Is 63:7 - Chuj San Sebastian Bible

⁷ An tic tzin nib'j wal-l schamc'ojlal Jehová, tzin b'itnan smasnil tas sb'o cujec. Caw wal niwn swach'c'ojlal 'ayn̈ an̈ yin̈tl on̈ec can Israel tic. Til wal tas sb'o cujec, 'ix 'o'ch sc'ojol, caw niwn pax schamc'ojlal 'ayn̈ec.

Chuj San Mateo Bible

⁷ In gana svaleli jantac tzon̈ xajanej Jehová, tzin b'itan val jantac tas ix sc'ulej cuuj. Tzon̈ xajanej a on̈ yin̈tilal on̈ Israel tic. Jantac tas ix sc'ulej cuuj, ix oc'xi sc'ol d'ayon̈, yujto te xajan on̈ yuuj.

Is 63:7 Referans Kwoze

Ef 2:4

Palta a Dios, caw niwn x'o'ch sc'ojl 'ayn̈ec. Man̈x jantcoc schamc'ojlal 'ayn̈ec.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Ro 2:4

A Dios caw niwn swach'c'ojlal, caw 'ay sniwnc'ojlal. Man̈ comnoc tzcot yowal, palta tecn 'ayx may yel'ch jun tzo'n̈ tic 'a e sat. ¿Tom man̈ eyojcoc, to tzyac' niwnc'ojlal 'ayn̈ec, sec wach' tzqui nac qui b'a yu'uj?

Salmos 51:1

Caw 'ay a chamc'ojlal ach in Diosal, 'o'ch cab' wal a c'ojl 'ayin, suc sat in paltail.

A Ch'an̈ B'ab'el Libro Yic Yab'ixal Eb' Rey 8:66

Ax yic xlajw q'uin̈ cha, ax 'a junx c'u 'ix yaln can sb'a rey Salomón 'a eb' chon̈ab', ax eb' 'anma cha, 'ix yaln eb' wach' paxti 'a yib'n win rey. Xlajw cha, 'ix paxx can eb' 'a yatut 'a tzaljc'ojlal yuj smasnil tas wach' sb'o Jehová 'a David, atn jun schecab', yet' eb' israel, atn eb' schon̈ab'.

1 Ti 1:14

Caw niwn swach'c'ojlal Cajlil sch'ox 'ayin. Ya'jnac wa'ch in c'ojl 'a 'a, ya'jnac pax in chamc'ojlal, 'icha tzyutj ya'n 'ayn̈ junjn on̈, yujto junxn̈ej caj yet' Cristo Jesús.

Ro 5:20

'Ac'b'il can ley yic Moisés, yic tzwach' checlj 'el tas maysch'olnil. Wach'xam caw 'ix niwtj maysch'olnilal cha, palta ax swach'c'ojlal Dios, yel xo wal caw niwn yel'ch 'a yib'an̈.

Zacarías 9:17

Man̈x jantcoc swach'il, caw wal wach' yilx 'oj 'aj eb' 'aj chon̈b' cha. Yujto 'oj yac' sobra 'ixm trigo yet' yal uva, yuj cha, caw wal wach' 'oj 'aj sq'uib' eb' quelem, yet' eb' cob'es.

Os 2:19

Ach chon̈b' Israel, 'icha to 'oj ach wistzilc 'a jun 'ejmn̈ej yet' 'a stojlal, 'a 'icha wal sleyal, yujto 'oj ach in ya'iloc, ax ach in chamc'ojlani.

Lm 3:32

Wach'xam tzya'ch wal qui yailalec, palta tz'o'ch pax sc'ojl 'ayn̈ec, yujto caw wal niwn schamc'ojlal.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Is 54:8

'Ix cot wowl 'aych jun tiempoal, yuj cha, xin c'ub'n 'el in b'a 'ayach, palta yuj in chamc'ojlal 'aych 'a jun 'ejmn̈ej, yuj cha, 'ix 'o'ch pax in c'ojl 'ayach, an Jehová in a colmal waji.

Is 51:2

'Iltec nab'n e mam 'ichm Abraham yet' e nun chichm Sara. May yunnal eb', sch'ocj eb' schawn̈il yic xwawtn eb'. Palta xwac' in yaxilal 'a yib'n̈ eb', til wal x'aj sniwtj yin̈tl eb'.

Salmos 107:31

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Salmos 107:21

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Salmos 107:15

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Salmos 107:8

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Salmos 63:3

Yujto a 'a chamc'ojlal, yel xo wal niwn yel'ch 'a yib'n̈ in q'uinal. Yuj cha, 'oj ach in b'itnoc.

