Jeremías 17:18 - Chuj San Sebastian Bible

¹⁸ Q'uixw cab' can 'el eb' tzin pechn b'eyc'oc, man̈oc in cab' tzin q'uixw 'eli. Xiw cab' chan̈ eb', man̈oc in cab' tzin xiw cha'an̈. 'Ac' jawc yailal 'a yib'n̈ eb', lajw cab' can 'el eb' 'a jun 'ejmn̈ej, xin chi 'a Dios.

Chuj San Mateo Bible

¹⁸ Q'uixvocab'canel eb' tzin pechan b'eyec'oc, mocab' in q'uixvoquel a in tic. Xivocab' eb' chi', mocab' in xiv a in tic. Ac'cot yaelal d'a yib'an̈ eb', satel eb' d'a juneln̈ej.

Jeremías 17:18 Referans Kwoze

Salmos 35:4

A eb' tzin nib'n milnc chamoc, somchj cab' 'el eb' yuj q'uixwc'ojlal, ax eb' tznib'n tas tzin yutej, meltzj cab' eb' 'a spatc yuj xiwc'ojlal.

Jeremías 20:11

Palta ach tic Mamin Jehová, 'aych 'ec'n̈ej wet'oc, 'icha junc soldado may tz'aj yejm xoni. A eb' tzin pechn b'eyc'oc, 'oj telwc eb', palta an xo, ma'oj wejm yuj eb'. Caw 'oj q'uixwc can 'el eb' 'a jun 'ejmn̈ej, ma'oj sat sc'ojl eb' 'a sq'uixwelal cha.

Jeremías 11:20

Yuj cha, xwaln 'a Dios 'ixtic: Ach tic Mamin Jehová, tztac' oj smasnil, Juez ach 'a stojlal. Caw ojc smasnil tas 'ay 'a qui nab'en an̈ 'anman̈ tic on̈. 'Ac' wal wil tas 'oj otc a'n 'och syailal jun tzo'n̈ 'anma tic, yujto tox 'ix wac' 'ab'enal 'a yol a c'ab' yuj tas tzna eb' 'a in patquil, xin chi.

Salmos 40:14

A eb' tznib'j tzin miln chamoc, yet' eb' tzin 'ixtni, q'uixw cab' can 'el eb', somchj cab' 'el eb', 'at cab' eb' 'elc yet' sq'uixwc'ojlal.

Salmos 35:8

Man̈ nanoc cab' yuj eb' yic tzjaw yailal 'a scal eb'. Can cab' eb' 'a jun tzo'n̈ syal 'ix yac' 'ejmi, 'at cab' can eb' 'a yol jun sjul 'ix sb'o cha.

Apoc 18:6

'Icha xyutj sb'a 'ix 'a jun tzo'n̈ eb', 'ixta tzeyutj eya'n spac 'a 'a. Cha'ejm tzeyutj eya'n spac 'a 'ix. A sb'al jun svaso 'ix xyac' 'a jun tzo'n̈ xo eb' cha, cha'ejm yel xo ow tzeyutj eya'n spac 'a 'a.

Jeremías 17:16

May 'aj in tew 'ayach yic tzin c'ann cot junc tas tzlajw 'el eb' 'anma yu'uj. An tic matz in nib'j tzjaw yailal 'a yib'n̈ eb'. Ach tic ojtac tas xin c'an 'ayach, yujto a wal 'a ojltac in paxtini.

Jeremías 16:18

'Oj wac' spac 'a eb' yuj smaysch'olnilal, yujto 'ix yixtj 'el eb' in lum tic yet' jun tzo'n̈ scomn diosal to chamnac, caw yajb'entac 'icha sniwnal chamnc 'anma'. A wal tas to matz chaj in c'ojol, a chi sb'o eb', xchi Dios.

Salmos 71:1

Mamin Jehová a 'aych tzin col in b'a, may cab' b'a'n̈ tz'el in q'uixwel.

Salmos 70:2

A eb' tznib'n to tzin chami, q'uixw cab' 'el eb', somchj cab' 'el eb'. 'At cab' eb' 'elc 'a scal sq'uixwc'ojlal, atn eb' tznib'n tzin 'ixtni.

Job 16:14

Til wal tzin 'aj in lajw yu'uj, tza'n 'och wuj 'icha tzyac' junc soldado tzjulwji.

Jeremías 14:17

Yuj cha, al jun tzo'n̈ a cusc'ojlal tic 'a eb' chon̈b' chi 'ixtic: Sc'ual, yac'wlil cab' yel yal in sat woq'ui, matz 'och wan xon cab' yeli, yuj wal jun yailal 'ay xo smay xjaw 'a yib'n̈ eb' wit chon̈ab', yuj jun yailal tz'a'n lajwc eb'.

Jeremías 1:17

A ticnec 'ac' ep, 'ixic, 'at al smasnil tas 'oj wac' ala'. Man̈ ach xiw 'a eb' et 'anmal cha. Toto 'oj a xiwi, 'oj ach wac' 'ib'xoc chan̈ 'a yojltac eb'.

Jeremías 12:3

Palta ach xo tic Mamin Jehová, caw wal ojquin. Ojtac tas yaj in nab'en 'ayach. 'Ij 'at jun tzo'n̈ 'anma cha, 'icha tz'aj yijx 'at no calnelu 'aj tzmilx chamoc. Tza pojcn 'el eb', sec 'oj cham eb' yic 'oj jawc jun c'u yic 'oj milxoc cham eb' 'anma'.

Jeremías 17:13

Mamin Jehová, ach 'aych 'och yipc qui c'ojl an̈ israel on̈ tic on̈. Smasnil eb' tzach 'actn cani, 'oj q'uixwc can 'el eb'. Smasnil eb' 'oj yi'l sb'a 'a a tz'ey, 'oj satcn 'el eb', 'icha tz'aj sat junc b'i tz'ib'b'il 'ejm 'a scal pococ. 'Oj satcn 'el eb', yujto tzach yactj can eb', ach tic, lajn ach wal 'icha junc spac'b'a'.

Jeremías 17:19

'Ix yaln Jehová 'ayn 'ixtic: 'Ixic, ata tzach 'och lin̈n al-l in paxti 'a sti spuertail chon̈ab', 'a 'ajtil tz'och eb', tz'elt eb' sreyl Judá. An̈jtona 'ixta pax tzotj 'a jun tzo'n̈ xo spuertail Jerusalén.

Dt 33:11

Mamin Jehová, 'ac' a yaxilal 'a yib'n̈ eb', tzchan cab' a c'ojl tas tzyac' eb' 'ayach. Tza mac' wecchjoc sb'acl yich spatc eb' 'ajc'ojl yajch 'a eb', sec man̈xtzac stac' yi'nchan̈ sb'a eb' tzchichn 'och 'a eb' cha, xchi.