Is 62:2 - Chuj San Sebastian Bible

² 'Oj yil smasnil nacion̈ jun e wach'l cha, 'oj yil smasnil eb' rey tas 'oj 'aj yijx chan̈ e b'i. Yujto a junx 'ac' b'i 'oj 'ajxoc 'och 'ayex. A Jehová, caw a 'oj 'a'nc jun b'i cha.

Chuj San Mateo Bible

² Masanil nación ol och q'uelan yilan e tojolal. Masanil eb' rey, ol och q'uelan eb' yilan snivanil eyelc'ochi. Yuj chi' ol ac'chajoch junxo eyac' b'i. A in Jehová in tic ol vac'ochi.

Is 62:2 Referans Kwoze

Is 62:12

A eb' israel, 'oj alxoc yuj eb', to Schon̈b' Dios eb', atn smasnil eb' tzcolx 'el yuj Jehová; ax yaln eb' 'anma yuj chon̈b' Jerusalén, To Caw Nib'b'il Jun Chon̈b' cha. Man̈x 'Actb'ilc Cani, 'ixta 'oj sb'ic yuj eb' 'anma cha.

Gn 17:5

Man̈x Abram 'oj a b'i'oc, palta Abraham 'oj a b'i'oc, yujto niwn nacion̈ 'oj ach wa'ch smam 'ichmoc.

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.

Is 66:12

An Jehová in, an tzwal 'ixtic: 'Oj wac' 'ejm junc'ojlal 'a scal eb' 'anma 'a jun chon̈b' tic. A jun cha, lajn wal 'icha junc a b'eymal a'. 'Oj jawc secnjoc yaxil 'a eyib'an̈, atn sricoal jun tzo'n̈ nacion̈ 'a b'esan. A eb' 'oj eya'n servil, 'icha junc tz'ulc 'unn tz'ajx chuwoc, mec'b'il yuj snun caw wal nib'b'il, 'ixta 'oj eyaji.

Is 65:15

A eb' sic'b'il 'el wu'uj, 'oj sc'anlb'oc eb' e b'i yic tzcatb'an eb' junc xo 'anma', an Jehová in, an 'oj ex wac' milxoc chamoc. Palta ax eb' in checab', 'oj in jel-l sb'i eb', 'oj wac' junx 'ac' b'i 'a eb'.

Is 49:23

A ewin rey, a ewin 'oj c'uytzanc eb' one cha, ax eb' 'ix reina a eb' 'ix 'oj cuchnb'eyc'oc eb'. A eb' rey cha, 'oj yic' 'ejm sb'a eb' 'ayach. Ata 'oj nachjoc 'el o'oj, chajtlto an ton Jehová in. A eb' tzin 'a'n 'och 'a sc'ojol, ma'oj can eb' 'a q'uixwc'ojlal, xchi Dios.

Gn 17:15

Xyaln pax Dios 'a Abraham 'ixtic: —Ticnec yet' 'a ojltac b'aq'uin̈, man̈xtoc Sarai 'oj sb'ic 'ix estzil tic, palta Sara 'oj sb'ic can 'ix.

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

A Tas Sc'ulejnac Eb' Schecab' Jesús Hechos 11:26

Ata x'ec' eb' jun ab'il 'a scal eb' creyente ta'. Til wal mach x'ec' laj scuy eb'. A 'a jun chon̈b' cha, ata xpitzw junx sb'i eb' creyente, 'ix 'ajx sb'ic eb' cristiano.

Is 66:19

'Ay jun senya 'oj in ch'ox yil eb', 'oj wac' 'elcn jaywn̈oc eb' 'a scal owl cha, ax in checn can 'at eb' 'a jun tzo'n̈ nacion̈ tic: 'Ay eb' 'oj c'och 'a Tarsis, 'a Libia, 'a Lidia, atn jun chon̈b' chi 'aj caw jeln eb' 'anma sjulwji. 'Ay pax eb' 'oj c'och 'a Tubal, 'a Grecia yet' 'a jun tzo'n̈ chon̈b' 'ay 'a sti a mar. A eb' 'anma cha, may 'aj tzyab' eb' in b'inaxi, may pax 'aj tzyil eb' in poder. A 'a jun tzo'n̈ nacion̈ xwal tic, ata 'oj wac' yal-l eb' 'anma chi wab'xil.

Is 61:9

Caw wal 'oj b'inaxc eb' eyin̈tl 'a scal jun tzo'n̈ xo nacion̈ b'aq'uin̈, ax smasnil 'anma 'oj 'ilnoc 'och eb', 'oj nachjoc 'el yuj eb' chajtlto an Jehová in, an tzwac' in wach'c'ojlal 'a eyib'an̈, xchi Dios.

Is 52:10

A Jehová, tox 'ix sch'ox spoder yil smasnil nacion̈. 'Oj yojcoc 'el smasnil 'anma 'a yolyib'n̈q'uinl tic, chajtlto a Dios on̈ colnec 'eli.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Jeremías 33:16

A 'a yic jun tiempoal cha, a eb' 'aj Judá 'oj colchjoc can 'el eb', ax eb' 'aj Jerusalén, man̈x 'a tas 'oj 'i'noc eb'. Atn jun b'i tic 'oj 'ajxoc 'a eb' 'ixtic: A Jehová Tzon̈ B'onyajec 'A Stojlal, xchi.

