Is 7:13 - Chuj San Sebastian Bible

¹³ Yuj cha, xyaln Isaías chi 'ixtic: Ex yin̈tl can David 'ab'c tas 'oj wala'. Caw may yel'ch e tzuntzn eb' eyit 'anma'il ¿Tom tze nib'j tze tzuntzj qui Diosalec 'icha tzeyutj eb' cha?

Chuj San Mateo Bible

¹³ Yuj chi' ix valan icha tic: Ex yin̈tilalcan vin̈aj rey David, ab'ec tas ol vala': A e naani to malaj yelc'och e tzuntzan eb' anima. ¿Tom tze nib'ej tze tzuntzejpax co Diosal icha tzeyutej eb' chi'?

Is 7:13 Referans Kwoze

Is 43:24

Ma'ix e man te te su'q'ui sjab' yic tzeya'n te ofrendail 'ayin, ma'ix eyac' tzaljoc in c'ojl yet' xepual no noc' tzeyac' xajmb'alil. A eyico', to cojn mul tze b'o'o, caw tzin tzactzj c'och eyu'uj, tze tzuntzj cot wowl yuj jun tzo'n̈ maysch'olnil tzlaj e b'o cha.

Malaquías 2:17

A Jehová, tox 'ix tzactzj chan̈ yuj tas tzeyala, tze c'anb'n to pax wal 'ixtic: ¿Tas laj yuj tzactzj cu'uj? xe chi. Tzactzji, yujto tzeyal ax tic, chajtlto tzchaj sc'ojl Jehová eb' tzb'on maysch'olnil, caw tzalj yet' eb'. Tzeyaln pax 'ixtic: ¿Tom 'ay jun Dios tzb'eyc'ojlwi 'a stojlal? xe chi.

Ez 16:47

'Ix 'och tza'n Jerusalén yuj sb'eyb'al eb', caw yajb'entac tas x'el sb'oni. Man̈ cojnoc cha, palta yel xo wal tu 'ix yutj sb'a 'a yib'n̈ eb' chab' chon̈b' cha.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Is 7:2

A 'a jun tiempoal cha, yajnej xit' alxc 'ixtc 'a win rey Acaz yet' 'a eb' 'aych yopiso yet'oc: A eb' 'aj Siria yet' eb' Israel, junn̈j tzyutj sb'a eb' yic tzya'n eb' owl yet' Judá tic, xchi. Yuj cha, 'ix syamn 'och win rey yet' eb' yajl chi yib'x cha'an̈, 'ixta pax eb' 'anma chi smasnil, toxn̈ej tzchinchni eb' 'a yet'l chi 'icha tzyac' te te tz'ib'x yuj 'ic'.

A Ch'an̈ Carta D'a Eb' Hebreo 3:10

Yuj cha, scot wowl 'a eb', waln 'ixtic: A jun tzo'n̈ 'anma tic, chuc 'aj 'aych snab'en eb'. Toxn matz nib'j eb' tzyojquej 'el in b'eyb'al, xin chi.

Am 3:13

A Jehová Dios tztac' yuj smasnil, a tzaln 'ixtic: 'Ab'c ax tic, tzlajw cha, tzeyaln 'el 'a eb' yin̈tl Jacob:

Ez 16:20

Ax eb' wunnal yet'oc, 'ix yac' tz'a eb' xajmb'al-l 'a jun tzo'n̈ yechl cha. Man̈ cojnoc to 'ix 'och 'ajmulal,

Jeremías 6:11

Mamin, lajn tzwutj wab'n syal yowl a c'ojl yet' jun chon̈b' tic. Caw man̈xtzac techj in yamn 'och wa'an, xin chi 'a 'a. 'Ix yaln Jehová 'ayn 'ixtic: Sec 'ejm yowl in c'ojl chi 'a yib'n̈ eb' 'unn tzlaj 'ec' 'a yoltc caye, yet' 'a yib'n̈ eb' quelmtac 'aj jun b'uln̈ yaj eb' syamn sb'a. 'Oj 'ijxoc 'at eb' winc yet' yistzil 'a preso, yet' eb' 'ichm 'anma caw 'ayx sq'uinl si'mb'il.

