Jeremías 11:16 - Chuj San Sebastian Bible

¹⁶ Yujto a 'a yic yaln̈taxi, lajn ex 'icha junc te snun olivo caw yax xi'il, caw b'ut'jnac 'el yet' sat. Palta ax ticnec, 'oj ex wac' lajwc 'ejm 'icha tz'aj slajw 'ejm junc te te tzlo'chj 'el sc'ab' yuj junc niwquil yaxn̈ab' 'aych yic'al, mto tz'a te yuj raya.

Chuj San Mateo Bible

¹⁶ Yujto a d'a yalan̈taxo, lajan ex icha junoc te' olivo c'ayum xiil, te ay sat. Palta axo ticnaic, ol ex in sateli, icha tz'aj slajviem junoc te te' sjecchaj sc'ab' yuj junoc oval ic' n̈ab', stz'ab'at te' yuj sc'ac'al leb'lon.

Jeremías 11:16 Referans Kwoze

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

Salmos 52:8

Palta an xo tic, lajn in 'icha junc te olivo caw ya'ax, wach' sq'uib' 'a yamq'uil yatut Dios. 'Oj wa'chn̈ej schamc'ojlal Dios yipc in c'ojl 'a smasnil tiempo.

Salmos 80:16

A mach tzu'n 'el te', mto eb' tzn̈usn tz'a'oc, cham cab' eb' yuj yowl a c'ojol.

Jn 15:6

Ax eb' matz cann̈j wet'oc, lajn 'oj 'aj eb' 'icha junc sc'ab' te tzu'x 'el 'a snun, tztacji, tzlajw cha, tzsi'x monto, tz'a'i.

Mt 3:10

A jun niwn yailal 'oj jawc cha, lajn 'icha junc winc lista yaj yet' sch'acb' 'a yich te 'awb'ente'. Jantcn̈ej te maysch'olnil sat tzyac'a, c'uxn tzu'l win smasnil, ax sjuln can 'at win 'a yib'n̈ c'ac'.

Jeremías 21:14

An Jehová in, an tzwala, to 'oj wa'ch yailal wal 'a eyib'an̈, 'icha wal tas smoj e chan yuj tas tz'el e b'oni. 'Oj wa'ch sc'a'l e despacho, ax smasnil tas 'ay 'a spatquil 'eli, 'oj tz'aoc, xchi Dios, xin chi 'a eb' schecb' win rey Sedequías cha.

Salmos 83:2

'Ilt eb' 'ajc'ojl yajch 'ayach, caw tzach syajl eb'. 'Ayc' eb' laj yac' somchjoc eb' a chon̈ab', tzlaj chichnc 'och eb' 'ayach.

Apoc 11:4

A chawn̈ testigo cha, a chab' snun te olivo alb'il yuj Zacarías, a tzch'ox coti. An̈jtona', tzch'ox cot chab' yet'l cantil 'ayc' 'a yojltac Cajlil 'a yolyib'n̈q'uinal.

Dt 28:40

Til wal te snun olivo 'a sat e lum cha, palta may xon jac te yalil chi 'oj e c'an aceiteil mto perjumail, yujto ton̈j 'oj puc te sat cha.

Job 8:16

A eb' 'anma maysch'olnil snab'en, lajn eb' 'icha junc te snichte tzpo'chj yuj yoc c'u, chucx lum lum 'aj tzpa'x chan̈ te sat cha.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Os 14:6

Lajn 'oj 'aj eb' 'icha sja'l yajl jen̈n sc'ab' jun c'uyc te snun olivo, lajn pax 'oj 'aj sjab' eb' 'icha sjab' eb' te c'ute 'a Líbano cha.

Salmos 80:17

Cojn b'i'an, to tza b'achb't a c'ab' 'a yib'n̈ jun mach sic'b'il 'el o'oj, atn win rey to ach 'ix ac' yip.

Jeremías 2:21

'Icha wal tz'aj yawx te uva caw wach', 'ixta 'ix wutj ex wawni, lajn ex 'icha te 'in̈t uva caw wach'. Ax ticnec, ¿tas yuj caw lajn xoj tzex 'aj 'el'ch 'icha junc te tz'usup?