Is 60:16

Ax eb' nacion̈ cha, 'oj yac' eb' tas wach' 'oj e c'uxu'. 'Oj ex yac' servil eb' rey yet' tas wach' 'ay 'a 'a, 'icha tzyutj junc 'ix nunb'il ya'n chuw yune'. 'Ixta 'oj ex yutc eb' rey chi ex ya'n servil, ax eyojcan 'eli, to an Jehová in, e Diosal in to tztac' wuj smasnil, e Colmal pax waji.

A Scarta San Pablo D'a Eb' Aj Colosas 1:23

Palta yowlal tzeya'ch 'a e c'ojl 'a smasnil tiempo. Caw te'n tzeyutj e nab'en, 'icha junc te caw 'ay sch'an̈l yib'. A jun wach' 'ab'x yic colnb'il eyab'jnac xo, man̈ eyactc can eya'n 'och yipc e c'ojol. A jun wach' 'ab'x tic, wan yalx 'el 'a smasnil yolyib'n̈q'uinl tic. An xo Pablo in tic, wan waln 'el pax jun xo.

A Tas Sc'ulejnac Eb' Schecab' Jesús Hechos 26:23

Tzwaln 'eli chajtlto a Cristo yowlal xyab' syail, 'ix chami. Xlajw schami, 'ix b'ab'l pitzw pax 'a scal eb' chamnac. 'Ixta b'i'an, ax yaln 'el yab'xil colnb'il 'a eb' quit chon̈b'ec, yet' 'a eb' 'anma smasnil, xchi Pablo.

A Tas Sc'ulejnac Eb' Schecab' Jesús Hechos 9:15

Palta xyaln pax Cajlil chi 'ixtic: —'Ixic, yujto a Saulo cha, sic'b'il 'el wu'uj, sec wach' 'oj yal-l wab'xil 'a scal eb' man̈ israeloc, yet' 'a sat eb' rey, yet' pax 'a scal eb' yit israelal.

Is 60:11

A spuertail e chon̈ab', jacnn̈ej ax yec' c'u, ax yec' 'ac'wal. Ma'oj macchjoc sec wach' yijx cot eb' sreyl jun tzo'n̈ nacion̈ chi 'ayx yet' sricoal.

Apoc 3:12

A eb' 'oj 'a'nc ganar ya'n techjoc, 'icha jun tzo'n̈ yoyl yatut in Diosal 'a yojol, 'ixta 'oj 'aj eb' wu'uj, yujto man̈x 'a b'a'n̈ 'oj 'eltc eb' ta'. 'Oj in tz'ib'c 'och sb'i in Diosal 'a eb', yet' sb'i schon̈ab', atn jun 'ac' Jerusalén 'oj 'emtc 'a satcha'an̈, 'a 'aj 'ayc' in Diosal cha. An̈jtona', 'oj in tz'ib'c pax 'och jun b'i 'a't 'a eb'.

Salmos 98:2

'Ix yac' 'ojcaxc 'eli to Colwjum, 'ix sch'ox yil jun tzo'n̈ niwc nacion̈, to tojl tzyutj sb'onyaj junc tas.

Is 1:26

Ax wa'n pax 'och eb' juez tojl snab'en 'a e cal jun 'ejm xo, yet' eb' 'a'm nab'en yaj 'a e cal 'icha xon eyaj 'a yic pecti'. Ax yajx sb'ic jun chon̈b' tic, Tojol, Yiclum.

Is 26:2

Jacw cab' spuertail jun chon̈b' cha, to 'oj 'och jun nacion̈al eb' 'anma tojl snab'en 'a yojol, atn eb' yiclumn̈ej 'a Dios.

Is 43:7

Atn smasnil eb' wico', an in pitzjnac 'el eb', in b'on eb', yuj yi'nb'ilc chan̈ in b'i, 'oj in chioc.

Is 56:5

toto 'ixta', 'oj wac' in wach'c'ojlal 'a eb'. 'Ay jun tas niwn yel'ch 'oj wac' 'a eb', 'ec'b'al yel'ch 'a yib'n̈ to 'ay yunnal eb', mto 'ay yisl eb'; a jun cha, may b'a'n̈ 'oj 'och wan sb'inax eb' 'a yol watut yu'uj, yet' 'a scal eb' in chon̈ab'. A jun sb'i eb' cha, may b'a'n̈ 'oj sat 'ejm yalxi, 'oj alxn̈ej 'a smasnil tiempo.

Is 66:11

Yujto lajn 'icha junc 'ix nunb'il tzmontj yune'; a tzex montni, tzya'n sniwnal e c'ojol, masnto tzjawcn e tzaljc'ojlal yu'uj.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Is 61:11

Yujto 'icha wal tz'aj spac' q'uet junc 'in̈t 'a yol lu'um, mto 'icha tz'aj sq'uel swol junc 'awb'ente', 'ixta 'oj yutc Jehová ya'n checljoc chan̈ stojlal, sec tzalx wach' paxti yuj eb' nacion̈ 'a 'a.