Is 8:13 - Chuj San Sebastian Bible

¹³ An Jehová in tztac' wuj smasnil, a 'ayn smoj a xiwi, niwn cab' wel'ch 'a a sat.

Chuj San Mateo Bible

¹³ A in Jehová in Yajal in d'a Smasanil, A inn̈ejocab' d'a yol a sat, an̈ej d'ayin tzach xivi. Ayocab' velc'och d'a yol a sat.

Is 8:13 Referans Kwoze

Lc 12:5

Palta 'oj wal 'ayex, mach 'aj smoj tzex xiwi: Xiwn̈ec 'a Dios, atn jun 'oj lajwc ex smilni, 'ay pax spoder ex ya'n pax 'at 'a infierno. Atn wal jun chi 'aj smoj tzex xiwi.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Salmos 76:7

Yel xo wal caw 'ay a may. ¿Toc 'ay mach 'oj stac' yoch lin̈n 'a ojltac, yic tox 'ix cot owal?

Malaquías 2:5

A 'in trato yet' eb' yin̈tl can Leví, atn eb' e mam eyicham to tzwac' stzatzl eb', yet' sjunc'ojlal eb'. 'Ix wac' in trato chi yet' eb', sec wach' 'ay wel'ch 'a sat eb'. A eb' cha, sch'oxl eb' to caw 'ay wel'ch 'a sat eb', 'ay pax xiwc'ojlal eb' 'ayin.

Is 29:23

Yujto a yic 'oj eyiln sniwtj eb' eyin̈til, 'oj eyal wach' paxti 'ayin, ax eyi'n chan̈ in b'i, to Cojxn In Ton Dios In.

Gn 31:53

A cab' sDiosal a mam 'ichm Abraham, yet' sdiosal in mam 'ichm Nacor, a tzon̈ 'iln qui chawn̈il, xchi winac. Xlajw cha, xya'n win Jacob sti 'a sb'i sDiosal smam 'aj tz'och Isaac 'emmquilal.

Ro 4:20

A yic ya'n can Dios sti 'a winac, man̈ chab'c'ojlalc yutjnac win yab'ni. Caw ya'jnac 'och win 'a sc'ojol. Caw te'n yutjnac win snab'en. Yaljnac win wach' paxti 'a Dios,

Nm 27:14

yujto ma'ix eyiclj eyi'n chan̈ in b'i 'a lum cusltac lum tzcuch Zin, yic 'ix q'ue wan yaw eb' 'anma 'ayin, yic sc'ann eb' yuc' a', xchi. (A jun tic, ujnac 'a a a tzcuch Meriba 'a yol yic Cades, 'a lum cusltac lum tzcuch Zin.)

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Ex 20:20

'Ix ta'w Moisés 'ixtc 'a eb': —Man̈ ex xiwoc, ton̈j tzwul ex yac' prowal Dios, yic wach' 'ay e xiwc'ojlal 'a 'a, sec ma'oj laj 'och e mul, xchi.

Dt 14:23

A sdiesmoal e trigo, eyal uva, eyaceite yet' no sb'ab'l 'une e wacax, mto sb'ab'l 'une e calnelu mto chiwo. Ata tze c'ux jun tzo'n̈ chi 'a yojltac Jehová qui Diosalec, 'a jun lugar 'oj si'l yico'oc cha, sec 'ixta tzeyutj eyi'n 'ejm e b'a 'a Dios 'a smasnil tiempo.

Is 5:16

A Jehová tztac' yuj smasnil, 'oj sch'ox 'ilxoc to niwn yel'ch sb'eyc'ojlal. A Dios yel xo wal wach', 'oj sch'ox 'ilxoc to tojl snab'en.

Ez 38:16

'Oj cob' ac' owl yet'oc, caw 'oj och oyn 'a in chon̈ab', 'icha tzyac' 'asn tz'och oyn 'a lum jolmctac witz. A 'a jun tiempoal cha, 'oj ach wi' cot 'a sat in lum cha, sec 'oj yil jun tzo'n̈ xo nacion̈ tas 'oj ach wutc ach in satn 'eli, ax yojcan 'el eb' to cojn in ton Dios in.

Lv 22:32

May cab' tu paxti'al tzalx 'ayn eyu'uj. A tas tze b'o'o, to tzeyij chan̈ in b'i 'a scal eb' eyit israelal. An Jehová in tic, an ex in si'cn 'och wico'oc.

A Ch'an̈ B'ab'el Libro Samuel 11:7

'Ix yi'n cot chawn̈ no mam wacax, scotc tzu'n 'at no', 'ix ya'n no 'a jun tzo'n̈ eb' schecab', yic tz'ec' sch'oxnc eb' 'ilxoc no 'a smasnil yol smacb'en eb' yit israelal. Tzlaj 'ec' yalnc eb' checb' chi 'ixtic: 'Ixtc wal 'oj 'aj swacx mach ma'oj 'och tza'n yuj Saúl, yet' pax Samuel, yic 'oj 'at eb' 'a owal, xchi eb'. 'Ix jaw jun niwquil xiwlal 'a yib'n̈ eb' 'anma chi smasnil yuj Jehová. Junxn̈ej xyutj sb'a eb' smasnil, 'ix wul ya'nc 'och sb'a eb' yet' eb'.