Is 60:5 - Chuj San Sebastian Bible

⁵ A yic 'oj eyilnc to 'ixta 'oj 'aj jun tzo'n̈ cha, caw 'oj jawc e tzaljc'ojlal. 'Oj niwtjoc chan̈ tzaljc'ojlal 'a e cal. 'Oj laj yi' cot eb' nacion̈ sricoal, ax wul ya'nc eb' 'ayex, ax eb' cajn 'a sla'nil sti a mar, 'oj yi' cot pax eb' yico'.

Chuj San Mateo Bible

⁵ Ayic ol eyilan icha chi', ol ex q'ue jucnaj e tzalaji, ol ex te tzalaj val. Yujto ol laj yic'cot sb'eyumal juntzan̈ nación ay d'a sc'axepal a' mar, ol ul yac'ancan eb' d'ayex.

Is 60:5 Referans Kwoze

Is 61:6

Ax yaln eb' 'anma eyu'uj, to ya'mal 'och sti eb' 'anma chi eyaj 'a Jehová, schecb' ex Dios. A tas 'ay 'a jun tzo'n̈ xo nacion̈, a chi 'oj tzaljoc e c'ojl e c'uxni, ax tas wach' yilx 'ay 'a eb', a chi 'oj e c'anlb'oc, sec 'oj e b'inaxi.

Is 23:18

Palta a jantc tas 'oj yac' ganar eb', 'oj 'ochcn yico'oc Jehová, may tas ton̈j 'oj molxoc, to 'oj 'ajxoc 'a eb' tz'a'n servil Jehová, yic wach' niwn tas tzman eb' sc'uxu', tzmann pax eb' spichl to caw wal wach'.

A Tas Sc'ulejnac Eb' Schecab' Jesús Hechos 11:17

A Dios 'ix yac' Yespíritu 'a eb', 'icha xyutj ya'n 'ayn̈ec, yic ca'nec 'och Cajlil Jesucristo 'a qui c'ojol. Yuj cha, ¿tom 'oj stac' in tenn 'och wan tas tzb'o Dios? xchi Pedro 'a eb'.

A Tas Sc'ulejnac Eb' Schecab' Jesús Hechos 10:45

Ax eb' creyente israel ajun yet' Pedro cha, caw 'ix sat sc'ojl eb', yujto xyac' pax Dios Yespíritu 'a eb' man̈ israeloc.

A Ch'an̈ B'ab'el Libro Samuel 2:1

'Ix leslwi 'ix Ana 'ixtic: ¡Mamin Jehová, caw wal tzalj in c'ojol! Ach 'ix ac' wip, yuj cha, tzin tzalj 'ayach. Tzax stac' waln 'a eb' 'ajc'ojl yajch 'ayin, to ach colwj wet'oc.

Ro 15:26

Yujto a eb' 'aj Macedonia yet' eb' 'aj Acaya, x'el 'a sc'ojl eb', xyij chan̈ eb' jun ofrenda yic tz'at 'a eb' creyente meb'a 'ay 'a Jerusalén.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

A Tas Sc'ulejnac Eb' Schecab' Jesús Hechos 24:17

'Ayxm sjayloc ab'il man̈ in 'ayc 'ec' 'a Jerusalén. Yuj cha, in c'ochx jun 'ejm xo, yic tzin colwj 'a eb' meb'a', tzwa'n pax jac in siylab' 'a Dios.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Is 60:11

A spuertail e chon̈ab', jacnn̈ej ax yec' c'u, ax yec' 'ac'wal. Ma'oj macchjoc sec wach' yijx cot eb' sreyl jun tzo'n̈ nacion̈ chi 'ayx yet' sricoal.

Is 54:2

'Oj lewnb'oc smantiado 'aj cajan, ma'oj xiw snitzn 'a junjn stitac. 'Oj snitz sch'an̈il, ax sma'n tzatzb'oc yistacail 'aj 'aych sch'an̈l cha,

Salmos 34:5

A eb' tzya'ch sc'ojl 'a 'a, caw tzalj eb', may pax b'a'n̈ 'oj can eb' 'a q'uixwc'ojlal yu'uj.

Apoc 21:26

Ax eb' 'anma 'a junjn nacion̈ 'oj c'och eb' ta', 'oj laj yi't eb' sricoal siylab'oc ta'.

2 Co 10:15

May 'aj tzquij chan̈ qui b'a 'a spatc smunljel junc xo mach on̈. Matz cal quico'oc on̈. Palta tzca'ch junx tic yipc qui c'ojl on̈, a yic 'oj e wach' 'a'c 'och e c'ojl 'a Dios. Ata 'oj stac' qui wach' munlj 'a e cal on̈. Palta ma'oj qui c'axw 'ec' 'a junc xo lugar on̈.

Apoc 21:24

Ax eb' 'anma 'a junjn nacion̈, 'oj b'eyc' eb' 'a scal sacq'uinl 'ay 'a jun chon̈b' cha. Ax eb' niwc yajl 'a yolyib'n̈q'uinal, 'oj c'och eb' ta'. 'Oj yi't eb' sricoal siylab'oc.

Dt 33:19

Tzeyawtj cot smasnil eb' nacion̈ 'a jolmctac witz, tzeya'n jun tzo'n̈ xajmb'al 'a Jehová, atn jun tzo'n̈ caw tzalj yet'oc. Tzeya'n tzaljoc e c'ojl yet' sricoal a mar, yet' pax syaxilal sti a', jun tzo'n̈ to man̈ checloc yaji, xchi.

Salmos 119:32

'Oj wac' 'ip in b'eylb'an jun tzo'n̈ a checnb'il tic, yujto tzac' wal in tzaljc'ojlal.

Is 66:12

An Jehová in, an tzwal 'ixtic: 'Oj wac' 'ejm junc'ojlal 'a scal eb' 'anma 'a jun chon̈b' tic. A jun cha, lajn wal 'icha junc a b'eymal a'. 'Oj jawc secnjoc yaxil 'a eyib'an̈, atn sricoal jun tzo'n̈ nacion̈ 'a b'esan. A eb' 'oj eya'n servil, 'icha junc tz'ulc 'unn tz'ajx chuwoc, mec'b'il yuj snun caw wal nib'b'il, 'ixta 'oj eyaji.

Mt 25:16

Ax win moso xchan o'e talento cha, 'ix yac' win snegocio yet' q'ue'en; 'ix ya'n ganar win o'e xo.