Jeremías 11:11 - Chuj San Sebastian Bible

¹¹ Yuj cha, an Jehová in, an tzwala, to 'oj wa' cot yailal 'a yib'n̈ eb', man̈x 'oj stac' s'at eb' 'elc 'a 'a. Wach'xam 'oj 'el yaw eb', ax sc'ann eb' in colwal, palta man̈x 'oj in ta'w 'a eb'.

Chuj San Mateo Bible

¹¹ Yuj chi' a in val Jehová in svala', ol vac'cot yaelal d'a yib'an̈ eb', man̈xo ol yal scolan sb'a eb' d'ay. Olto avaj eb' d'ayin sc'anan in colval, palta man̈xo ol in tac'voc d'a eb'.

Jeremías 11:11 Referans Kwoze

Ez 8:18

'Oj wa' cot wal yowl in c'ojl 'a yib'n̈ eb', man̈x 'a in niwnc'ojlal 'a eb'. Wach'xam 'oj cob' 'el yaw eb' yaln sb'a 'ayin, palta ma'oj wab' tas tzyal eb' cha, xchi Dios 'ayin.

Is 1:15

A yic tzcob' ex leslwi, tzlaj cob' e mojchan̈ e c'ab' 'ayin, palta 'oj in c'ub'c 'el in sat 'ayex. Wach'xam cob' niwn tas tzeyal 'a e lesl cha, ma'oj wab'i', yujto milm ex cham 'anma'.

Pr 1:28

A wal 'a jun c'ul cha, 'ojt cob' e c'an in colwal, palta man̈x 'oj in ta'w 'ayex; 'ojt cob' eyal e b'a 'ayin, palta man̈x 'oj wab' tas tzeyala,

Zacarías 7:13

'Ix waln 'ixtic: 'Icha wal 'ix yutj sb'a eb', ma'ix schaj eb' yab' 'ayn an Jehová in, yic in paxtin 'a eb', an̈jtona 'ixta 'in pax jun xo, a yic 'ix tew eb' 'ayin, ma'in ta'w 'a eb'.

Miqueas 3:4

'Ay wal jun c'ual, 'oj cob' to eyawtc Jehová, palta man̈x 'oj ta'wc 'ayex. A wal 'a yic jun c'ul cha, 'oj sc'ub'c 'el sb'a 'ayx yuj tas maysch'olnil 'ix e b'o'o, xin chi 'a eb' yajl cha.

Jeremías 14:12

Wach'xam tz'och eb' 'a c'ajb'c'ojlal, palta ma'oj in ta'w 'a eb'. Wach'xam caw niwn xajmb'al tzyac' tz'a eb', wach'xam pax caw niwn sat 'awb'en tzyij cot eb' ofrendail 'ayin, palta ma'oj in tzalj yet' eb'. 'Oj wac' satl eb' yuj owal, yuj wejel, yuj yab'il, xchi 'ayin.

A Ch'an̈ Schab'il Libro Yic Yab'ixal Eb' Rey 22:16

to a Jehová a tzaln 'ixtic: An 'oj wa' cot yailal 'a yib'n̈ eb' 'anma cajn 'a jun chon̈b' tic, atn tas tzyal ch'an̈ libro 'ix yawtj jun sreyl Judá cha.

Jeremías 11:17

An Jehová in, tztac' wuj smasnil, an in pitzjnac chon̈b' Israel, yet' chon̈b' Judá. Palta tox 'ix wala to 'oj jawc yailal 'a yib'n̈ eb', yuj jun tzo'n̈ maysch'olnil tzb'o eb'. 'Ix stzuntzj cot eb' wowal, yujto xyac' eb' tz'a incienso 'a Baal, xchi Dios.

Jeremías 6:19

'Ab'c ex cajn ex 'a sat lum tic. 'Oj wi' cot yailal caw maysch'olnil 'a yib'n̈ jun chon̈b' tic, yuj tas tu tzna eb' sb'oni; yujto ma'ix schaj eb' yab' in paxti'. A yic eb', to 'ix spatquilj can 'el eb' in checnb'il.

