnil n̈a 'a Jerusalén tic, yet' sdespacho eb' sreyl Judá, yet' pax span̈nil yib'n̈ n̈a 'a 'aj tz'ajx tz'a incienso 'a smasnil jun tzo'n̈ c'anal 'ay 'a satcha'an̈, yet' 'a 'aj tzeyac' 'ejm yal uva tzeyac' ofrendail 'a jun tzo'n̈ chuc diosal. Smasnil jun tzo'n̈ cha, yajb'entac 'oj 'ajcni, lajn 'oj 'ajcn 'icha Tofet, xchi Dios.

Chuj San Mateo Bible

¹³ Te yajb'entac ol ajcan masanil pat d'a Jerusalén tic yed' spalacio eb' sreyal Judá. An̈ejtona' yajb'entac ol ajcan span̈anil yib'an̈tac pat b'aj sn̈usji incienso d'a q'uen c'anal d'a satchaan̈ yed' b'aj tze sequem vino ofrendail d'a comon dios. Icha Tofet chi' ol ajcanoc, xchi Jehová, xa chi d'a eb', xchi Jehová d'ayin.

Jeremías 19:13 Referans Kwoze

Jeremías 32:29

A eb' caldeo wan ya'n owl 'a jun chon̈b' tic, 'oj 'oxtoc eb' 'a yol chon̈b' tic, ax sn̈usn can eb', ax stz'a smasnil jun tzo'n̈ n̈a 'aj xlaj ya'ch eb' 'anma smul 'ayin, a 'a span̈nil yib'n̈ jun tzo'n̈ n̈a cha, ata xyac' tz'a eb' incienso 'a Baal, 'ix ya'n pax eb' yal uva 'a jun tzo'n̈ chuc diosal.

A Ch'an̈ Schab'il Libro Yic Yab'ixal Eb' Rey 23:12

An̈jtona', 'ix ya'n win ma'xoc poj jun tzo'n̈ yet'l xajmb'al b'ob'il can yuj eb' sreyl Judá 'a span̈nil yib'n̈ yatut can Acaz, yet' pax jun tzo'n̈ yet'l xajmb'al b'ob'il can yuj Manasés, 'a schab'l yamq'uil yatut Jehová. Caw choc' 'ix 'aji, 'ix sjuln can 'at sc'ajl chi 'a yojl a Cedrón.

Sofonías 1:5

'Oj in satl pax smasnil eb' tzlaj q'ue 'a yib'n̈ span̈nil yatut yic tzlaj yalnc sb'a eb' 'a jun tzo'n̈ c'anal, yet' eb' tzlaj 'em cuman yic tzlaj slocn eb' in b'i, palta tzloc pax eb' sb'i jun comn dios tzcuch Milcom.

Jeremías 7:18

A eb' 'unnab'il tzsayn cot te c'atzitz, ax eb' mamb'il tzecn 'och te c'ac', ax eb' 'ix nunb'il tzb'on 'ixm c'oxox, yic tzya'n eb' ofrendail 'a jun comn dios tzcuch syajlil satcha'an̈. Caw tzuntzj cot eb' yowl in c'ojol, yic tzya'n eb' yal uva 'a jun tzo'n̈ chuc diosal.

Dt 4:19

A yic tzex q'ue q'ueln 'a satcha'an̈, tzeyiln q'ue c'u, 'uj, c'anal yet' smasnil tas 'ay 'a satchan̈ cha, xeya't wal somchjoc e nab'en yic tzeyaln e b'a 'a jun tzo'n̈ cha, yujto a Jehová qui Diosalec, a b'ojnac jun tzo'n̈ cha, sec tz'och swach'loc smasnil chon̈b' 'ay 'a sat lum lum tic.

Jeremías 44:18

Palta at 'a yic xcactn ca'n incienso yet' yal uva xajmb'al-l 'a 'ix syajlil satcha'an̈, ata xlajw 'ejm tas 'ay 'ayon̈, on̈ cham yuj wejel, yet' pax yuj owal, xchi eb'.

Salmos 79:1

Ach qui Diosal on̈, 'ix wul stoc'c' eb' chuc chon̈b'al lum a lum tic. 'Ix yixtj 'el eb' atut, xlajw cha, sma'n can juwc eb' chon̈b' Jerusalén.

Salmos 74:7

'Ix ya'n 'och eb' sc'a'l a cajnub'; caw xjuw 'el 'aj caljnac qui b'a 'aych on̈, x'em b'uln̈ can 'a sat lum yuj eb'.

