Is 61:2 - Chuj San Sebastian Bible

² Tzwaln 'eli, to tox xjaw sc'ul yajx colnb'il tzyac' Jehová, xjaw sc'ul ya'n Dios spac 'a eb' 'ajc'ojol. Checb'iln cot yu'uj, yic tzwul wa'nc sniwnal sc'ojl eb' 'ay scusc'ojlal.

Chuj San Mateo Bible

² Svalanpaxeli to ix ja sc'ual co colchaj yuj Jehová co Diosal, sc'ual pax yac'anec' co pac d'a eb' cajc'ool. Ix in checjicoti yic svac'an snivanil sc'ol eb' cusc'olal yaji.

Is 61:2 Referans Kwoze

Mt 5:4

A eb' tzcus yuj smul, caw wach' yic eb', yujto 'oj 'ajxc sniwnc'ojlal eb' yuj Dios.

Is 34:8

Atn wal 'a jun c'ul chi 'oj yac' Jehová spac 'a eb' 'aj Edom. A 'a jun ab'il chi 'oj yi'cn 'el yowl sc'ojl yuj tas x'aj chon̈b' Sión yuj eb'.

Is 57:18

Xcham wal woch q'ueln 'a sb'eyb'al eb', palta 'oj wan̈tc eb', ax wa'n 'iljoc eb'. 'Oj wac' pax stzaljc'ojlal eb' si'mb'il, ax wa'n sniwnal sc'ojl eb' in chon̈b' 'ay scusc'ojlal yuj smul.

Lc 4:19

An̈jtona', tzwul walnc 'eli, chajtlto xjaw stiempoal jun colnb'il tzyac' Cajlil, xchi Ch'an̈ Un̈ xyawtj 'elt Jesús 'a yojltac eb'.

1 Ts 2:16

A yic tzcaln 'el 'ab'x 'a eb' man̈ israeloc on̈, sec tzcolchj eb', palta ax eb' israel, caw matz chaj eb' cal-l on̈. Yuj cha, yel xo wal tzwach' niwtj smul eb' 'a Dios. Yuj cha, a ticnec tox xya'ch jun niwn yailal 'a yib'n̈ eb' 'a jun 'ejmn̈ej yuj yowl sc'ojol.

Jeremías 31:13

Caw 'oj b'atjoc chan̈ eb' 'ix cob'stac yuj tzaljc'ojlal. 'Oj tzaljoc pax chan̈ eb' quelmtac, yet' pax eb' 'ichmtac winac. An 'oj wac' sniwnal sc'ojl eb', 'oj meltzjoc 'och scusc'ojlal eb' 'a tzaljc'ojlal, yel xo niwn stzaljc'ojlal eb' 'oj wac' 'a yib'n̈ jun tzo'n̈ yailal 'ix laj yil eb'.

Is 25:8

'Oj satl Jehová chaml 'a jun 'ejmn̈ej, ax sucn 'el yal sat smasnil eb' 'anma'. 'Oj satl pax sq'uixwel eb' schon̈b' 'a smasnil yolyib'n̈q'uinl tic, yujto 'ixta yaj yaln cani.

Jeremías 46:10

Palta atn jun c'u tic wic an Jehová in, tztac' wuj smasnil. A wal 'a jun c'u tic 'oj in pac in b'a 'a eb' 'ajc'ojl yajch 'ayin. A q'uen espada 'oj 'a'nc lajwc eb' smasnil, masnto 'oj pimb'oc 'el q'uen yet' chic', yujto caw niwn eb' soldado 'oj in mil cham 'a stojlal norte 'a stz'ey a niwn a Éufrates.

Is 66:14

A yic 'oj eyilnc jun cha, caw 'oj e tzalj cha'an̈. 'Oj 'ochx eyip jun 'ejm xo. Caw tz'unnan yilx e niwnal 'icha tzyac' te 'unn c'ultac. Yujto 'oj sch'ox Jehová spoder 'a scal eb' schecab', ax yowl sc'ojol, ata 'oj ya'cn 'at 'a scal eb' 'ajc'ojl yajch 'a 'a.