Is 24:17

A wal eb' cajn 'a sat lum lum tic, caw lajn 'oj 'aj eb' 'icha no noc' pechb'il yuj eb' pechm noc', 'ay smay tz'atcn no 'a yol junc xab', mto tzcan 'a junc ch'an̈ ya'al.

Salmos 18:41

'Ix cob' sc'an eb' colwal, palta may mach xcoln eb'. 'Ix cob' yal sb'a eb' 'aych Mamin Jehová, palta toc ach ta'w 'a eb'.

A Ch'an̈ Carta D'a Eb' Hebreo 1:3

A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.

Am 5:19

A 'a yic jun c'ul cha, lajn wal 'oj 'aj eb' 'anma 'icha junc mach tz'at 'elc 'a junc no león, ax tz'aji, tojl pax sc'och 'a junc no oso. Mto 'icha pax yic tz'och junc mach 'a yol yatut, tzquiln 'och sc'ab' 'a sat yich n̈a, ax junc no chan tzchini.

Ez 7:5

An Jehová Yajl in, an tzwal 'ixtic: 'Ay wal jun maysch'olnil tzjaw 'a eyib'an̈. Xc'och sc'ul e chami, tic wal tzjaw eyailal.

Jeremías 36:31

Ach tic yet' eb' en̈til, yet' pax eb' 'aych yopiso et'oc, caw 'oj wa'ch yailal 'a eyib'n̈ yuj e mul. 'Oj jawc 'a yib'n̈ eb' 'aj Jerusalén, yet' 'a yib'n̈ eb' 'aj Judá, atn jun tzo'n̈ yailal 'ix walcn 'el tic, atn jun tzo'n̈ paxti ma'ix e chaj eyab'i', xchi Dios, xa chi 'a eb', xin chi 'a Baruc cha.

Jeremías 35:17

Yuj cha, an Jehová in, tztac' wuj smasnil, e Diosal in, an tzwala: Caw 'oj wac' jawc jun tzo'n̈ yailal alb'ilx 'el wuj 'a eyib'n̈ e masnil ax cajn ex 'a Judá yet' 'a Jerusalén. Yujto xcob' ex in tench wa'an, palta ma'ix eyiclej. In 'awj cob' 'ayex, palta ma'ex ta'w pax 'ayin, xchi Dios, xa chi 'a eb', xchi 'ayn an Jeremías in tic.

Jeremías 23:12

Yuj cha, an Jehová in, an tzwala to caw q'uic'q'uinl 'oj 'aj sb'e eb', caw n̈elmtac 'oj 'ajoc. 'Oj tenxoc 'at eb', ax stelw eb'. A yic 'oj c'och stiempoal in b'eyc'ojlan eb', 'oj wa' cot yailal yel xo tu 'a yib'n̈ eb'.

Jeremías 19:15

A Jehová tztac' yuj smasnil, atn jun qui Diosalec an̈ israel on̈c tic, a 'ix aln 'ixtic: 'Oj wa' cot yailal 'a yib'n̈ Jerusalén tic, yet' 'a yib'n̈ jun tzo'n̈ xo chon̈b' 'ay 'a stz'ey. A smasnil yailal 'ix walcn tic, 'oj jawc 'a eyib'an̈ yujto xeyac' pitb'oc 'el e b'a, man̈xtzac eyiclj tas tzwala, xchi Dios, xchi Jeremías.

Jeremías 19:3

Tzal 'a eb' 'ixtic: Ex sreyl Judá, yet' ex 'aj Jerusalén, 'ab'c tas tzyal Jehová, jun tztac' yuj smasnil, atn qui Diosalec an̈ israel on̈c tic, a tzaln 'ixtic: 'Oj wa' cot wal jun niwquil yailal 'a yib'n̈ jun e chon̈b' tic, a smasnil eb' 'oj 'ab'noc, caw 'oj sat sc'ojl eb' yab'ni.