A Ch'an̈ Schab'il Libro Yic Yab'ixal Eb' Rey 23:10

'Ixtnta pax xyutj Josías ya'n juwc 'el jun lugar tzcuch Tofet 'a pan̈n yic Ben-hinom, 'a 'aj tz'ajx tz'a eb' 'unn xajmb'al-l 'a jun yechl tzcuch Moloc. 'Ixta 'ix yutj winac, sec man̈x 'a mach tzb'eylb'an jun b'eyb'al cha.

A Tas Sc'ulejnac Eb' Schecab' Jesús Hechos 7:42

Yuj cha, 'ix yi'n 'el sb'a Dios 'a scal eb'. 'Ix 'actx can eb' sch'ocoj, sec tzyac' 'ejm sb'a eb' 'a jun tzo'n̈ c'anal 'ay 'a satcha'an̈. 'Ixta yutjnac jun schecb' Dios stz'ib'n cani, 'a 'aj tzyal 'ixtic: Ex israel, a wal yic yec' eb' e mam eyichm chawinc ab'il 'a lum cusltac lu'um, caw man̈oc 'ayn ya'jnac tz'a eb' xajmb'al yet' yofrenda.

Ez 20:28

A yic xwi'n 'och eb' 'a sat lum lum 'aj wa'jnac in ti wa'n 'a eb', cojn wal yic x'och eb' 'a lu'um, 'ix yiln 'och eb' lum tzalctac, eb' te te pim xi'il. Axta 'ix laj sn̈us eb' xajmb'al, xlaj ya'nc eb' yofrenda 'a jun tzo'n̈ sdiosal, atn jun tzo'n̈ chi tzuntzn cot yowl in c'ojl 'a yib'n̈ eb'. 'Ix ya'n tz'a eb' jun tzo'n̈ incienso, xlaj stob'n q'ue eb' jun tzo'n̈ yal uva 'a yib'n̈ jun tzo'n̈ cha.

Jeremías 52:13

A win xwul n̈usnc yatut Dios yet' sdespacho eb' rey, yet' yatut eb' niwc winc 'a Jerusalén cha.

A Ch'an̈ Schab'il Libro Yic Yab'ixal Eb' Rey 23:14

An̈jtona', 'ix ya'n win ma'xoc poj jun tzo'n̈ q'uen q'uen to niwn yel'chi, yet' jun sch'oxnb'il Asera cha. Xlajw cha, 'ix ya'n win julxoc can 'at sb'acl eb' chamnc 'anma 'a 'aj 'ayc' eb' cha.

A Tas Sc'ulejnac Eb' Schecab' Jesús Hechos 10:9

Ax 'a junx c'u 'a chimc'ual, yic wan sc'och eb' checb' chi 'a sla'nil chon̈b' Jope cha, ax Pedro 'ix q'ue leslwoc 'a span̈nil yib'n̈ yatut win Simón cha.

A Ch'an̈ Schab'il Libro Yic Yab'ixal Eb' Rey 17:16

'Ix yactn can eb' smasnil schecnb'il Jehová sDiosal, sb'on eb' chawn̈ yechl wacx tenb'il b'o'oc, sb'on pax eb' jun sch'oxnb'il sdiosal tzcuch Asera, 'ix 'och eb' 'emmquilal pax 'a jun tzo'n̈ c'anal yet' 'a Baal.

Jeremías 8:2

Ax scancn tzicn jun tzo'n̈ sb'acl eb' cha. 'Oj 'ec' yoc c'u 'a yib'an̈, yoc 'uj yet' yoc c'anal. A yic pitznto eb', caw schamc'ojlej eb' jun tzo'n̈ cha. Yaljnac sb'a eb' 'a jun tzo'n̈ cha, ya'jnac eb' 'emmquilal 'a 'a. Yuj cha, man̈x 'a mach 'oj si'noc sb'acl eb' cha, man̈x 'a mach 'oj mucnoc. 'Oj cancn tzicn 'a yib'n̈q'uinl 'icha tzyac' stza no noc'.

Jeremías 19:12

An Jehová in, an tzwala, to 'ixta wal 'oj wutc jun chon̈b' tic, yet' jantc ex to cajn ex 'a 'a, lajn wal 'oj eyajcn 'icha Tofet.

Is 22:1

Yuj lum pan̈n 'aj tzch'oxx 'ilxoc jun tzo'n̈ tas 'a 'icha waychil, yuj cha, yalx can jun tzo'n̈ tic 'ixtic: Ex 'aj Jerusalén, ¿tas tzex 'i'ni, yuj cha, e masnil xoj tzex q'ue 'a yib'n̈ eyatut?