Jeremías 13:24 - Chuj San Sebastian Bible

²⁴ Yuj cha, an Jehová in, an tzwala, to 'oj ex wac' sactzicc can 'ati, 'icha tz'aj yutz'x 'at solcal 'ixm trigo yuj 'ic'.

Chuj San Mateo Bible

²⁴ Yuj chi' ol ex in saclemejb'ati, icha tz'aj saclemcanb'at smatz'il ixim trigo yuj ic' scot d'a taquin̈ luum.

Jeremías 13:24 Referans Kwoze

Salmos 1:4

Palta ax eb' tu sb'eyb'al, man̈ 'ichcta 'oj 'aj 'el'ch eb'. A eb' cha, lajn eb' 'icha solcal trigo, tz'ijx 'at yuj 'ic'.

Lv 26:33

Ax xo tic, 'oj ex in pechcn 'at 'a scal jun tzo'n̈ xo nacion̈, tza'n 'och wespada eyu'uj, ax e 'atcni. A e nacion̈, 'oj 'ochcn waymtaquil, ax e chon̈ab', cusltac xoj yilx 'oj 'ajcn sjuwi.

Os 13:3

Yuj cha, lajn 'oj eyaj 'icha 'asn 'ay 'ejm 'a sq'uin̈b'ial, 'icha pax chicb'chan̈ tz'em 'a 'ac'wal, to yajn̈ej tzsatcha'an̈. Lajn ex pax 'icha te tzab' tz'ijx 'at yuj 'ic', mto 'icha te tab' tz'el 'a swentnul cusnu.

Ez 5:12

A junc'aj 'anma 'ayx tic, 'oj cham eb' yuj yab'il yet' yuj wejl 'a yol chon̈ab'. Ax junc'aj xo eb', 'oj tzu'xoc cham eb' yuj eb' 'ajc'ojl yajch 'ayx 'a sti 'el chon̈ab'. Ax eb' yoxc'ajil, 'oj in pechcn 'at eb' 'a scal jun tzo'n̈ xo nacion̈. Ax wi'n q'uet wespada 'a yol yet'ul, ax woch tza'n yuj eb'.

Ez 5:2

A yic 'oj 'em jun chon̈b' tic yuj eb' oyn 'och chi 'a 'a, ax a n̈usn junc'aj xil a jolm chi 'a spacl jun chon̈b' tic; ax junc'aj xo, 'oj a cotc tzu'c can 'at 'a spatquil 'el jun chon̈b' tic yet' a espada, ax jun yoxc'ajil cha, tza tzicb't can 'a scal 'ic'. Tzyal 'el'chi to an 'oj wic' q'uet wespada 'a yol yet'ul, ax woch tza'n yuj eb' et chon̈b' tic.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

Sofonías 2:2

ya' sb'a mantzac jaw jun c'u nab'ilx yuj Jehová. A jun c'u cha 'ay xo smay yalxi, yujto 'oj e sactzic can 'at yu'uj, 'icha tz'aj yutz'x 'at solcal trigo yuj 'ic'.

Ez 17:21

A eb' soldado caw jelan, 'oj cham eb' 'a scal owl cha, ax eb' ma'oj chamoc, 'oj sactzic can 'at eb' 'a yolyib'n̈q'uinl tic. 'Ixta to b'i'an, ax eyojcan 'eli to an Jehová in tzwac' 'el'choc tas tzwala.

Ez 6:8

An 'oj wi'cn 'el jaywn̈ocx eb' 'a e cal cha, 'oj colchjoc can 'el eb' 'a owal, ax sactzic can 'at eb' 'a scal jun tzo'n̈ xo nacion̈ 'aj 'oj c'och cha.

Is 41:16

Ax e tzicn can 'at 'a cal 'ic', ax 'ic' chi 'oj 'i'nc can 'ati, sactzicnac 'oj 'ajcn yuj chacxuxm'ic'. 'Ixta to b'i'an, ax eyi'n e tzaljc'ojlal 'a 'ayn an Jehová in, ax e b'an̈n e b'a wu'uj, To Cojxn in Ton Dios In.

Is 17:13

Palta ax yic 'oj tenxoc 'och wan eb' yuj Dios, wach'xam tzc'an̈ yec' eb', palta ma'oj yil eb' s'at 'eloc, lajn 'oj 'aj eb' 'icha tz'aj yutz'x 'at solcal trigo yuj 'ic' 'a caltc te', mto 'icha tz'aj yutz'x chan̈ pococ yuj chacxuxm'ic', 'ixta 'oj 'aj eb'.

Dt 32:26

'Ix in na'a, to tzin pechcn 'at eb', tzin satn can 'el eb' 'a sat lum lum tic, sec man̈x b'a'n̈ 'oj b'inaxc eb'.

Dt 28:64

A Jehová 'oj e pechn can 'at 'a jun tzo'n̈ xo nacion̈, 'oj e sactzic can 'at 'a jun tzo'n̈ chon̈b' 'ay 'a smasnil yolyib'n̈q'uinl tic. Ata 'oj eyal e b'a 'a jun tzo'n̈ comn dios tzb'o yet' te te', yet' q'uen q'ue'en, jun tzo'n̈ to man̈ eyojcoc, man̈ yojcoc pax eb' qui mam quichmec.

Dt 4:27

A Jehová 'oj e sactzicn can 'at 'a scal jun tzo'n̈ xo nacion̈, jaywn̈xoj ex 'oj e can ta'.

Jeremías 9:16

Ax wa'n sactzic can 'at eb' 'a scal jun tzo'n̈ nacion̈ to man̈ 'ojcab'ilc yuj eb', man̈ 'ojc'ab'ilc pax yuj smam yichm eb'. Ax wa'n pechxoc b'eyc'oc eb' yet' q'uen espada, masnto 'oj satl eb' smasnil, xchi Dios.

Jeremías 18:17

'Icha wal sactzicnacl tzyutj 'ic' tzcot 'a 'aj tzq'uel c'u yutz'n 'at jun tzo'n̈oc tas, 'ixta 'oj wutc wa'n 'at eb' israel tic 'elc 'a yojltac eb' 'ajc'ojl yajch 'a eb'. A yic 'oj c'och sc'ul sjaw syailal eb', man̈x 'oj woch q'ueln 'a eb', xchi Dios.

Lm 1:15

Caw wal najt xyijcan 'el Cajlil eb' 'anma caw jeln on̈ scoln on̈. Ax eb' soldado 'ajc'ojl yajch 'ayn̈ on̈, a eb' xyij coti, sec tzlajw 'el smasnil eb' qui soldado caw jeln on̈ scolni. An̈ 'aj Judá on̈ tic on̈, on̈ te'x can 'ejm yuj Cajlil 'icha tz'aj ste'x 'el yalil te uva.