Jeremías 15:10 - Chuj San Sebastian Bible

¹⁰ 'Oltacn wal nunin, ¿tas wal yuj in 'ac' 'aljoc? Cojn wal 'a owal, yet' 'a tejb'al 'ayn 'och yet' eb' 'anma'. May mach 'aj in 'och majn tumin, may pax mach x'och majn tumn 'ayin, palta caw wal tzin scatb'tzej eb' smasnil.

Chuj San Mateo Bible

¹⁰ Nunin, ob'iltac in. ¿Tas val yuj ix in ac' aljoc? An̈ej val oval yed' telajb'ail svac' yed' masanil anima. Malaj junoc mach b'aj ix vac' tumin majanil, malaj pax mach b'aj ix in majnej q'ueen, palta masanil eb' tzin catab'ani.

Jeremías 15:10 Referans Kwoze

Lc 6:22

Wuj an 'Ochnc in 'Anmal tic, 'oj chichnc 'och eb' 'anma 'ayex, 'oj ex spech 'elt eb' 'a scal, 'oj ex sb'uch pax eb'. Caw maysch'olnil 'oj yal eb' 'a e patc wu'uj. Palta 'a yic 'ixta 'oj ex yutc eb', caw wach' eyico'.

Ex 22:25

Toto tzeyac' e tumn majnil 'a junc meb'a 'anma', mto 'a junc eyit chon̈b' 'ayc' eyet'oc, man̈ e c'an yune 'e tumn cha.

Lc 2:34

Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

Mt 24:9

Ax tic, 'oj eyajx 'och 'a yol sc'ab' eb' yajal, sec 'oj eyab' syal yuj eb', 'oj laj ex smil cham eb'. Smasnil 'anma 'oj laj chichnc 'och 'ayx wu'uj.

Mt 5:44

Palta an tzwal 'ayex, yowlal tze chamc'ojlej eb' 'ajc'ojl yajch 'ayex. [A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. Wach'n̈j tzeyutj e b'a 'a eb' tzchichn 'och 'ayex. Ax eb' tzex b'uchni,] yet' eb' tz'a'n 'och 'a eyib'an̈, tzex leslwi pax yuj eb'.

Jeremías 15:20

Lajn wal 'oj ach wutc can 'a jun chon̈b' tic 'icha junc muro nab'a bronce, caw 'ajltac slan̈chj 'ejmi. 'Oj yac' eb' owl et'oc, palta an Jehová in, an tzwala to ma'oj ejm yuj eb', yujto 'ayn 'och et'oc, an 'oj ach in colo'.

Pr 26:2

A junc catb' paxti tzalx 'a to may yu'uj, matz 'och yopiso. Lajn 'icha wal junc no tz'unun ton̈j tzjen̈n 'eq'ui, mto 'icha junc no pechul matz 'och wa'an.

Salmos 109:28

May yel'chi, wach'xam tzin scatb'tzej eb' 'ajc'ojl ya'ch 'ayin, palta ach xo tzac' a yaxilal 'a wib'an̈. Q'uixw cab' 'el eb', ya' sb'a an a checb' in tic to tzin tzalji.

Salmos 15:5

Eb' tzya' stumn majnil, palta matz c'an eb' yune stumn cha. Eb' matz ya'ch sb'a schan q'uen c'ultac tumn 'a junc mach yic tzyixtn junc may smul. A eb' tzb'eylb'an jun tzo'n̈ tic, caw may b'a'n̈ 'oj 'em eb'.

A Ch'an̈ B'ab'el Libro Yic Yab'ixal Eb' Rey 22:8

Ax win sreyl Israel cha, 'ix yaln 'ixtc 'a win Josafat: —'Ay jun win 'aj wach' qui c'anb'ni, tas xchi Jehová 'a quib'an̈. Atn win Micaías, win yunnal Imla. Palta an tic, matz in nib'j tzwil winac, yujto may xon 'aj tzyal win wab' jac tas wach', cojn tas tu tzyal win 'a wib'an̈, xchi winac. 'Ix ta'w win Josafat 'ixtc 'a winac: —Ach rey, man̈ al 'ixta', xchi.

A Ch'an̈ B'ab'el Libro Yic Yab'ixal Eb' Rey 21:20

'Ix yaln win Acab 'ixtc 'a Elías cha: —Ach 'ajc'ojol, a ticnec in 'ilchj pax o'oj, xchi Acab. —Xyaln Elías chi 'ixtc 'a winac: Ach 'ilchj ton b'i'an, yujto yel xo wal xa te'wtzej a b'a a tas tu 'ix a b'o 'a sat Jehová.

Lv 25:36

Man̈ eyi'c jac tas, man̈ e c'an smajnub'l junc tas 'a 'a. A eyico' to tze ch'oxli, to niwn wel'ch 'a e sat, sec tzcan junc eyit chon̈b' chi eyet' 'a yol e chon̈ab'.

A Tas Sc'ulejnac Eb' Schecab' Jesús Hechos 28:22

Palta tzqui nib'j tzcab' an̈ tic on̈, tas wan a nani. Yujto xcab' speclal on̈, chajtlto 'a junjn lugar, tzlaj yal eb' maysch'olnil 'a spatc jun e cuynb'il tot pitzwnac tic, xchi eb' 'a Pablo.

Lv 25:37

Man̈ e c'an yune smajn tumin, man̈ e mac q'ue stojl jac tas tzman sc'ux 'ayex.

Salmos 69:4

'Ec'b'al sb'isl eb' tzcomn chichn 'och 'ayn 'icha sb'isl xil in jolom; caw xjelnb'i eb' 'ajc'ojl yajch 'ayin. Wach'xam may in mul, palta tznib'j eb' tzin smil chamoc, tznib'j eb' tzc'an meltzjoc tas 'ayn 'a nab'an̈ej, palta may tas wel'jnac.

Habacuc 1:3

¿Tas wal yuj tzac' wil tas tz'aj yixtx eb' 'anma', yet' pax maysch'olnilal? Tzanxn̈ej 'aj tzwil jun tzo'n̈ cha. 'Ayxn̈ej owl 'a smasnil lugar yet' tejb'ail.