Is 65:10 - Chuj San Sebastian Bible

¹⁰ A eb' chon̈b' 'oj yic' 'ejm sb'a 'ayin, ata 'oj 'em tzicn scalnelu eb' swa 'a lum ya'lical Sarón, ax lum ya'lical Acor, ata 'oj wa swacx eb'.

Chuj San Mateo Bible

¹⁰ A d'a span̈anil lum Sarón, man̈xo jantacoc noc' calnel ol ajoc, axo d'a yac'lical chon̈ab' Acor ol va noc' vacax, aton noc' smolb'etzal noc' eb' in chon̈ab' tz'och ejmelal d'ayin.

Is 65:10 Referans Kwoze

Is 35:2

A lum culstac lum cha, 'oj nichnoc smasnil te te 'a sat lu'um, ax sb'itnax b'it 'a tzaljc'ojlal. A Dios 'oj b'onc yilx sat lum 'icha swach'l yilx lum Líbano. 'Oj yaxb'oc sat lum si'mb'il, 'icha lum jolm witz Carmelo; 'icha pax lum pan̈n 'a'lic 'a Sarón. Smasnil 'anma', 'oj yil eb' to caw niwn yel'ch Jehová qui Diosal.

Is 33:9

Caw wal xcus chan̈ lum lu'um, xjuw yilx lum Líbano, xq'uixw can 'el lu'um, yujto c'uxn xicx chan̈ ste'al. Ax lum pan̈n Sarón, 'ix 'ochcn lum cusltac lumal, 'ixta pax lum Basán yet' lum switzl Carmelo, caw wal x'elcn jitn eb' lu'um.

Os 2:15

'Oj wa'x can slum 'aj 'awb'il yuva, atn lum span̈nil yic b'ilc'ojlal, palta 'oj 'ochx can pan̈n yic yipc'ojlal. 'Ixta 'oj wutc cani, 'icha ya'jnac 'a b'ab'el yic yelt 'a Egipto. Ata 'oj ta'wc 'ayin 'icha junc 'ix cob's 'ix.

Is 51:1

A Jehová a 'ix aln eyuj 'ixtic: Ex tze nib'j b'ey e b'a 'a stojlal, ex to tze nib'j jawc e b'a 'ayin, macljec eyab' tas 'oj wala'. Tzcham wal e maclni eyila' 'aj cotnc eyin̈til, 'aj pax 'ay yin̈tl e mam eyicham.

A Tas Sc'ulejnac Eb' Schecab' Jesús Hechos 9:35

Ax eb' 'anma smasnil 'aj Lida yet' eb' 'aj Sarón, 'ix yiln eb' chajtlto xb'ox can winac. Yuj cha, 'ix sjeln eb' sb'eyb'al, 'ix ya'n 'och eb' snab'en 'a Cajlil.

1 Cr 5:16

Smasnil jun tzo'n̈ eb' cha, 'ix 'ec' cajn eb' 'a lum Galaad, 'a Basán yet' 'a yaldeail, yet' pax 'a smasnil 'aj wach' swa scajb'en noc' eb' 'a Sarón, masnto 'a smon̈jon eb'.

Is 55:6

'A'c 'och Jehová yipc e c'ojol, ya' sb'a chab'ilx to yu'uj, 'awjan̈c 'a 'a, ya' sb'a to la'nto yaj 'a e tz'ey.

Jeremías 33:12

A 'a jun lum lum sictac yajcn tic, man̈x 'a 'anma', man̈x 'a pax no noc' 'a sat smasnil. Palta ax 'oj 'ajoc, a 'a spatquil 'el jun tzo'n̈ chon̈b' tic, ata 'oj tan̈wxoc wa no calnelu yuj eb' yilmal jun 'ejm xo.

Jeremías 50:19

'Oj wi'x meltzjoc eb' israel 'a slum jun 'ejm xo. 'Oj sc'ux eb' smasnil tas wach' tzc'uxxi, atn tas tzpac' 'a lum Carmelo, yet' 'a Basán. 'Oj sc'ux eb' jantc tas tznib'ej, atn tas tzpac' 'a lum jolmctac witz 'a yol yic Efraín, yet' 'a Galaad.

1 Cr 27:29

A mach tz'iln no wacx 'a lum Sarón, atn Sitrai, 'aj Sarón cha. Ax mach tz'iln no wacx 'ay 'a lum pan̈n 'a'lic, atn Safat, yunnal Adlai.

Jeremías 29:13

An Jehová in, an tzwala to a yic 'oj e jaw 'ayin, 'oj in ch'ox in b'a 'ayex, yujto yet' wal smasnil e c'ojol, ax eya'n 'och e b'a 'a yol in c'ab'.