Is 8:21 - Chuj San Sebastian Bible

²¹ 'Oj tectnoc 'ec' jun tzo'n̈ 'anma chi yuj wejel. Yuj wejl cha, ax yowx 'och eb' 'a sreyal yet' 'a sDiosal. 'Ojt cob' q'ue q'ueln eb' 'a satcha'an̈,

Chuj San Mateo Bible

²¹ A eb' anima tic, ol b'at tic ol b'at tic eb' yuj vejel. Yuj val vejel chi', ol ovaj val eb'. Ol b'uchvaj eb' d'a sreyal yed' d'a sDiosal. Olto q'ue q'uelan eb' d'a satchaan̈,

Is 8:21 Referans Kwoze

Is 9:20

Teb'il xoj 'oj 'ilchjoc jac tas tzc'ux eb'. 'Ay eb' 'oj 'ilchjoc jac tas yu'uj, palta 'oj laj sto'lac 'ec' eb' 'a 'a. 'Oj sc'uxn̈j eb', palta ma'oj 'ec' swejl eb' yuj jac cha. 'Oj laj schi 'ejm eb' yunnal yuj wejel.

Pr 19:3

A qui man̈ nab'enalec, a tzon̈ 'a'nec satoc, ax tz'aji, a 'a yib'n̈ Jehová tzca'c 'ochi.

Jeremías 52:6

Caw 'ix niwtj wal wejl 'a jun chon̈b' cha, man̈x 'a jac tas wach' sc'uxn eb' 'anma'. A 'a yic sb'aln̈il c'u yoch schan̈l 'uj yic jun ab'il cha,

Jeremías 14:18

A yic tzin 'el wil lum lum 'aj tz'och munljel 'a b'esan, ax tzwilni, to 'ay sniwnal eb' 'anma t'occtac yaj ta yuj owal. Ax yic tzin 'och paxt 'a yol chon̈ab', ax tzwilni wan laj scham eb' 'anma yuj wejel. Ax eb' tzyalch sb'a schecb'oc Dios, yet' eb' ya'mal 'och sti eb' 'anma', tox 'ix 'ijx 'at eb' 'a chuc chon̈b'al, jun to mant yojcoc eb', xa chi 'a eb', xchi Dios 'ayin.

Job 2:9

Palta ax 'ix yistzil winac, 'ix yaln 'ix 'a win 'ixtic: —¿Tas cob' yuj an̈ja wach' tzotj a nab'en? B'uchwjan̈ 'a Dios, tztac' cab' a chami, xchi 'ix.

Job 2:5

Palta q'uinloc tza'ch syailal win Job 'a sniwnal, 'oj ela', checlton ma'oj a b'uchx yuj winac, xchi.

Job 1:11

Palta q'uinloc tzej 'ec' tas 'ay 'a yol sc'ab' winac, 'oj ela', checlton ma'oj a b'uchx yuj winac, xchi win 'ajc'ojl cha.

A Ch'an̈ Schab'il Libro Yic Yab'ixal Eb' Rey 25:3

A yic sb'aln̈il xo c'u yic schan̈l 'uj yoch jun ab'il cha, caw 'ix jaw wejl 'a jun chon̈b' cha, may jac tas wach' sc'uxn eb' 'anma'.

Ex 22:28

Man̈ eyal tu paxti 'a yib'n̈ eb' juez, mto 'a yib'n̈ eb' yajl yaj 'a yol e chon̈ab'.

A Ch'an̈ Schab'il Libro Yic Yab'ixal Eb' Rey 6:33

Wanto wal spaxtin Eliseo yet' eb' cha, 'ix c'och win rey yet' win schecb' cha, 'ix yaln win rey 'ixtic: —Wal yel a jun tu tic, a 'a Jehová tzcoti. ¿Tas tzat in tan̈wj 'a 'a, yic tzon̈ scolni? xchi winac.

A Ch'an̈ B'ab'el Libro Samuel 8:18

A 'a jun c'u cha, 'oj cob' eyal e b'a 'a Jehová yuj tas 'oj ex yutc win e reyl 'oj e si'l cha, palta man̈x 'oj ta'wc 'ayex, xchi.

Job 18:12

Caw 'oj 'el yip yuj wejel, ax yailal, q'ueln xo 'och 'a 'a, yic tzjaw 'a yib'an̈.

Is 9:21

'Oj meltzjoc 'och eb' yin̈tl Manasés 'a eb' yic Efraín, ax spacn sb'a eb' yic Efraín chi 'a eb' yic Manasés cha, ax 'oj 'ajoc, 'oj meltzjoc 'och eb' schac'ajil 'a eb' 'aj Judá. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 14:30

A eb' israel 'icha to smeb'ail xoj yajcni, caw 'oj wa eb' si'mb'il yet' yunnal. Ax eb' 'anma may tas 'ay 'a 'a, 'oj way eb' 'a tzaljc'ojlal. Palta ax xo ax filisteo ex tic, 'oj ya' cot Dios wejl 'a eyib'an̈, ax jaywn̈oc ex 'oj e cant cani, a wejl chi 'oj e milni.

Is 51:19

'Ix jaw chac'aj yailal 'a eyib'an̈: 'Ix ma'x 'ejm e chon̈ab', xlajw cha, 'ix 'ijx 'ec' tas 'ay 'ayex. Til wal 'anma xcham yuj wejel, 'ay pax eb' xcham yuj owal. ¿Mach to wal eb' 'oj 'o'ch sc'ojl 'ayex? ¿mach to wal eb' 'oj 'a'nc sniwnal e c'ojol?

Is 59:9

Yuj cha, tzeyaln 'ixtic: A ticnec b'i'an, 'ix cojquejec 'eli tas yuj matz on̈ colx 'el 'a yol sc'ab' eb' tzon̈ 'ixtni; cob' tan̈b'il sjaw sacq'uinl 'ayn̈ec, palta cojxn q'uic'q'uinl oyn 'och 'ayn̈ec, tan̈b'il cob' cujec b'a'n̈ tzon̈ colxec 'a yol sc'ab' eb' tzon̈ 'ixtn cha.

Is 65:13

Palta tzwal 'ayex, to a eb' in checab' 'ay tas 'oj sc'ux eb', ax xo tic, 'oj e cham yuj wejel. 'Ay tas 'oj yuc' eb', ax xo, 'oj e cham yuj tacn̈ti'al. 'Oj tzaljoc eb', ax xo, to 'oj e q'uixw can 'eli.