Is 65:25 - Chuj San Sebastian Bible

²⁵ An Jehová in, an tzwala to a no 'oques yet' no calnelu, junn̈j 'oj 'ec' say wa sb'a e no', ax no león yet' no wacax, a te c'ultc 'oj slo e no', a no chan a lum pococ 'oj slec' no'. May junc tas 'oj stac' yixtn jun tzo'n̈ noc' chi 'a lum tzaln to wicn̈ej yaji, xchi Dios.

Chuj San Mateo Bible

²⁵ A noc' oques yed' noc' calnel, junn̈ej ol va noc'. A noc' choj, a an̈ an̈c'ultac ol sc'ux noc' ichoc noc' vacax. Axo noc' chan, a lum pococ ol slo noc'. A d'a in tzalan b'aj tz'och ejmelal d'ayin, malaj junoc tas ol yal yixtani. A in val svala', xchi Jehová.

Is 65:25 Referans Kwoze

Miqueas 4:3

A Jehová 'oj b'eyc'ojlanc eb' nacion̈. A 'oj alnoc tas 'oj 'aj junjn eb' nacion̈ to caw wal jelan, wach'xam caw najt 'ay eb'. Yuj cha, 'oj meltzjoc 'och q'uen yespada eb' asaronal, ax q'uen lanza, 'oj 'ochcn q'uen josal, yujto may junc xo chon̈b' 'oj yi' chan̈ syamc'ab' yic owal, ax yoch 'ajc'ojlal 'a junc xo chon̈ab', man̈x 'a mach 'oj cuyxoc 'a tas tz'aj yoch owal.

Apoc 14:1

Xlajw cha, xwilni, a jun tzcuch Calnelu, lin̈n 'ec' 'a sjolm lum tzaln Sión. 'Ay pax 144 mil eb' 'ayc' yet'oc. Ax 'a snan̈l sat junjn eb', ata tz'ib'b'il 'och sb'i jun tzcuch Calnelu cha, tz'ib'b'il pax 'och sb'i Smam.

Ro 16:20

A Dios 'a'm junc'ojlal, a 'oj 'a'nc e tec' 'ejm win Satanás muc'uc, caw 'oj can win 'a yaln̈ eyu'uj. Tzin nib'j tzyac' Cajlil Jesucristo swach'c'ojlal 'ayx ta'.

A Tas Sc'ulejnac Eb' Schecab' Jesús Hechos 9:1

Ax win Saulo, caw matz yactj win yalni, to 'oj smil cham win eb' tzya'ch sc'ojl 'a Cajlil. 'Ix c'och win 'a win sat ya'mal 'och sti eb' israel 'a Dios.

Zacarías 8:3

'Oj in meltzj pax 'a Jerusalén, yic tzin 'aj cajn 'a jun 'ejm xo. 'Ixta to b'i'an, a Jerusalén cha, 'oj scuch Chon̈b' Yiclum. Ax jun tzaln wic an Jehová in, tztac' wuj smasnil, 'oj scuch Tzaln Cojxn̈ej in 'ay wico'.

Miqueas 7:17

Caw wal 'oj xiw eb', ax yi'n 'ejm sb'a eb', 'oj can teln eb' 'a scal pococ 'icha no chan. 'Oj laj 'ib'xoc eb' yuj xiwlal, ax yelt eb' 'a scuartel. Caw tzxiw eb', ax sjaw eb' 'a 'ayn an Jehová e Diosal in tic, xchi Dios.

Ez 43:11

Toto 'oj q'uixwc chan̈ eb' yuj tas xlaj sb'o cha, to 'ixta', tza ch'ox yil eb' tas yaj watut sb'o'i, tastc 'ay 'a yojol, chajtl pax yilx smac 'aj tzon̈ 'ochi yet' 'aj tzon̈ 'el paxta, yet' pax jantc yechl 'a smasnil. Tzaln yab' eb' jun tzo'n̈ ley tas tz'aj yoch 'emmquilal 'a watut tic. B'o yechl chi yil eb', tza tz'ib'n pax smasnil jun tzo'n̈ ley cha, sec 'oj stac' syiclni eb'.

