Is 62:8 - Chuj San Sebastian Bible

⁸ Yuj cha, yet' wal spoder Jehová xya'n can sti 'ixtic: Man̈x 'a wal b'a'n̈ 'oj wac' swa eb' 'ajc'ojl e trigo, ax wa'n yuc' eb' chuc chon̈b'al eyal uva tzeyij 'a e munljel.

Chuj San Mateo Bible

⁸ A Jehová toxo ix yac' sti', ol yaq'uelc'och tas ix yal chi' yuj spoder. Ix yalan icha tic: Man̈xa b'aq'uin̈ ol in cha svab'at e trigo eb' ajc'ool, man̈oc eb' ch'oc nacional ol uc'anb'at e vino, aton tastac tzeyic' d'a e munlajel.

Is 62:8 Referans Kwoze

Dt 28:33

A smasnil sb'al sat e lu'um, yet' sat smasnil eyawb'en, a eb' 'anma man̈ eyojcoc, a eb' 'oj c'uxnoc, 'oj eyab' wal syail, caw 'oltac 'oj eyaji.

Dt 28:31

Caw q'ueln ex wal 'ochi, ax smiln eb' 'ajc'ojl chi e wacax, palta ma'oj e chi jac schib'jal no cha. 'Oj 'ijxoc 'ec' e b'uru, palta man̈x 'oj 'ajxoc meltzjoc no'. 'Oj smacb't eb' e calnelu, palta man̈x 'a mach 'oj stac' scoln 'el e no eyet'oc.

Ez 20:5

Al yab' eb' to an Jehová Yajl in, an tzwal 'ixtic: A yic in si'n can 'el win Israel, 'ix wa'n can in ti 'a eb' yin̈til, yic in paxtin yet' eb' 'a Egipto. Ata 'ix walcn 'a eb', to an Jehová in, an ton sDiosal in eb'.

Jeremías 5:17

'Oj sc'ux 'ejm eb' sat smasnil eyawb'en, yet' tas tze c'uxu. 'Oj smil eb' eyunnal yet' eb' eyisil. 'Oj schi 'ejm eb' e no e calnelu yet' e no e wacax. 'Oj slo 'ejm eb' sat eyuva yet' e higo. Ax syamc'ab' eb' yic owal, a 'oj yac' eb' ma'nc 'ejm lan̈chjoc e chon̈b' 'aych smuroal, jun to 'aych yipc e c'ojol, xchi Dios.

Is 1:7

A qui nacion̈ec tic, tox xcan 'a cusltaquil, 'ayx 'och sc'a'l qui chon̈b'ec. Ax smasnil sat cawb'enec, q'ueln on̈ wal 'ochi sc'uxn eb' chuc chon̈b'al. Xlajw can 'ejm smasnil yuj eb', cusltac xoj yilx x'ajcni.

Dt 32:40

Tzwij chan̈ in c'ab', tzwa'n in ti to 'aynn̈ej 'ec' 'a jun 'ejmn̈ej.

Lv 26:16

an̈jtona 'in, 'oj in na', tas 'oj ex wutoc. 'Oj wa' cot xiwc'ojlal 'a eyib'an̈. 'Oj cot owya yab'il 'a e cal. C'a'lyab'il, 'oj 'och 'a e sat. 'Oj e tz'onb' cha'an̈, ax yel yip e niwnal. 'Oj cob' e b'o e munljel, palta ax eb' 'ajc'ojl 'oj molnoc sat smasnil eyawb'en cha.

Is 45:23

Mun tzin loc in b'i, yic tzwa'n in ti', to yel tas tzwala, ma'oj in jel in paxti'. 'Oj 'em cumn smasnil 'anma 'a wojltac, ax ya'n eb' sti 'ayn smasnil.

Is 54:9

'Icha wal wutjnac wa'n in ti 'a win Noé yic ya'n owl yaxn̈ab', sec man̈x 'oj yac' jun chi jun 'ejm xo, 'ixta pax tzwutj wa'n in ti 'aych ticnec. Man̈x 'oj cot wowl 'ayach, man̈x 'oj ach in tumoc.

Is 55:2

¿Tas yuj tze comn lajj e tumn 'a tas to matz c'uxxi? ¿Tas yuj tze comn lajj e tumn 'a tas to matz b'ut'j e c'ojl yu'uj? Tzcham wal eyab'n tas 'oj wal 'ayex: Toto yiclum tzeyutj e b'a 'ayin, 'oj wac' e c'ux tas wach', 'oj e b'ut'j wal si'mb'il.

Dt 28:30

'Oj eyac' e ti cob' e nupn yet' junc 'ix 'ix, palta chucx win 'oj way yet' 'ix. 'Oj cob' e b'o eyatut, palta ma'oj e caja'. 'Oj cob' e b'o e munljel, palta ma'oj e c'ux sat eyawb'en cha.

Is 59:16

Caw wal tzsat sc'ojl yiln tz'aj eb' 'anma yixtxi, yujto man̈x 'a mach wach' scoln eb'. Yuj cha, xya'n 'och sb'a scoln eb' yet' spoder, xya'n ganar scoln 'el eb' 'a stojlal.

Jeremías 31:5

Ax eyawn pax e uva jun 'ejm xo 'a lum tzalctac 'a yol yic Samaria. A mach 'oj 'awnc uva cha, 'oj yac' tzaljoc sc'ojl yet' sat te'.

Am 9:14

yujto 'oj wi'x cot eb' in chon̈b' 'a 'aj 'aycn 'at 'icha presoal, ax sb'on pax chan̈ eb' schon̈b' lan̈chjnac 'ejmi. 'Oj canx cajn eb' 'a 'a, 'oj yawc eb' te uva, ax yu'n eb' yalil te'. 'Oj yawc eb' yawb'ente', ax slon eb' sat te'.