Jeremías 16:9 - Chuj San Sebastian Bible

⁹ Yujto an Jehová in, tztac' wuj smasnil, e Diosal in, an tzwala: An 'oj wac' lajwc jun tzo'n̈ b'it yic tzaljc'ojlal tz'och 'a yic q'uin̈al, yet' jun tzo'n̈ b'it yic nupnel. A jun tic, 'oj ujc 'a yol e tiempoal tic, caw ax 'oj eyila'.

Chuj San Mateo Bible

⁹ Yujto a in Jehová in Yajal in d'a Smasanil, e Diosal in, a in sval icha tic: Ol vac' lajvoc q'uin̈ yic tzalajc'olal, icha q'uin̈ yic nupnajel d'a jun chon̈ab' tic. A d'a yol e tiempoal tic ol ujoc jun tic, ol eyil val.

Jeremías 16:9 Referans Kwoze

Os 2:11

'Oj wac' lajwc stzaljc'ojlal, ax wa'n lajwc sq'uin̈ tzna 'a yic tzpac' 'uj, yet' sq'uin̈ yic sc'ul 'iljelal, yet' smasnil jun tzo'n̈ xo q'uin̈ tzna'a.

Ez 26:13

'Ixta 'oj wutc in satn 'el jun tzo'n̈ sb'it eb' 'anma', man̈x 'a 'aj 'oj 'ab'xoc yoch b'it yet' arpa.

Jeremías 7:34

'Oj wac' sat chan̈ eb' 'anma 'a yoltc chon̈b' Judá. Ax 'a yoltc scayeal Jerusalén, man̈x 'a b'it yic q'uin̈ 'oj 'ochoc, man̈x 'a tzaljc'ojlal. Man̈x 'a pax b'it yic nupnel 'oj 'ochoc, 'icha wal lum cusltac lu'um, 'ixta 'oj 'ajcn jun chon̈b' tic, xchi Dios.

Jeremías 25:10

A wal 'oj wutoc, man̈x 'a 'aj 'oj 'ab'xoc yoch b'it yic q'uin̈ yuj tzaljc'ojlal, yet' b'it yic nupnel. Man̈x 'a 'aj 'oj 'ab'xoc sc'an̈ q'uen cha', man̈x 'a 'aj pax 'oj 'ilxoc yoc cantil.

Salmos 78:63

A eb' quelmtac, 'ix cham eb' 'a scal owal, atn jun owl lajn 'icha c'ac'; toc 'ayt mach tznupn yet' eb' 'ix cob'es.

Ez 12:25

A tas 'oj wal an Jehová in tic, 'oj 'el'choc muc'uc. Ax xo caw wal pitx tic, 'oj eyil wal jun tzo'n̈ tzwal tic, yowlal 'oj 'el'choc tas tzwala, xchi Dios 'ayin.