Is 65:2 - Chuj San Sebastian Bible

² An xo tic, smasnil tiempo cob' b'achn 'at in c'ab' 'a jun chon̈b'al eb' 'anma caw pit tic, yic tzcob' wi'nc cot eb' 'ayin. Palta cojn maysch'olnil tzb'eylb'ej eb'. A tas tznib'j eb' sb'o', a chi tzb'o eb'.

Chuj San Mateo Bible

² Masanil tiempo jecann̈ejb'at in c'ab' vavtancot jun chon̈ab' te pit, palta axon̈ej chucal snib'ej sc'ulej.

Is 65:2 Referans Kwoze

Ro 10:21

A Isaías cha, yaljnac can paxi tas yaljnac can Dios yuj eb' yit israelal. Yaljnac 'ixtic: An xo tic, smasnil tiempo cob' b'achn 'at in c'ab' 'a jun chon̈b'al eb' 'anma caw pit tic, yic tzcob' wi'nc cot eb' 'ayin, xchi.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Pr 1:24

An ex wawtej, sec tzex cot 'ayin, palta matz e chaj eyab'i'.

Is 1:2

Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.

Ro 2:5

Palta 'ayx pit ex, matz e na e b'a. Yuj cha, wan eya'n niwtjoc yowl sc'ojl Dios 'a eyib'an̈. Ax 'a yic 'oj jawc jun c'u yic yailal, ax yajx can 'och 'a eyib'n̈ ta'. At wal 'a jun c'ul cha, 'oj checljoc 'el sb'eyc'ojlal Dios caw yel.

Mt 15:19

Yujto a 'a snab'en eb' 'anma tzpitzw jun tzo'n̈ tu nab'enal tic. 'Ay eb' tzmiln cham yit 'anma'il. 'Ay eb' tzb'on 'ajmulal 'a yol sc'ab' yistzil. 'Ay eb' mant 'a yistzil tzb'on 'ajmulal paxi. 'Ay eb' tz'elc'wi, 'ay eb' tzyac' 'es, 'ay pax eb' tzcomn b'uchwji.

Jeremías 7:24

Palta ma'ix schaj eb' yab'i'. A yic eb', to caw pit xyutj sb'a eb', syiclni eb' sb'on tas tu xjaw 'a snab'en. Caw 'ix yixtj 'el sb'a eb', man̈x 'ic sna sb'a eb' jab'oc.

Jeremías 5:23

Ax tic, caw tu e nab'en, pit ex; in eyactj cani.

Jeremías 3:17

A 'a yic jun tiempoal cha, a Jerusalén 'oj 'ajxoc can sb'ic in despachooc an Jehová in tic. 'Oj syam sb'a smasnil nacion̈ 'a 'a, ax ya'n eb' 'emmquilal 'ayin. Man̈x 'oj yac' eb' 'ijxoc 'at sb'a yuj stu nab'enal.

Is 63:10

Palta yel xo wal pit xyutj sb'a eb' 'a Jehová, caw xyac' eb' cus Yespíritu to Cojxni. Yuj cha, x'och 'ajc'ojlal 'a eb', xya'n owl yet' eb'.

Salmos 36:4

A yic teln 'ec' eb' 'a sat sch'at, cojn maysch'olnil tzna eb'; mitz'tz'i yec' snab'en eb' sb'on tas tu'. Matz yal sc'ojl eb' tzyij 'el sb'a 'a maysch'olnil.

Dt 29:19

A yic tzlajw eyab'n tas tz'ajcn jun trato tic, jun 'aj tzeya'cn e ti', toq'ue 'ay junc mach 'a e cal tzyal wach'l sb'a, tznan 'ixtic: An tic, wach'xam tzin b'o maysch'olnil 'icha tas tzin nib'ej, palta wach' tz'aj 'el'ch smasnil tas tzin b'o'o, toto xchi. To 'ixta', atn jun chi tzlocn can cot pax 'a eyib'n̈ e masnil.