Nehemías 9:35

Palta ax wal x'aji, a 'a yol smacb'en eb' 'aj 'ix cani, til wal tas 'ix yac' slum eb', yujto caw 'ay syaxil sat lu'um, palta ma'ach yac' servil eb', ma'ix sjel eb' sb'eyb'al.

Nehemías 9:31

Palta yuj a niwquil chamc'ojlal ma'ix a satl eb'; ma'ix actjcan pax eb', yujto Dios ach, wach' a nab'en, tz'o'ch a c'ojol 'a eb'.

Nehemías 9:27

Yuj wal cha, 'ix a'n 'och eb' 'a yol sc'ab' eb' 'ajc'ojol, atn eb' chi x'ixtn eb'. Palta a yic wan yab'n eb' syal yixtx cha, x'awj eb' 'ayach, sc'ann eb' a colwal. Ach xo pax tic, 'aych 'ec' 'a satcha'an̈, yuj a niwquil chamc'ojlal, xa chaj ab' tas xyal eb'; achxo 'ix 'ac' eb' winc xwul colnc 'el eb' 'a yol sc'ab' eb' 'ajc'ojol.

Nehemías 9:25

An̈jtona', xyi'n pax eb' jun tzo'n̈ chon̈b' caw wach' yaj sb'o'i; yet' lum lum caw wach' tz'aj sb'a'al, yet' te n̈a to b'ut'n yet' tastc wach', eb' a c'ob'a', uva, olivo yet' jun tzo'n̈ xo te te tzyac' sat. 'Ix wa eb', caw 'ix b'ut'j eb', xb'a'chb'i eb' swa'i. Caw 'ix tzalj eb' yuj a wach'c'ojlal.

2 Cr 7:10

A yic 23 yoch yucl 'uj, ata xyalcn sb'a Salomón 'a eb' chon̈ab'. 'Ix paxcn eb' 'a yatut 'a tzaljc'ojlal. Caw wal tzalj eb' yuj swach'c'ojlal Jehová, 'icha yutjnac 'a David, 'a Salomón yet' 'a smasnil chon̈b' Israel.

Mt 7:11

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' 'a eb' eyunnal. Ax qui Mamc 'ayc' 'a satcha'an̈, yel xo wal niwn tas wach' tzyac' 'a eb' tzc'ann 'a 'a.

Ex 18:9

Caw 'ix tzalj Jetro chi yab'ni to 'ix colwj Dios yet' eb' israel cha, yic xcolx 'elt eb' 'a yol sc'ab' eb' 'aj Egipto.

Salmos 25:6

Mamin Jehová, na cot a chamc'ojlal yet' a wach'c'ojlal 'ayin, atn jun tox xa ch'ox 'ilxoc.

Salmos 92:2

A 'a junjn sq'uin̈b'ial yet' 'a junjn 'ac'wal, til wal sja'l caln 'el yab'xil a chamc'ojlal yet' 'a tojlal on̈.

Salmos 145:7

'Oj alxoc 'el yab'xil a wach'c'ojlal to caw niwan, caw 'ip 'oj alxoc 'eli to caw tojl a nab'en.

Is 26:13

Mamin Jehová qui Diosal ach on̈. Wach'xam 'ay jun tzo'n̈ xo ewin 'anma x'och qui yajliloc on̈, palta cojn ach tzach calch qui yajliloc ticnec.

Is 54:7

Ach wactjcan jun tiempoal, palta yuj in chamc'ojlal 'ayach, tzach in chan pax jun 'ejm xo.

Is 54:10

An Jehová in, caw yel tz'o'ch in c'ojl 'ayach. Wach'xam 'oj jelmjoc eb' lum niwc witz tic 'a yet'ul, ax scot eb' lum tzaln c'acpil, palta a 'in chamc'ojlal 'ayach, may b'a'n̈ tzjelmji, may pax b'a'n̈ 'oj in ju in trato b'ob'il wuj et'oc, yuj cha, 'ay junc'ojlal 'a qui cal, xchi Dios.

Is 64:5

Tzann̈j mach tzalji tzb'on tas 'icha tza nib'ej, nann̈ej yu'uj tzb'on a nib'b'en cha, caw wal chab'il o'oj. An̈ xo tic on̈, 'ix 'och wal qui mul 'ayach, ach owx 'och 'ayn̈ on̈, caw wal niwn xo tiempo xc'ojl yoch qui mul on̈, palta ¿tzam stac' to qui colchj on̈?

Salmos 103:2

Tzwal in wach' paxti 'a 'a, a swach'c'ojlal 'ayin, may b'a'n̈ 'oj 'at satc'ojlal wu'uj.