Is 65:11

Palta man̈ 'ichcta tzex 'aj ax tzeyij 'el e b'a 'ayn an Jehová in, atn ex tzeyac' sat e c'ojl 'a lum tzaln 'aj tz'och 'emmquilal, ex tzeyac' tas tzc'uxxi, yet' yal uva xajmb'al-l 'a jun tzo'n̈ comn dios, atn Gad yet' Meni, jun tzo'n̈ tznan 'el tas tzjaw 'a eyib'n̈ eyalni.

Is 35:9

A 'aj tz'ec' jun b'e cha, may no león cajn ta', may e no chiwjum noc' 'oj c'och 'a jun lugar cha. A 'a jun b'e cha, ata 'oj 'ec' eb' colb'ilx 'el yuj Jehová.

Is 2:4

A Jehová 'oj sb'eyc'ojloc eb' 'anma yic junjn nacion̈ 'aj 'ay owal, 'oj yac' lajwc 'ejm owl chi 'a scal eb'. Ax syamc'ab' eb' yic owl cha, a q'uen espada, 'oj 'ochcn q'uen 'asaronal, ax q'uen lanza, 'oj 'ochcn pax q'uen josal. A 'a jun tiempoal cha, man̈x 'a junc nacion̈ 'oj yac' owl yet' junc xo nacion̈, man̈x 'a pax eb' soldado 'oj cuyxoc 'a owl cha.

A Schab'il Carta San Pedro 3:13

Palta an̈ec xo tic, wan qui tan̈wniec junx 'ac' satcha'an̈, yet' junx 'ac' yolyib'n̈q'uinal, yujto 'ixta yaj ya'n can Dios sti'. A wal eb' 'oj c'och ta', tojl xoj 'oj 'aj snab'en eb'.

Job 5:23

A 'a scal a munljel, may q'uen q'uen 'oj extni; ax e no calte'al noc', may 'oj yutc e no' a munljel cha, ma'oj ac' 'owl yet' e no'.

Is 56:7

toto 'ixta', 'oj wi' cot eb' 'a jun tzaln to wicn̈ej yaji, ax wa'n stzaljc'ojlal eb' 'a yol watut 'aj tz'och lesl 'ayin. 'Oj in cha sn̈us eb' xajmb'al yet' yofrenda 'a yib'n̈ yet'l xajmb'al to wic yaji, yujto 'oj alxoc yuj watut, to yatutal lesl yaj yuj smasnil chon̈ab'.

Is 66:20

An Jehová in, an tzwala. A eb' 'anma 'a jun tzo'n̈ nacion̈ cha, 'oj yi' paxt eb' nan̈loc eb' eyit chon̈b' chi 'ayc' 'a scal eb' cha. 'Ay eb' 'oj 'ijxoc cot 'a yib'n̈ chej, 'ay eb' 'a yol caruaje, 'ay eb' 'a yib'n̈ b'achte', 'ay eb' 'a yib'n̈ no mula, yet' pax 'a yib'n̈ no cameyo. 'Icha wal tz'aj yijx cot junc ofrenda 'ayin, 'ixta 'oj 'aj yijx paxt eb' 'a Jerusalén 'a 'aj 'ay lum tzaln 'aj tz'och 'emmquilal 'ayin. Lajn 'oj 'aj yijx cot eb' 'icha tz'aj yi'n cot eb' israel ofrenda tz'em 'a yol jun tzo'n̈ 'ac' waso 'ay 'a watut.

Dn 11:45

Ax sb'on chan̈ scamplamento 'a snan̈l a niwquil mar yet' 'a jun tzaln to yicn̈ej Dios yaji, atn jun tzaln caw wal wach' yilxi. Palta atnta 'oj c'och stiempoal slajw yopiso, man̈x 'a junc mach 'oj colnoc.