Is 65:5 - Chuj San Sebastian Bible

⁵ Tzlaj yaln eb' 'ixtic: Wach' eyaj ta', man̈ ex jawc 'a qui tz'ey tic on̈, yujto an̈ tic on̈, caw 'ay smay on̈ eyamni, xchi cob' eb'. A jun tzo'n̈ 'anma cha, lajn wal eb' 'icha te c'ac' 'aychi tz'ec' c'u; caw tu s'at stab'l 'a yol qui n̈i'.

Chuj San Mateo Bible

⁵ Syalan eb' icha tic: Canan̈ ta', man̈ a nitzcot a b'a d'ayon̈, yujto ch'ocxo quel d'ayach, xchi eb' d'ayin. Tzin tzactzaj val yuj juntzan̈ anima tic, lajan val tas sc'ulej eb' icha stab'il te' c'ac' ayochi tz'ec' c'u, sb'at d'a yol co n̈i'.

Is 65:5 Referans Kwoze

Lc 7:39

Ax yic xyiln win fariseo chi jun cha, snan win 'ixtic: Toto yel schecb' Dios jun winc tic, to 'ixta', xnachj 'el yuj winac, mach jun 'ix tic tzyamn yoc. Xnachj pax 'el am yuj winac, tas yaj 'ix, yujto caw tu sb'eyb'al 'ix, xchi win yet' snab'en.

Pr 16:5

Caw matz chaj sc'ojl Jehová toto b'an̈quintac tzlaj cutquec qui b'a; a mach b'an̈quintac, tojln̈ej yajx 'och syailal.

Lc 5:30

Palta ax ewin fariseo yet' jun tzo'n̈ xo spartido ewinac, atn ewin cuywjum 'a ley yic Moisés, tu xyal ewin 'a eb' scuywum Jesús. 'Ix yaln ewin 'ixtic: —¿Tas yuj junn̈j tzex wa yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewin 'a eb'.

Dt 29:20

A Jehová man̈x 'oj yac' niwnc'ojlal, palta tojl xoj ya'n cot yowl sc'ojl 'a yib'n̈ jun 'anma cha. A smasnil yowl sc'ojl Dios alb'il can 'a yojl ch'an̈ un̈ tic, a 'oj jawc 'a yib'an̈, ax satn 'el yin̈tl jun 'anma chi 'a sat lum lum cha.

San Judas 1:19

Yuj eb' cha, 'oj spojl sb'a eb' yic xo Dios. An̈j jun tzo'n̈ tas tznib'j 'och eb' yet' sniwnal 'aj tzya'ch snab'en. May Yespíritu Dios 'aych 'a eb'.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.

Mt 9:11

Ax yic xyil ewin fariseo jun cha, yuj cha, xyaln ewin 'ixtc 'a eb' scuywum Jesús: —A jun e Cuymal tic, ¿tas yuj jun tzwa yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewinac.

Pr 10:26

A eb' tzchecb'an eb' 'isaj, caw tzyab' eb' syal yuj eb', yujto matz yij sb'a jun checnb'il chi yuj eb'. Lajn 'icha wal syal s'at spajl no vinagre 'a yib' que, mto 'icha wal syal s'at tab' 'a yol qui sat, 'ixta yaj eb' 'a eb' tzchecn cha.

Lc 15:2

Yuj cha, xcot yowl ewin fariseo yet' ewin cuywjum 'a ley yic Moisés, 'ix yaln ewin 'ixtic: —A win tic, tzchajn̈ej win eb' maysch'olnil sb'eyb'al tzc'och 'a 'a, 'in tzwa yet' eb', xchi ewinac.

Pr 30:12

'Ay pax mach tznani to caw may xon jac smul, palta mantzac sb'o yaj smul 'a yib'an̈.