Jeremías 16:16 - Chuj San Sebastian Bible

¹⁶ Palta a yic mantzac uj jun cha, 'oj wi' cot eb' 'ajc'ojl 'a eb' israel yic tzwul yamchjoc 'at eb' yuj eb'. 'Icha tzyutj eb' yamn chay syamn no chay yet' schim, mto 'icha tzyac' eb' ma'm noc' tz'ec' 'a lum tzalctac, tz'ec' saync eb' no 'a yoltc n̈aq'ue'en, yet' 'a sjatlil eb' q'uen q'ue'en, 'ixta 'oj wutc eb'.

Chuj San Mateo Bible

¹⁶ Palta ayic manto ol ujoc jun chi', ol vic'cot eb' yajc'ol eb' israel yic tzul yamji eb' yuj eb', icha tz'aj syaman noc' chay eb' yamum chay yed' schimpa, ma icha eb' pechum noc' sb'at tzac'an d'a spatic noc' noc' d'a tzalquixtac, tzec' sayan noc' eb' d'a yoltac q'uen n̈aq'ueen yed' d'a yoltac sjatelal q'ueen.

Jeremías 16:16 Referans Kwoze

Am 4:2

A Jehová Cajlil, sloc sb'i yic ya'n can sti 'ixtic: 'Ay wal jun c'u 'oj jawoc, 'oj locxoc 'och jun tzo'n̈ q'uen q'uen 'ayex, ax e jucxb'eyoc, ax eb' eyune', 'oj locxoc 'och q'uen niwc luc'b' 'a eb', ax sjucx 'at pax eb' 'a najat.

Miqueas 7:2

'Icha te sat 'awb'ente cha, 'ixta waji, yujto man̈xtzac 'ilchj junc 'anma wach' sb'eyb'al, tojl snab'en 'a sat Dios 'a yol qui chon̈b'ec. A eb' wit chon̈b' cha, cojxn milj cham 'anma tznib'j eb' sb'o'. Tzlaj yac' 'ejm junjn eb' sch'an̈ yal 'a yol sb'e.

A Ch'an̈ B'ab'el Libro Samuel 26:20

Matz yal in c'ojl to najt 'ayn 'el 'a yojltac Jehová yic tzin chami. Palta ach tic mamin rey, ¿tas yuj tzach 'elt in a sayq'ui? Antic lajn in 'icha junc no c'ac. Tzin a pechn b'eyc'oc 'a jolmctac witz 'icha junc mach tz'ec' saync 'ec' no ch'ic 'a calte', xchi David.

Gn 10:9

A Nimrod cha, jeln sma'w noc' 'a sat Jehová, yuj cha, 'ay jun paxti tzyal eb' 'anma 'ixtic: Lajn win 'icha Nimrod, win jeln sma'w noc' 'a sat Jehová, xchi eb'.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Am 5:19

A 'a yic jun c'ul cha, lajn wal 'oj 'aj eb' 'anma 'icha junc mach tz'at 'elc 'a junc no león, ax tz'aji, tojl pax sc'och 'a junc no oso. Mto 'icha pax yic tz'och junc mach 'a yol yatut, tzquiln 'och sc'ab' 'a sat yich n̈a, ax junc no chan tzchini.

A Ch'an̈ B'ab'el Libro Samuel 24:11

Mamin rey, 'ilt nab'n sti a jucn pichl 'ayc' 'a yol in c'ab' tic. Q'uinloc to xyal in c'ojol caw wal may syaloc ach in miln chamoc. A yet' jun tic tzojquej 'eli chajtlto may junc maysch'olnil tzin na 'a a patquil. May 'aj x'och in mul, may 'aj xwij chan̈ in b'a 'ayach, palta ach tic tzin 'a sayq'ui yic tzin 'a'n milxoc.

Is 2:21

A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', 'ay eb' 'oj sc'ub'c 'el sb'a 'a yol sjatlil q'uen q'ue'en, yet' 'a yol n̈aq'ue'en, yujto caw 'ay smay yilx Jehová yet' stzictznial.

Is 7:19

'Oj can eb' 'a lum ch'olctac, 'a yol n̈aq'ue'en, 'a eb' lum waymtac, 'a cal q'ui'ix, yet' 'a 'aj tzlaj xit'c no wacx yuc' a'.

Jeremías 4:29

A yic tzyab'n eb' 'anma yel yaw scot eb' soldado 'ay q'ue 'a yib'n̈ chej, yet' eb' sjul-lab', ax smasnil eb' 'anma cha, tz'at eb' 'eloc. Tz'at sc'ub'nc 'el sb'a eb' 'a 'aj caw chitc 'a calcte', yet' 'a 'aj caw satq'ue'en. Yuj cha, smasnil jun tzo'n̈ chon̈b' cha, caw sictac x'ajcn eb', man̈x 'a junc mach xcan cajn 'a eb'.

Jeremías 6:9

A Jehová tztac' yuj smasnil, a 'ix aln 'ayn 'ixtic: A wal chon̈b' Israel tic, caw lajn 'oj 'aj 'icha tz'ajcn te snun uva to si'smtac tz'aj sch'inx sat. Yuj cha, ya' sb'a mantzac uj jun tic, colcn 'el jantc eb' tztac' yelcni, 'icha tz'aj yec' sc'ab' junc ch'inm uva 'a scal sc'ab'te', xchi 'ayin.

Jeremías 49:5

Yuj cha, an Jehová in, tztac' wuj smasnil, an tzwala: To 'oj wa' cot xiwc'ojlal 'a eyib'an̈, yujto smasnil eb' chon̈b' cajn 'a e tz'ey, 'oj 'och eb' yac' owl eyet'oc. Junjn ex ax tic, 'oj e pechx b'eyc'oc, man̈x 'a mach 'oj e molb'tzan cot jun 'ejm xo.

Lm 4:18

Caw 'aych sat eb' 'ajc'ojl chi 'ayn̈ on̈, 'aj tzlaj on̈ 'eq'ui. Man̈xtzac stac' xon quel 'a yol caye yuj eb' on̈, a ticnec b'i'an, xc'och sc'ul qui lajw 'el on̈, wal qui cham tic on̈.

Os 10:10

A yic 'oj jawc 'a in c'ojol, 'oj wa'ch syailal jun tzo'n̈ 'anma tic. 'Oj wa'ch syailal eb' yuj smul cha, 'oj 'och oyn jun tzo'n̈ nacion̈ yac' owl yet' eb'.

Sofonías 1:12

A 'a jun tiempoal cha, 'oj in tzictajc smasnil 'anma cajn 'a chon̈b' Jerusalén. 'Oj wa'ch syailal eb' 'anma may jac tas tzna'a, tzlaj cob' yaln eb' 'ixtic: A Jehová toc 'ay tas tzpactzej 'ayn̈ 'a wach'il, matz pactzej pax 'ayn̈ yet' yailal, xchi eb'.

Lm 4:19

A eb' tzon̈ pechn b'eyc'oc on̈, yel xo jeln sb'ey eb' 'a no c'u'm tz'ec' 'a satcha'an̈. Tzon̈ spech eb' 'a lum jolmctac witz on̈, tzon̈ smac eb' 'a lum cusltac lum on̈.