Jeremías 1:5 - Chuj San Sebastian Bible

⁵ Yictax mantzac ach wac' pitzwc 'a a nun, toxn sic'b'ilch xon 'el wu'uj. A yic mantzac ach 'alji, ach wi'n xon 'och wico'oc, yic tzach 'och in checb'oc 'a scal jun tzo'n̈ nacion̈, xchi 'ayin.

Chuj San Mateo Bible

⁵ Ach Jeremías, yictax manto ach vac' pitzvoc d'a a nun, sic'b'ilachxoel vuuj. Ayic manto ach alji, sic'b'ilachxoel vuuj yic tzach och in checab'oc d'a juntzan̈ chon̈ab', xchi d'ayin.

Jeremías 1:5 Referans Kwoze

Salmos 139:16

ojc xoni tas tz'aj sb'o cot in niwnal. Smasnil jun tzo'n̈ tic tz'ib'b'il eb' oj 'a ch'an̈ a libro. A yic mant 'a xon junc c'ul tzwila, checl xon yaji jantc in q'uinl o'oj.

Is 49:1

'Ixtc wal yaln schecb' Jehová: Ex chon̈b' cajn 'a sti a mar, 'ab'c tas 'oj wala', an̈jtona ex nacion̈ 'ayx 'a caw najat, macljec tas 'oj wala': A Jehová a 'in 'awtn 'a yic mantzac in 'alj xoni, yaljnac can 'el in b'i 'a yic 'aynto 'ec' 'a yol sc'ojl in nun.

Ro 8:29

Yictax pecti', yojc xon Dios to yic on̈ec. At xo ta si'jnacn̈ec can 'eli, sec wach' caw lajn tzon̈ 'ajc yet' Yunnal. 'Ixta 'on̈ yutjec Dios, sec wach' ax Yunnal, a tz'och qui b'ab'l 'u'tacoquec qui masnil.

Is 49:5

Ax ticnec tox xin chaj sniwquil-l wel'ch 'a yojltac Jehová in Diosal, yujto a x'a'n wip. 'Aynto 'ec' 'a yol sc'ojl in nun 'ix snan cani to tzin 'och schecb'oc, sec tzwijx meltzjoc eb' israel jun 'ejm xo 'a 'a, atn eb' yin̈tl can Jacob.

Is 44:2

An Jehová in an ex in b'o'o yic mantzac ex 'alji, an tzin colwj eyet'oc. Man̈ex xiw ex 'aj Jesurún, ex yin̈tl can Jacob, in checb' ex, sic'b'ilx 'el wu'uj.

Lc 1:41

Ax 'ix Elisabet cha, caw x'ib'x jun 'unn chi 'a yol sc'ojol, yic xyab'n 'ix spaxtin María cha. Caw 'ix wach' 'och Yespíritu Dios 'a 'ix.

Lc 1:76

Ach xo tic ach wunnal, ach 'oj och schecb'oc Dios jun yel xo niwn yel'chi. Yujto 'oj a b'ab'l 'ec' 'a Cajlil, ax a b'on snab'en eb' 'anma', 'icha tz'aj sb'o junc b'e.

Ex 33:17

'Ix yaln Jehová 'ixtc 'a Moisés: A jun tzo'n̈ paxti tzal tic, 'oj in b'o 'icha tzal cha, yujto caw tzach wa'ch yipc in c'ojol, caw wojc ach paxi, xchi Dios 'a Moisés.

Jeremías 1:10

A ticnec tzach in checb't 'a jun tzo'n̈ xo nacion̈ yic tzaln yab' eb' to 'oj jawc yailal 'a yib'n̈ eb', 'oj satl eb', ax slan̈chj 'ejm schon̈b' eb'. 'Ay eb' chon̈b' chi 'oj satl 'a jun 'ejmn̈ej, 'ay pax eb' 'oj b'ox cha'an̈, xchi.

Ex 33:12

'Ix yaln Moisés 'ixtc 'a Jehová: —Mamin, ach 'ix al 'ayin to an tzin jucb'tzej jun chon̈b' tic, palta ma'ix al 'ayin mach tzcolwj wet'oc. 'Ix aln paxi chajtlto 'ojcab'iln o'oj, 'ay a tzaljc'ojlal wet' alni.

Lc 1:15

Caw niwn 'oj 'aj 'el'ch 'a sat Dios. May xon 'aj 'oj yuc' yal uva. May 'aj 'oj yuc' pax 'an̈. A yic 'oj 'aljoc, ax yochcn Yespíritu Dios 'a 'a.

Ro 1:1

An Pablo in, an tzin tz'ib'j jun carta tic. An tic ya'mal in servil Jesucristo. A Dios yawtjnacn 'och schecb'oc. Sic'b'iln 'el yu'uj, yic tzwaln 'el wach' 'ab'x yic Dios.

Jeremías 50:34

Palta an Jehová in, tztac' wuj smasnil, an 'oj in colcn 'el eb'. 'Oj in b'eyc'ojloc eb' wal 'a stojlal. 'Oj wac' junc'ojlal 'a in chon̈b' tic, ax pax 'a eb' 'aj Babilonia, cojn xiwc'ojlal 'oj wac' 'a eb', xchi.

Ef 1:22

C'uxn 'ix ya'ch Dios smasnil tas 'a yol scab' Cristo. 'Ix ya'n pax yopiso yoch Syajlilc yiglesia, 'icha to sjolm yaji.

Jn 10:36

An xo tic, a Dios si'jnacn 'eli, schecn in cot 'a yolyib'n̈q'uinl tic. Yuj cha, ¿tas yuj tzeyala to tzin b'uchwj 'a Dios, yic tzwalni to Yunnaln Dios cha?

1 Co 8:3

Palta a eb' tzchamc'ojlan Dios, 'ojcab'il xon eb' yu'uj.

Salmos 139:15

Man̈ c'ultacoc x'aj sb'o in niwnal 'a a sat. A yic mantzac in pitzw 'el 'a yolyib'n̈q'uinl tic, yic c'ultac to waj 'a yol sc'ojl in nun,

Jeremías 1:4

'Ix paxtin Jehová 'ayn an Jeremías in tic, xyaln 'ixtic:

Jeremías 25:13

Smasnil yailal waljnac cani, 'oj wa' cot 'a yib'n̈ jun nacion̈ cha, atn smasnil tas tz'ib'b'il can 'a jun libro tic, jun tzo'n̈ xwac' alcn 'el ach Jeremías tic 'a yib'n̈ jun tzo'n̈ nacion̈ tic.

Jeremías 36:2

'Ij cot junc ch'an̈ un̈ 'aj tzach tz'ib'ni, tzlajw cha, tza tz'ib'n can smasnil tas 'ix walcn 'el 'a yib'n̈ Israel, 'a Judá, yet' 'a jun tzo'n̈ xo nacion̈, yictax in yamn 'och wal 'aych 'a yol stiempoal Josías masnto ticnec.

Jeremías 20:15

Catb'tzaxc cab' jun winc 'ix aln 'a in mam chajtlto x'alj jun swinc 'unn in mam cha, yuj cha, stzalji.