Jeremías 13:23 - Chuj San Sebastian Bible

²³ A junc q'uic' 'anma', matz tac' sjelmtan sb'a, yic tzjelmj yilx 'ochi. An̈jtona junc no leopardo, matz tac' sjeln 'el no stz'ib'quintaquil. 'Ixta pax ex ax tic, c'aync ex e b'on tu'al, man̈xtzac stac' e b'on wach'il.

Chuj San Mateo Bible

²³ A junoc q'uic'al anima, tocval syal sq'uexmaj yilji. A spintotaquil noc' leopardo, tocval syal sq'uexmaji. Ichexta' te c'aynac ex d'a chucal, maxtzac yal sq'uexmaj e b'eyb'al.

Jeremías 13:23 Referans Kwoze

Jeremías 2:22

An Jehová in, an tzwala: Wach'xam cob' tze b'icl e b'a yet' q'uen yalta'an̈, mto cob' niwn sawon tzeya'ch 'ayex, palta a e mul cha, caw 'ayn̈j 'ec' 'a wojltac, may xon tzex 'aj e sacb'i.

Jeremías 9:5

Tzlaj yixtj paxti sb'a junjn eb', may junc mach yel tas tzyala. Tox xc'ayl eb' ya'n 'es, man̈xtzac stac' sjeln eb' snab'en.

Jeremías 17:9

Toc 'ay junc tas yel xo tz'ixtw paxti 'icha snab'en eb' 'anma', a jun nab'en cha, may xon tz'aj sb'o'i. ¿Mach wal tztac' yojcan 'eli?

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Is 1:5

¿Tas yuj an̈ja e nib'n eyi' cot yailal 'a quib'an̈? ¿Tom tze nib'j an̈ja eyec' 'a yib'an̈? Nac cot nab'an tas yailal 'ix 'ec' 'a quib'n̈ec yuj Dios. Yuj cha, lajn on̈c 'icha junc 'anma to 'ay q'ue yab'il 'a sjolom, ax sniwnal 'ipn yel yip.

Pr 27:22

A junc may snab'en, wach'xam tztenx chojc yet' te tenlab', palta man̈ yujoc cha, tz'el man̈ nab'enal chi 'a 'a.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

A Ch'an̈ B'ab'el Libro Samuel 19:21

A yic xyab'n Saúl jun cha, 'ix schecn 'at jun tzo'n̈ xo eb' soldado, an̈jtona 'ix 'och pax jun tzo'n̈ xo eb' chi alj 'el spaxti Dios. Xlajw cha, schecn 'at win eb' yoxc'ajil soldado, palta an̈jtona 'ixta pax x'aj eb'.

A Ch'an̈ Schab'il Libro Yic Yab'ixal Eb' Rey 17:40

Palta a jun tzo'n̈ 'anma cha, ma'ix schaj xon eb' yab'i'; a yic eb' to 'ix wach' 'atcn eb' 'a scal yichm b'eyb'al; wach'xam tzcob' yaln sb'a eb' 'a Jehová yalni, palta an̈ja yaln sb'a eb' 'a jun tzo'n̈ sdiosal cha. 'Ixta pax eb' yin̈tl eb', 'ix sb'eylb'ej eb' 'icha sb'eyb'al eb' smam yichm eb' cha, an̈jan̈ej to sb'eylb'an eb'.

Ec 1:15

A junc tas coxo, man̈xtzac stac' qui tojlb'tzanec, ax tas to may tas, matz tac' qui b'isnec.