Jeremías 18:20 - Chuj San Sebastian Bible

²⁰ ¿Tom a yet' maysch'olnil tzpactzax wach'c'ojlal? A eb' cha, tox 'ix sna eb' tas 'oj yutc eb' in smiln chamoc. Na coti, chajtlto in 'och lin̈n 'a ojltac, yic in tew 'aych yuj eb', sec matz cot yowl a c'ojl 'a yib'n̈ eb'.

Chuj San Mateo Bible

²⁰ ¿Tom yed' chucal tz'aj spactzitaj vach'c'olal? A eb' chi' toxo ix sna eb' tas ol yutej eb' in smilanchamoc. Nacoti to ix in c'och d'a ichan̈ in tevi d'ayach yuj svach'iloc eb', yic max ac'cot yoval a c'ol d'a yib'an̈ eb'.

Jeremías 18:20 Referans Kwoze

Salmos 57:6

A eb' 'ajc'ojl yajch 'ayin, xyac' 'ejm eb' ch'an̈ yal 'a wojltac, caw tztac in c'ojl yuj eb'. 'Ix sjoyn eb' jun jul 'a wojltac, palta mun a eb' xtelw can 'at 'a yojol.

Salmos 35:7

Wach'xam may in mul, palta sb'ojnac 'ejm eb' sch'an̈ yal 'a wojltac; may xwutj eb', palta 'ix sb'o eb' jun jul sec tzin 'at 'a yojol.

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Salmos 35:12

A eb' 'aj wach' xlaj wutc in b'a, 'ix meltzj 'och eb' 'ajc'ojlal 'ayin; yuj cha, caw tzyac' eb' cus in c'ojol.

Jeremías 18:22

'A' cot jun b'ulc eb' soldado 'elc'm 'a scal eb'. 'Ab'x cab' yel yaw eb' yuj yailal. Yujto sjoy eb' jun tzo'n̈ olan, sec tzin yamchj yuj eb', xyac' 'ejm eb' ch'an̈ yal 'a wojltac.

Ec 10:8

A eb' tzb'on junc xab', 'ay smay mun a eb' tz'atcn 'a yojol. Ax eb' tzxuyn 'ejm junc muro, 'ay smay a no chan tzchin eb'.

Pr 26:27

A mach tzjoyn junc jul, mun a 'oj 'atcn 'a yojol; a junc tzecn 'at junc q'uen 'a yib'n̈ junc 'anma', an̈jtona', q'uen 'oj cot pax 'a yib'an̈.

Salmos 119:95

A eb' maysch'olnil snab'en 'a in patquil, tan̈b'il yuj eb' b'a'n̈ tzin satli, palta an xo tic, caw 'aychn̈ej in nab'en 'a jun tzo'n̈ a cuynb'il tic.

Jn 15:25

Palta 'ixtn tic tz'aj yel'ch jun tzo'n̈ tic, sec tz'el'ch tas tz'ib'b'il can 'a ch'an̈ ley 'aj tzcob' ya'ch eb' snab'en. 'A 'aj tzyal 'ixtic: Tzcomn chichn 'och eb' 'ayin, xchi 'a Ch'an̈ U'un̈.

Jn 10:32

Palta xyaln pax 'ixtc 'a eb': —Til wal tas wach' xin b'o yuj spoder in Mam 'a e cal. ¿'Aja junc chi 'i'n tzin e nib'n in e jul chamoc? xchi 'a eb'.

Jeremías 14:20

Mamin Jehová, caw tzqui na cot qui maysch'olnilal on̈, yet' pax stenmtacl eb' qui mam quichm on̈. Caw x'och qui mul 'aych on̈.

Jeremías 11:14

Yuj cha, ach Jeremías, man̈ ach leslwoc yuj jun chon̈b' tic, man̈ ach tewoc 'ayn yuj eb', yujto ma'oj in ta'wc 'ayach. Wach'xam 'oj sc'an eb' in colwal 'a scal syailal, wal yel, ma'oj in ta'w 'a eb', xchi.

Jeremías 7:16

Ach Jeremías, man̈ ach leslwoc yuj jun chon̈b' tic. Man̈ al 'ayin, man̈ ach 'och tecn 'ayin, man̈ ach tewc 'ayn yu'uj, yujto ma'oj in ta'w 'ayach.

Pr 17:13

Toto tu tzcutjec qui pactzan swach'c'ojlal junc mach, may wal b'a'n̈ 'oj 'el yailal 'a yol catutec.

Salmos 38:20

A tas wach' tzwutj 'a eb', tu tzyutj eb' spacn 'ayin; tzlaj 'och eb' 'ajc'ojlal 'ayin, yujto wach' tzwutj in b'eyb'al.

Salmos 7:15

Caw xab' yich jun sjul eb' sb'ojnac, palta a 'a yol jun sjul eb' cha, ata 'oj 'atcn eb'.

Job 6:27

Ax tic, tzyal e c'ojl eya'n 'och suerte 'a yib'n̈ eb' meb'a 'unn chamnc smam, tzyal pax e c'ojl e chon̈n 'el junc e wach'c'ojol.

A Ch'an̈ B'ab'el Libro Samuel 19:4

'Ix yaln Jonatán 'a Saúl yuj swach'loc David. Xyaln 'ixtic: —Mamin rey, man̈ 'och a mul 'a jun a checb' David, yujto may junc tas tu 'ix 'el sb'on 'ayach. Caw wach'n̈j tas tz'el sb'on 'ayach;

Jeremías 5:26

Yujto a 'a jun in chon̈b' cha, 'ay wal eb' 'anma caw tu', tzyac' 'ejm eb' ch'an̈ yal 'a yol sb'e junc 'anma', 'icha tzyac' junc mach tzyalan no ch'ic.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Jeremías 18:19

Xwaln 'ixtc 'a in lesal: Mamin Jehová, 'ochn̈ wal q'ueln 'ayin, 'ab' wal tas tzyal eb' 'ajc'ojl yach 'ayn tic.

Jeremías 27:18

Toto caw yel in checb' yaj eb', leslwoc cab' eb' 'ayin, yujto an ton tic Jehová in, tztac' wuj smasnil. Sc'an cab' eb' 'ayin, sec wach' man̈xtzac 'ijx 'at jun tzo'n̈ xo syamc'ab'il watut 'a Babilonia, yet' tas 'ayt can 'a sdespacho win sreyl Judá, yet' 'a Jerusalén, xchi Dios, xin chi 'a eb'.

Lm 3:59

Mamin Jehová, tzel wal tzin 'aj wixtxi, b'onyaj 'a stojlal.

Jeremías 17:18

Q'uixw cab' can 'el eb' tzin pechn b'eyc'oc, man̈oc in cab' tzin q'uixw 'eli. Xiw cab' chan̈ eb', man̈oc in cab' tzin xiw cha'an̈. 'Ac' jawc yailal 'a yib'n̈ eb', lajw cab' can 'el eb' 'a jun 'ejmn̈ej, xin chi 'a Dios.