Gn 6:5

Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

Lc 13:34

Ax wal tic ex 'aj Jerusalén, caw tzlaj e mil cham eb' schecb' Dios. Ax jun tzo'n̈ xo eb' tzchecx cot yuj Dios 'ayex, ton̈j tzlaj e jul cham eb' yet' q'uen q'ue'en. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni. 'Ixta tzex wutej, palta toxn matz yal e c'ojol.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Pr 16:29

A junc mach tzcomn ma'wji, tzyixtj 'el eb' swach'c'ojol, ax 'a b'eyb'al man̈ tojloc, ata tzyij can 'at eb'.

Dt 31:27

Yujto wojtac, to ax tic caw wal pit ex, tenmtac ex. 'Aynto cob' 'ec' eyet'oc, palta 'in toxn to tenmtac tzeyutj e b'a 'a Jehová Dios, ¿ocxom wal yic 'oj in chami?

Dt 9:7

May wal b'a'n̈ tzeyac' sat 'a e c'ojol, chajtlto ax tic, 'ochnc ex 'ajc'ojlal 'a Jehová, yic 'ayn̈ec 'ec' 'a lum cusltac lu'um. Yictax on̈ 'eltec 'a Egipto masnto on̈ jawc 'a jun lugar tic, an̈j 'ijnoc pit tzeyutj e b'a 'a 'a.

Nm 15:39

sec ax yic 'oj eyilnc 'och yelwnub'l e pichl cha, ax e nan cot smasnil jun tzo'n̈ checnb'il xwalcn 'ayex. Tze b'eylb'ej, sec wach' man̈toc comnxoj tzex yijcan 'at e tu nab'enal, mto e nib'b'en 'a maysch'olnil, yujto a jun tzo'n̈ chi tzex jun 'eli.

Is 30:1

A Jehová a tzaln 'ixtic: 'Oltac wal eb' 'anma 'e'nc 'a yib'an̈, til wal tas tzna eb' sb'on 'a mun yol yico'. Matz yal eb' wab'i', tzcomn b'on eb' junc strato 'a mun yol yico', palta man̈oc in tzwac' sb'o eb', yuj ton wal cha, caw tzniwtj smul eb' 'a yib'an̈.

Is 30:9

A eb' in chon̈b' tic, caw 'e'nc eb' 'a yib'an̈, 'a'm 'es eb', matz nib'j eb' yab' in paxti an Jehová in tic.

Is 55:8

A Jehová a tzaln 'ayx 'ixtic: A tas nab'il wu'uj, man̈ lajnoc yet' tas tze na ax tic. A tas tzin b'o'o, man̈ lajnoc yet' tas tze b'o'o.

Is 66:3

'Ay mach yel xo wal yajb'entac tas tzb'eylb'ej, caw wal tzalj eb' sb'on jun tzo'n̈ tic: 'Ay mach tzmiln junc wacx xajmb'alil, ax 'a in sat 'icha to a junc 'anma tzmila; a mach tzmiln junc no calnelu xajmb'alil, ax 'a in sat 'icha to a junc no tz'i tzc'uychtej 'el sjaj; 'ay mach tz'a'n sat yawb'en ofrendail, ax 'a in sat 'icha to a schic'l junc chitm tzyac'a; 'ay pax mach tz'a'n tz'a jun tzon̈ incienso, 'icha to a 'a yechl junc comn dios 'aj tzyal sb'a.

Salmos 36:5

Ach xo Mamin Jehová, caw tzc'och a chamc'ojlal 'a satcha'an̈; ax a wach'il, may slajub'.

Is 66:4

Yuj cha, tox xin na'a tas yailal 'oj wac' jawc 'a yib'n̈ eb', a tas c'un xiw eb' yu'uj, a chi 'oj wac' jawc 'a yib'n̈ eb'. Yujto xcob' wawtc eb', palta ma'ix ta'w eb' 'ayin. In cob' 'awjoc 'a eb', palta ma'ix stz'ac eb' yab'i'; a tas matz in nib'ej, a chi sb'o eb', xchi Dios.

Jeremías 18:12

Ax yaln eb' 'aych 'ixtic: Man̈ extc a tiempo on̈ a tenn 'och wan 'a jun tzo'n̈ cha. Yujto an̈ tic, tzqui nib'j tzon̈ b'eyn̈j 'ixtic, junjn on̈, 'oj qui b'o tas maysch'olnil 'icha tznib'j qui c'ojol, 'oj schic eb' 'ayach, xchi 'ayin.