Jeremías 18:6 - Chuj San Sebastian Bible

⁶ An Jehová in, an tzwal 'ixtc 'ayx ax israel ex tic, ¿tom matz tac' ex wutn 'icha tzyutj jun winc tic lum b'i'ch 'ayc' 'a yol sc'ab' tic? Ax tic, lajn eyaj 'a yol in c'ab' 'icha lum b'i'ch 'ayc' 'a yol sc'ab' win tz'acm cha.

Chuj San Mateo Bible

⁶ A in val Jehová in sval d'ayex israel ex tic: ¿Tom max yal ex vutan icha syutej lum luum vin̈ tz'acum tic stz'acani? A ex tic, lajan eyaj d'a yol in c'ab' icha yaj lum luum d'a yol sc'ab' vin̈ tz'acum tic.

Jeremías 18:6 Referans Kwoze

Is 64:8

Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

Is 45:9

A mach tzyac' owl yet' mach b'ojnac, a jun cha, lajn 'icha lum tz'acb'il lum c'un spoji. Toc wal tzyal lum tz'acb'il lum chi 'ixtc 'a mach tzb'oni: ¿Tas tza b'o'o? Ach tic man̈ ojcoc tzach munlji, tom xchi lu'um.

Jeremías 18:4

A yic wan stz'acn win jun lum xalu, ax x'aji tu x'aj 'el'ch lu'um. Yuj cha, 'ix sb'on pax win junx xalu yet' lum slumal jun tu x'aj cha, 'ix sb'o 'icha wal tznib'ej.

Mt 20:15

Yujto an 'ay waln wic wa'n in tumn 'icha tzin nib'ej. Matz tac' a chichn 'och 'ayin, yujto wach' tzwutj in b'a 'a junc xo mach, xchi winac. 'Ixta tzyal jun 'ab'x tic.

Dn 4:23

An̈jtona 'ix eln pax yemt jun ángel 'a satcha'an̈, atn jun stan̈mal yolyib'n̈q'uinl tic, 'ix yaln 'ixtic: Ch'acc 'el jun te cha, satc 'eli, cojxn yib' yet' sch'an̈l yib' tzeyactj can 'a sat lu'um. Tzlajw cha, tze jaln can 'ejm yet' q'uen cadena to hierro yet' bronce. A jun cha, can cab' 'a scal c'ultac, 'ejm cab' chicb'chan̈ 'a yib'an̈. A cab' te c'ultc 'oj slo yet' no calte'al noc', masnto 'oj 'ec' uque ab'il 'a yib'an̈, xchi jun ángel cha.

Ro 11:34

'Icha tzyal 'a Ch'an̈ U'un̈: ¿Toc 'ay junc mach 'oj stac' yojcan 'el snab'en Cajlilec? ¿Toc 'ay junc mach 'oj stac' ya'n snab'enoc?

Jeremías 18:5

Yuj cha, 'ix yaln Jehová 'ayn 'ixtic: