Jeremías 15:7 - Chuj San Sebastian Bible

⁷ 'Oj ex wic' 'elt 'a e chon̈b' 'a yol e nacion̈, 'oj ex wa' sactzic can 'at 'icha tz'aj yutz'x 'at solcal trigo yuj 'ic'. 'Oj wac' satl in chon̈ab'. Man̈x 'a xon junc eyunnal 'oj wactc cani, yujto matz eyactj can e b'on maysch'olnil.

Chuj San Mateo Bible

⁷ Ol ex viq'uelta d'a yoltac e chon̈ab' d'a yol e macb'en tic, ol ex in saclemejb'at icha tz'aj saclem smatz'il ixim trigo yuj ic'. Ol vac'an satjoquel in chon̈ab' tic. Man̈xa junoc eyuninal ol vac'cani, yujto max yal e c'ol tzeyactejcan e chuc b'eyb'al.

Jeremías 15:7 Referans Kwoze

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Jeremías 51:2

'Icha wal tz'aj schayx 'ixm trigo 'a 'ic', 'ixta wal 'oj 'aj eb' 'aj Babilonia yuj eb' 'ajc'ojol, man̈x 'a junc mach 'oj can cajn 'a slum yuj eb'. A wal yic 'oj c'och sc'ul slajw 'el eb', tzanxn̈ej lugaril 'aj 'oj cot eb' chuc chon̈b'al wul yac' owl yet' eb'.

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Is 41:16

Ax e tzicn can 'at 'a cal 'ic', ax 'ic' chi 'oj 'i'nc can 'ati, sactzicnac 'oj 'ajcn yuj chacxuxm'ic'. 'Ixta to b'i'an, ax eyi'n e tzaljc'ojlal 'a 'ayn an Jehová in, ax e b'an̈n e b'a wu'uj, To Cojxn in Ton Dios In.

Is 9:13

Ma'oj sna sb'a eb' yic tzyaln sb'a eb' 'a Dios, wach'xam 'aych eb' 'a syailal. Ma'oj ya'ch eb' sc'ojl 'a Jehová tztac' yuj smasnil.

Jeremías 18:21

A ticnec, cham cab' yunnal eb' yuj wejel, cham cab' eb' yuj owal. Cancn cab' yistzil eb' 'a man̈x 'a yichmil, man̈x 'a cab' yune eb'. Cham cab' yichmil eb' 'ix yuj yab'il, ax yune eb' to quelmtac, cham cab' eb' 'a scal owal.

Salmos 1:4

Palta ax eb' tu sb'eyb'al, man̈ 'ichcta 'oj 'aj 'el'ch eb'. A eb' cha, lajn eb' 'icha solcal trigo, tz'ijx 'at yuj 'ic'.

Zacarías 1:4

Man̈ e pitc e b'a 'icha yutjnac spitn sb'a eb' e mam eyichm cha. Yaljnac eb' in checb' ixtc 'a eb': A Jehová tztac' yuj smasnil, a tzaln 'ayx 'ixtic: Nac wal e b'a yuj e tu b'eyb'al, yet' yuj smasnil maysch'olnilal tze b'o'o, xchi Dios, xchi eb' in checb' cha, palta ma'ix chaj eb' yab'i', ma'ix syiclj eb'.

Ez 24:25

'Ix yaln pax Dios 'ayn 'ixtic: Ach 'anma', a ticnec 'oj wi'l jun tas 'aych yipc sc'ojl eb' et israelal tic. Atn watut caw wach' yilxi, caw tzalj eb' yet'oc, yel xo wal nib'b'il yuj eb'. Ax in satn 'el pax yunnal eb'.

Dt 28:41

'Ay eyunnal, ay eyisil, palta may eb' 'oj 'ochwan eyet'oc, yujto 'oj 'ijxoc 'at eb' 'icha presoal 'a junc xo nacion̈.

Ez 24:21

Al 'a eb' et israelal, to an Jehová in, an 'oj wac' juwc 'el watut, atn jun caw nib'b'il yilxi, nib'b'il pax eyu'uj. Tze b'an̈ e b'a yu'uj, 'icha to a 'aych eyipoc. An̈jtona eb' eyunnal yet' eb' eyisl xcancn eyuj 'a Jerusalén, 'oj cham pax eb' yuj owal, xchi.

Jeremías 9:21

A chamel, tox 'ix 'och 'a yol catutec, tox 'ix c'och 'a yol despacho. Tzlaj cham eb' 'unn 'a yoltc caye, ax eb' quelmtac, tzlaj cham eb' 'a yol chon̈ab'.

Dt 28:32

Caw q'ueln ex 'ochi, ax yajx eb' eyunnal yet' eb' eyisl 'a yol sc'ab' eb' chuc chon̈b'al. 'Oj e c'unb' e macn sjaw eb' 'a junjn c'u, palta man̈x 'oj stac' eyu'uj.

Dt 28:18

Caw wal maysch'olnil yic eb' eyunnal, man̈ wach'c 'oj 'aj sat eyawb'en, e cotc wacax, e cotc calnelu mto e cotc chiwo, yet' yune smasnil e cajb'en noc'.

Ez 36:12

'Oj ex wi'x 'at 'a lum jolmctac witz cha, ax eyica'an pax e lum to eyic xon yaji; man̈x 'oj milxoc cham eb' eyunnal chi 'a jun tzo'n̈ lugar cha.

Is 9:12

A eb' 'aj Siria, 'oj cot eb' 'a stojlal 'aj tzq'uel c'u, ax eb' filisteo, 'oj cot eb' 'a stojlal 'aj tz'em c'u. Junn̈j 'oj yutc sb'a eb', ax satn 'el eb' chon̈b' Israel. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.