Is 61:4 - Chuj San Sebastian Bible

⁴ 'Oj scha b'oc pax chan̈ eb' jun tzo'n̈ schon̈b' satnc can 'ejmi, ax sb'on eb' sjel jun tzo'n̈ n̈a lan̈chjnac can 'ejm 'a yic pecti cha.

Chuj San Mateo Bible

⁴ A juntzan̈ chon̈ab' satnaqueli, ol sb'oxiq'ue eb', ol sb'oanpaxq'ue juntzan̈ pat eb' mac'b'ilem lan̈naj d'a peca'.

Is 61:4 Referans Kwoze

Is 58:12

'Oj e b'ox chan̈ e chon̈b' 'a yet'l 'aj lan̈chjnac can 'ejmi. 'Oj eya'x 'ejm 'a yib'n̈ yipnub'al yich b'ob'il can xon 'a yic pecti'. Ax yalx eyu'uj, to b'om ex pax smuroal chon̈ab', b'om ex pax n̈a lan̈chjnac 'ejmi.

Salmos 46:8

Cotn̈ec, wul 'iltec wal satjub'tacl x'aj slajw 'el eb' chon̈b' 'a sat lum tic.

Salmos 74:3

Cotan̈, wul 'ilt jun tzo'n̈ xjuw can 'el 'a jun 'ejmn̈ej tic; a eb' 'ajc'ojl 'ix ma'n can juwc smasnil tas 'ay 'a yol a cajnub'.

Is 52:9

Ex 'aj Jerusalén to lan̈chjnac can 'ejm e chon̈ab', 'el cab' eyaw e b'itn yuj tzaljc'ojlal, yujto a Jehová 'ix 'o'ch sc'ojl 'a schon̈b' tic, yuj cha, ex colx 'elt yu'uj.

Zacarías 1:17

An̈jtona', 'ix yaln pax jun ángel chi 'ayn 'ixtic: Al-l jun tzo'n̈ xo tic: A Jehová tztac' yuj smasnil, a tzaln 'ixtic: 'Oj wi'x chan̈ eb' in chon̈b' tic yet' wach'ilal. 'Oj in niwnc'ojloc Sión jun 'ejm xo. An Jehová in, 'oj wal-l jun 'ejm xo, chajtlto a Jerusalén tic, in chon̈b' to sic'b'il 'el wu'uj, xchi Dios, xchi jun ángel cha.

Esdras 9:9

Wach'xam mosoal caji, palta ma'on̈ actjcan on̈. Ach qui Diosal on̈, 'ix a ch'ox a chamc'ojlal 'a q'uib'n̈ 'a sat eb' sreyl Persia. 'Ix 'ac' qui tzatzl on̈ yic tzqui b'on pax sjel atut 'aj pojnc 'ejmi, ach on̈ a tan̈wj 'a Judá yet' 'a Jerusalén tic on̈.

Miqueas 7:11

Ex 'aj Jerusalén, jab'xoj sjaw sc'ul e b'on pax chan̈ smuroal e chon̈b' jun 'ejm xo; caw 'oj lewnb'oc pax e macb'en.