Jeremías 10:12 - Chuj San Sebastian Bible

¹² A Jehová, a 'ix b'on lum lum tic yet' spoder. A yet' sjelnal, 'ix sb'on can yolyib'n̈q'uinl tic. An̈jtona yet' sjelnal cha, 'ix sb'on satcha'an̈.

Chuj San Mateo Bible

¹² A Jehová b'oannac lum luum tic yed' spoder, a yed' sjelanil sb'onac yolyib'an̈q'uinal tic. An̈eja' yed' sjelanil chi' sb'onac pax satchaan̈.

Jeremías 10:12 Referans Kwoze

Job 9:8

Toc 'ay mach xcolwj yet'oc yic sb'on satcha'an̈, a tztenn 'och wan a mar, yic tzq'ue wan chel-loc a'.

Gn 1:1

A 'a yic x'el yich sb'o smasnil, 'ix sb'o Dios satcha'an̈ yet' lum lu'um.

Pr 3:19

A yet' sjelnal, yet' swach' nab'enal Jehová, 'ix sb'on satcha'an̈, yet' lum lum tic.

Is 40:22

A Dios 'ayc' sdespacho 'a yib'n̈ q'ue satcha'an̈. A satchan̈ cha, jen̈n 'ec' 'a yib'n̈ lum lum tic. A yic tzon̈ yiln 'emt Dios an̈ 'anman̈ tic, lajn on̈ 'icha no b'ojch'in. A lich'jnac 'at satchan̈ 'icha junc nip, sb'on chan̈ 'icha junc mantiado tz'och cajnub'al.

A Scarta San Pablo D'a Eb' Aj Colosas 1:16

Yu'uj, b'onc smasnil tas 'ay 'a satcha'an̈, yet' tas 'ay 'a sat lum tic. Wach'xam jun tzo'n̈ tzquila, toxn̈ej jun tzo'n̈ matz quila, an̈j b'ojnac smasnil. Yet' pax smasnil jun tzo'n̈ xo eb' 'aych yajlil, eb' 'ay spoder, wach'xam matz tac' quiln eb', palta a b'ojnac eb', sec wach' tz'ajx servil yuj eb'.

Jn 1:3

A yet' jun chi sb'ojnac can Dios smasnil tas. Yujto a jun chi 'ix mol b'on smasnil yet'oc.

Salmos 24:2

Yujto a xb'on 'ejm sb'achnub'al yaln̈ lum lum tic 'a yojl eb' a mar, yet' 'a eb' a niwc a'.

Zacarías 12:1

A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel:

Jeremías 32:17

Mamin Jehová, yet' wal a niwn poder yet' pax a jelnal 'ix a b'on satcha'an̈, yet' lum lum tic. Caw may tas 'ajltac sb'o 'ayach.

Jeremías 10:13

A yic tzchecwji, caw tz'ib'x smasnil a a 'ay 'a satcha'an̈. A 'aj tzlajw c'och sti lum lum tic, caw tzq'ue wan 'asn yuj 'a cha'an̈. Caw tz'ec' raya 'a scal niwc yaxn̈ab' yu'uj, tzjacn pax 'elt 'ic' 'a 'aj molb'il yu'uj.

Is 49:8

A Jehová a tzaln 'ixtic: 'Ix c'och stiempoal in ch'oxn in wach'c'ojlal, yic tzin pacn tas tza c'an 'ayin. Xc'och stiempoal wa'n a colnb'il, yuj a'n 'el'choc in trato yet' eb' in chon̈ab'. Tza b'on pax in chon̈b' 'a 'icha xon yaji, sec wach' tzyij pax eb' israel chi smacl 'a lum lum sictac 'ajnc can sat.

Is 48:13

An in b'ojnac sb'achnub'al yich lum lum tic yet' in poder, an in jen̈jnac 'at pax satcha'an̈. Ton̈j xwal sb'i jun tzo'n̈ tic, 'ix pitzw chan̈ eb'.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Is 45:12

An in b'ojnac lum lum tic yet' smasnil mach cajn 'a 'a, an in jen̈jnac 'at satchan̈ tic yet' in poder, 'ix walni to tzpitzw smasnil c'anal.

