Jeremías 12:13 - Chuj San Sebastian Bible

¹³ 'Ix yawj eb' in chon̈b' 'ixm trigo, ax te q'uix xpa'chan̈ sjelc 'ixim, nab'an̈ej xmunlj eb'. Caw xlajw 'ejm yawb'en eb', q'uixwc'ojlal xoj tz'ec' eb' yuj jab' sat yawb'en tzlaj smolb'tzoc. Yuj ton wal yowl in c'ojl 'a yib'n̈ eb', 'ixta x'aj eb', xchi Dios.

Chuj San Mateo Bible

¹³ Ix yavej ixim trigo eb', axo te' q'uiix ix q'uib' sq'uexuloc. Nab'an̈ej ix munlaj eb'. Ix lajviel yavb'en eb', q'uixvelalxo smolanq'ue jab'jab' sat yavb'en eb' chi', yuj val yoval in c'ol d'a eb', xchi Jehová.

Jeremías 12:13 Referans Kwoze

Hageo 1:6

Caw niwn cob' tas tze yawej, palta jab' wal sat eyawb'en chi tze molo. Tzex wa cob'i', palta matz ex b'ut'ji. Tzeyu'j tas tzeyuq'uej, palta matz 'ec' e tacn̈ti'al. Tzeya'ch cob' e pichul, palta toxn matz ex q'uixnj yu'uj. A e tojl tze chaj yuj 'aj tzex munlji, matz eyil 'aj tzc'ochi, 'icha to oln e b'olsa 'aj tzeyac' 'ejmi.

Miqueas 6:15

'Oj eyawc eyawb'en, palta may tas 'oj e jach'a'. 'Oj e te'l yalil sat e olivo, palta man̈oc ex 'oj e c'ana'. 'Oj e te'l yalil sat e uva, palta man̈oc ex 'oj eyuc' yal uva cha.

Dt 28:38

Til wal tas 'oj eyawoc, palta jab' wal tas 'oj e molo', yujto an̈j e no c'ulb' 'ay 'a sat lum lum chi 'oj c'uxnc 'ejmi.

Is 55:2

¿Tas yuj tze comn lajj e tumn 'a tas to matz c'uxxi? ¿Tas yuj tze comn lajj e tumn 'a tas to matz b'ut'j e c'ojl yu'uj? Tzcham wal eyab'n tas 'oj wal 'ayex: Toto yiclum tzeyutj e b'a 'ayin, 'oj wac' e c'ux tas wach', 'oj e b'ut'j wal si'mb'il.

Lv 26:16

an̈jtona 'in, 'oj in na', tas 'oj ex wutoc. 'Oj wa' cot xiwc'ojlal 'a eyib'an̈. 'Oj cot owya yab'il 'a e cal. C'a'lyab'il, 'oj 'och 'a e sat. 'Oj e tz'onb' cha'an̈, ax yel yip e niwnal. 'Oj cob' e b'o e munljel, palta ax eb' 'ajc'ojl 'oj molnoc sat smasnil eyawb'en cha.

Habacuc 2:13

A smasnil jun tzo'n̈ e munljel 'aj 'ix c'unb' eb' nacion̈ 'emnc eyuj cha, caw nab'an̈ej. A c'ac' 'oj satnc 'el smasnil tas sb'ojnac eb' cha. 'Ixta 'ix yutj Jehová snani, atn jun tztac' yuj smasnil.

Jeremías 4:26

'Ix wiln pax te 'awb'ente 'awb'il, cusltac xoj yilx 'aj 'ayc' te cha, ax smasnil jun tzo'n̈ chon̈ab', c'uxn 'ix lan̈chj can 'ejmi. Yuj yowl sc'ojl Jehová, yuj cha, 'ixta 'ix 'aji.

Ro 6:21

Palta ¿tom 'ay jac qui ganar 'a spatc jun tzo'n̈ qui b'ojnaquec cha? Caw tzon̈ q'uixwec yuj jun tzo'n̈ chi ticnec. Yuj wal jun tzo'n̈ cha, tz'at eb' 'anma 'a chaml 'a jun 'ejmn̈ej.

Lv 26:20

Nab'an̈ej 'oj eyixtc e b'a e munlji, yujto a lum lum cha, man̈x 'a xon jac tas 'oj yac' lu'um, yet' pax smasnil te 'awb'ente', may xon sat te 'oj yac'a'.

Jeremías 9:5

Tzlaj yixtj paxti sb'a junjn eb', may junc mach yel tas tzyala. Tox xc'ayl eb' ya'n 'es, man̈xtzac stac' sjeln eb' snab'en.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Salmos 78:62

Caw yelc'ojlal ow 'a eb' schon̈ab', yuj cha, xya'n can 'och eb' 'a yol sc'ab' owl yet' eb' 'ajc'ojl cha.

Os 8:7

Yuj maysch'olnil xlaj sb'o eb', yuj cha, caw niwn jun yailal 'oj jawc 'a yib'n̈ eb'. Toxn may jac tas 'oj yic' eb' 'a tas 'awb'il yu'uj, may harina 'oj yac' sat strigo eb'. Toxn̈ej 'ay jac 'oj smol eb' jun, palta a eb' chuc chon̈b'al 'oj wanoc 'a eb'.

Hageo 1:9

A tze na'a to niwn tas 'oj eyic' 'a e munljel, palta jab' wali. An Jehová in, an tzwala, a tas cob' tze mol 'a yol eyatut, 'icha to an tzwutz'j 'at yet' wic'. ¿Tas yuj 'ixta tzex wutj tze na'a? 'Ixta tzex 'aji, yujto lann̈chjnac 'ejm watut, ya' sb'a ax xo tic, cojn eyatut chi 'ayx 'och 'il e b'oni.