Jeremías 15:2

Toto tzc'anb'j eb' 'ayach 'ajtil tz'at eb' cha, tzaln 'a eb' to an tzwal 'ixtic: A eb' to 'aych 'a yib'n̈ to a yab'il tzmilni, 'at cab' eb' chamnc 'a scal yab'il cha. Ax eb' to a owl tzmilni, 'at cab' eb' chamnc 'a owal. A eb' to a wejl tzmilni, 'at cab' eb' chamnc 'a 'aj 'ay wejl cha. Ax pax eb' to 'aych 'a yib'n̈ to 'oj yamchjoc 'at 'icha presoal, 'at cab' eb' 'icha presoal chi 'a chuc chon̈b'al, xchi Dios, xa chi 'a eb'.

Jeremías 11:14

Yuj cha, ach Jeremías, man̈ ach leslwoc yuj jun chon̈b' tic, man̈ ach tewoc 'ayn yuj eb', yujto ma'oj in ta'wc 'ayach. Wach'xam 'oj sc'an eb' in colwal 'a scal syailal, wal yel, ma'oj in ta'w 'a eb', xchi.

Pr 29:1

A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.

Salmos 66:18

Q'uinloc ma'ix in na in b'a yuj in mul, to 'ixta', ma'ix schaj sc'ojl am Cajlil yab'n tas xwala.

2 Cr 34:24

'Oj wa' cot yailal 'oj satnc 'el jun lugar tic, yet' 'a yib'n̈ eb' 'anma cajn 'a 'a, smasnil catb' tz'ib'b'il can 'a ch'an̈ libro 'ix 'awtx 'a yojltac win sreyl Judá.

Job 35:13

A Dios tztac' yuj smasnil, matz chaj yab' paxti may yel'chi.

Jeremías 14:2

A eb' 'aj Judá, caw tz'oc' eb' yuj cusc'ojlal, man̈x 'a yip jun tzo'n̈ schon̈b' eb', axn̈ej 'a sat lum t'ocn 'ec' eb' 'anma'. Ax eb' 'aj Jerusalén, caw wal tz'el yaw eb' yuj yailal.

Jeremías 18:11

A ticnec, al 'a eb' 'aj Judá yet' 'a eb' cajn 'a Jerusalén, chajtlto an Jehová in, wan in nani tas 'oj ex wutc ax tic, yuj tas 'oj wutc wa'n 'och yailal 'a eyib'an̈. Yuj cha, 'actjec can e tu b'eyb'al, b'oc e b'eyb'al, xchi Dios, xa chi 'a eb'.

Jeremías 25:35

A eb' yilmal chon̈ab', ma'oj stac' s'at eb' 'eloc, a eb' tzjucb'tzan eb' chon̈ab', ma'oj colchjoc can 'el eb'.

Lm 2:22

Mamin Jehová, a wal yic sc'ul 'ay cot yowl 'a c'ojl cha, tzanxn̈ej 'aj tzej cot yailal 'a yib'n̈ chon̈b' Jerusalén, lajn 'icha sjaw eb' 'anma 'a yic 'ay q'uin̈. A 'a jun c'u cha, man̈x 'a junc mach stac' scoln sb'a. A eb' 'anma xqui q'uib'tzej on̈, eb' xlaj cac' cuywc on̈, 'ix milx cham eb' yuj eb' 'ajc'ojl cha, xchi eb'.

Ez 14:3

Ach 'anma', a wal jun tzo'n̈ winc xjaw 'aych tic, caw wal 'aych snab'en eb' 'a jun tzo'n̈ yechl comn dios, a maysch'olnil 'aj 'ix ya'ch eb' snab'en, a eb' cha, nab'a xoj tzwul sc'anb'c sb'a eb' 'ayin.