Is 44:24

A Jehová atn b'ojnacn̈ec, a on̈ 'a'nec 'el pax 'a libre. A tzaln 'ixtic: An Jehová in, an b'ojnac ex yic mantzac ex 'alji, an b'ojnac smasnil tas, an in jen̈jnac 'ec' satcha'an̈, in b'on can pax lum lum tic 'a yet'ul, may junc mach colwjnac wet'oc.

Is 42:5

A Jehová Dios 'ix b'on satcha'an̈, xlajw cha, 'ix sjen̈n 'ati. A 'ix b'on lum lu'um, yet' smasnil tas tzpac' 'a sat lu'um, a tz'a'n qui q'uinl an̈ 'anman̈ec tic, tzya'n pax qui'c quic', tzyaln 'a jun schecb' chi 'ixtic:

Salmos 104:24

Mamin Jehová, man̈x alchjb'enoc tas b'ob'il o'oj. Smasnil jun tzo'n̈ tic, xa b'o yet' a jelnal; a lum lum tic, caw b'ut'n lum yet' smasnil a b'ob'en.

Salmos 33:6

Yujn̈ej spaxti', 'ix b'o satcha'an̈ yet' smasnil tas 'ay 'a 'a, cojn to 'ix yala, 'ix b'o smasnil.

Pr 30:4

¿Mach wal junc xit'q'ue 'a satcha'an̈, 'ix 'empaxta? ¿Mach junc tztac' syamn 'och wan 'ic' 'a yol sc'ab'? ¿Mach junc tztac' spichn 'och a mar 'a yol spotil? ¿Mach jun x'a'n can 'ejm smon̈jonal lum lum tic? Alc 'ayin toto eyojtac tas sb'i, tas pax sb'i yunnal.

Salmos 119:90

A 'a chamc'ojlal 'ayc'n̈ej 'a smasnil tiempo; ach xa b'o lum lum tic, wach' 'ix otj can 'a yet'ul.

Salmos 78:69

ata sb'o chan̈ jun scajnub' caw niwquil x'aji, x'at 'a cha'an̈. 'Ix ya'n can 'ejm yipnub' yich 'a jun 'ejmn̈ej, 'icha stzatzl yaj lum lum tic.

Job 26:7

A Dios, 'ix slich'b't satchan̈ 'a stojlal norte, palta may tas xyamn cani, sb'on pax lum lu'um, may pax tas 'aj xq'ue b'achn lu'um.

Salmos 104:2

A sacq'uinal, icha to a pichl yajchi, ach xa lich't satchan̈ 'icha junc mantiado.

Salmos 93:1

Mamin Jehová Reych xoni, a 'a tzictznial, a chi 'icha to 'aych a pichloc. Ax a poder, 'icha to oyn 'och 'ayach. Ach b'ojnac yolyib'n̈q'uinl tic, yuj cha, matz 'ib'xi.

Gn 2:5

Ata', mant 'a junc te te', mant 'a pax c'ultc tzpaq'ui, yujto mant 'a n̈ab' tz'ejm 'a yib'n̈ lum yuj Jehová Dios. Mant 'a pax mach tzmunlj 'a sat lu'um.

Job 37:18

¿Tzam stac' a colwj jac yet' Dios yic tzjen̈n 'at satchan̈ tic, 'icha tzyac' junc q'uen q'uen tzatz tz'ajcn 'a yet'ul?

Is 37:16

Mamin Jehová, qui Diosal ach an̈ israel on̈ tic, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

Jeremías 10:16

Caw wal chuc yel qui Diosalec an̈ yin̈tl on̈c Jacob tic. A qui Diosalec b'ojnac smasnil tas. A si'jnac can 'el chon̈b' Israel tic yico'oc. A Jehová tztac' yuj smasnil, 'ixtnta wal yalx sb'i.

Jeremías 27:5

Yet' wal in niwquil poder xin b'on yolyib'n̈q'uinal, yet' smasnil tas 'ay 'a 'a. In b'ojnac eb' 'anma', yet' no noc'. Yuj cha, tztac' wa'nn̈ej 'a mach 'aj tzyal in c'ojl tzwac'a.

1 Cr 16:26

A smasnil scomn diosal eb' chon̈ab', caw may jac yel'ch eb', al pax Jehová caw niwn yel'chi yujto a b'ojnac satcha'an̈.

Salmos 65:7

Tza'n 'och wan yib'x sat a mar, tza'n pax 'och wan sb'uylji eb' niwc chon̈b' ya'n owal.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.