Is 25:1

Mamin Jehová in Diosal ach; 'oj ach in b'itnoc yet' in wach' paxti', yujto caw xac' 'el'choc tas nab'il o'oj, caw satjub'tac yilxi, to wach' yajcn xon oj 'a yictax pecti'.

Is 1:24

Yuj cha, an Jehová in tztac' wuj smasnil, Syajlil in chon̈b' Israel, an tzwal 'ixtic: Ax xo 'ajc'ojl eyajch 'ayin. Wal in b'on yaj in b'a eyet' tic, 'oj in pac in b'a 'ayex.

2 Cr 21:7

Palta a Jehová ma'ix yal sc'ojl satl yin̈tl David, yuj strato sb'ojnac can yet'oc, yujto ya'jnac can sti 'a 'a, to a yin̈til 'ayc'n̈ej cab' 'a smasnil tiempo.

Nm 16:13

¿Tom janc'n̈ej tzon̈ otj on̈ extni, 'ilto on̈ ej 'elt 'a lum Egipto, 'aj til wal tas wach' tzqui c'uxu. Ax ticnec ton̈j on̈ ej cot chamc 'a lum cusltac lum tic, tzlajw cha, tza nib'n wal on̈ a'x mandar?

Nm 16:9

¿Tom may wal yel'ch jun tic 'a e sat, yujto sic'b'ilx 'el yuj Jehová qui Diosal 'a scal eb' quit israelal tic, yic ex yi'n 'och 'a stz'ey, yic tzex munlj 'och 'a scajnub', yic tzeya'n pax servil eb' chon̈b' tic?

Gn 30:15

Xyaln 'ix Lea chi 'ixtc 'a 'ix: —'In ejnac 'ec' wichmil, ax pax ticnec, tza nib'j pax tza c'anc' te mandrágoras tic xyij cot ni wune tic, xchi 'ix. —Toto tzac' te mandrágoras chi 'ayin, tztac' a way yet' Jacob 'a jun 'ac'wl tic, xchi 'ix Raquel cha.

A Tas Sc'ulejnac Eb' Schecab' Jesús Hechos 7:51

Ax xo tic, caw pit ex. Caw lajn e nab'en yet' eb' man̈ 'ojtnacoc xon jac Dios. Caw matz eya'ch e chicn 'a spaxti'. Ton̈j tzeya'ch e b'a 'ajc'ojlal 'a Yespíritu Dios. Yuj cha, caw lajn ex yet' eb' qui mam quichmec.

Lc 1:69

'Ix ya' cot jun qui Colmalec caw niwn spoder. A 'a scal eb' yin̈tl can David, win ya'mal servil, ata 'oj 'aljoc.

Salmos 45:5

A 'a jul-lab' caw jay sn̈i', tz'at tz'ab'njoc 'a yol sc'ojl eb' 'ajc'ojl yajch 'ayach. Yuj cha, 'oj telwc 'ejm eb' chon̈b' 'a ojltac mamin rey.

Is 1:14

Caw tzex in chacl yet' jun tzo'n̈ e q'uin̈ 'a yic tzpac' 'uj, yet' jun tzo'n̈ xo eyamnil. Man̈xtzac ex in nib'j wil yet' jun tzo'n̈ cha, yujto xyoch'b' c'och wu'uj.

Is 7:12

Xta'w Acaz 'ix yalni: Ma'ay, an tic ma'oj stac' wa'lni prowal Jehová yic tzin c'ann wil junc senya chi 'a 'a, xchi winac.

Is 22:22

A 'a yol sc'ab', ata 'oj wa'ch syaveal yatut eb' rey yin̈tl can David; may junc mach 'oj stac' smacn puerta to a 'oj jacnoc, may pax junc mach 'oj stac' sjacn puerta to a 'oj macnoc.

Jeremías 44:22

Palta a Jehová caw man̈x 'ic techj yiln 'och jun tzo'n̈ maysch'olnil xe b'o cha, caw ma'ix chaj sc'ojol. Yuj wal cha, a qui chon̈b'ec, caw 'ix lan̈chj 'ejm ticnec, man̈x 'a mach cajn 'a 'a. Tox 'ix 'atcn catb' 'a yib'an̈, caw tzxiw eb' 'anma yiln 'ochi.

Ez 6:9

Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'.