Is 49:8

A Jehová a tzaln 'ixtic: 'Ix c'och stiempoal in ch'oxn in wach'c'ojlal, yic tzin pacn tas tza c'an 'ayin. Xc'och stiempoal wa'n a colnb'il, yuj a'n 'el'choc in trato yet' eb' in chon̈ab'. Tza b'on pax in chon̈b' 'a 'icha xon yaji, sec wach' tzyij pax eb' israel chi smacl 'a lum lum sictac 'ajnc can sat.

Is 35:4

Alc 'ixtc 'a eb' chab'c'ojlal yaji: Te'wtzejc e b'a, man̈ ex xiwoc, yaj qui Diosalec 'a tic, a 'oj qui colnec 'eli, ax eb' 'ajc'ojl yajch 'ayn̈ec, 'oj 'ajxoc 'och syailal eb' 'a 'icha wal smoj schani, xe chi.

Lc 6:21

Ax 'ay e wejl ticnec, caw wach' eyico', yujto 'oj e b'ut'ji. —Ax tzex 'oc' ticnec, caw wach' eyico', yujto 'oj e tzewji.

2 Co 6:2

Yujto a tzaln 'ixtc 'a Ch'an̈ U'un̈: Xc'och stiempoal in ch'oxn in wach'c'ojlal yic tzin pacn tas tza c'an 'ayin. Xc'och stiempoal wa'n a colnb'il, xchi Dios. A ticnec, tox 'ix jaw jun tiempoal wach' yaljnac tic. Tox 'ix jaw stiempoal tz'ajx qui colnb'ilec ticnec.

Is 1:24

Yuj cha, an Jehová in tztac' wuj smasnil, Syajlil in chon̈b' Israel, an tzwal 'ixtic: Ax xo 'ajc'ojl eyajch 'ayin. Wal in b'on yaj in b'a eyet' tic, 'oj in pac in b'a 'ayex.

Is 2:12

A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;

Is 13:6

C'uyyoc cab' yel eyaw, yujto jab'xoj wal sc'och sc'ul sjaw yowl sc'ojl Jehová 'a eyib'an̈, atn jun tztac' yuj smasnil, a tz'a'n cot jun yailal cha.

Is 34:2

Yujto a Jehová caw 'ay cot yowl 'a jun tzo'n̈ xo nacion̈, yet' 'a smasnil eb' soldado. Tox 'ix snalb'ej satn 'el eb', ax scham eb' smasnil.

Is 40:1

A Jehová qui Diosalec, a tzaln 'ixtic: 'Ac' sniwnal sc'ojl eb' in chon̈ab'.

Is 58:5

A jun tzeyal c'ajb'c'ojlal cha, to tzeya'ch e b'a 'a cusc'ojlal, tz'em pacn e jaj 'icha eb' te 'aj, tzlaj ex 'ec' c'otn yet' e n̈achtac pichl 'a yib'n̈ stan̈il c'ac'. Atn jun chi tzeyal cob' c'ajb'c'ojlal, tzeyaln paxi to chab'il ex wuj yet' jun e nab'en cha.

Is 60:10

A eb' chuc chon̈b'al, a eb' 'oj b'onc pax smuroal e chon̈b' jun 'ejm xo, ax eb' sreyl eb', a eb' 'oj 'och eya'malc servil. Wach'xam yuj yowl in c'ojol, 'ix wa'n 'och eyailal, palta ax ticnec, yuj swach'l in nab'en, tz'o'ch pax in c'ojl 'ayex.

Miqueas 3:8

An xo pax an tic, 'aych Yespíritu Jehová 'ayin, a tz'a'n wip, tzya'n wojcoc 'aj 'ay tojlal. Yuj wal cha, caw tzin te'wtzej in b'a waln 'och jantc smul eb' wit israelal 'a sat.

Is 51:12

Yuj cha, yaln Jehová eyuj 'ixtic: An ton tic, an tzwac' sniwnal e c'ojol. ¿Mach to wal junc 'aj 'oj e xiwi? ¿Tom 'oj e xiw yuj eb' 'anma to yic chaml yaji, yujto lajn eb' 'icha te 'unn c'ultac?