Is 60:10 - Chuj San Sebastian Bible

¹⁰ A eb' chuc chon̈b'al, a eb' 'oj b'onc pax smuroal e chon̈b' jun 'ejm xo, ax eb' sreyl eb', a eb' 'oj 'och eya'malc servil. Wach'xam yuj yowl in c'ojol, 'ix wa'n 'och eyailal, palta ax ticnec, yuj swach'l in nab'en, tz'o'ch pax in c'ojl 'ayex.

Chuj San Mateo Bible

¹⁰ A eb' ch'oc nacional, a eb' ol b'oanxiq'ue smuroal e chon̈ab', axo eb' sreyal eb' ol ex ac'an servil. Vach'chom yuj yoval in c'ool ix vac'och eyaelal, axo ticnaic, yuj in vach'c'olal tz'oc'xi in c'ol d'ayex.

Is 60:10 Referans Kwoze

Is 61:5

A eb' chuc chon̈b'al, a eb' 'oj 'och yilmalc e calnelu, 'oj 'och eb' e mosooc, ax stan̈wni eb' eyawb'en uva.

Is 49:23

A ewin rey, a ewin 'oj c'uytzanc eb' one cha, ax eb' 'ix reina a eb' 'ix 'oj cuchnb'eyc'oc eb'. A eb' rey cha, 'oj yic' 'ejm sb'a eb' 'ayach. Ata 'oj nachjoc 'el o'oj, chajtlto an ton Jehová in. A eb' tzin 'a'n 'och 'a sc'ojol, ma'oj can eb' 'a q'uixwc'ojlal, xchi Dios.

Apoc 21:26

Ax eb' 'anma 'a junjn nacion̈ 'oj c'och eb' ta', 'oj laj yi't eb' sricoal siylab'oc ta'.

Apoc 21:24

Ax eb' 'anma 'a junjn nacion̈, 'oj b'eyc' eb' 'a scal sacq'uinl 'ay 'a jun chon̈b' cha. Ax eb' niwc yajl 'a yolyib'n̈q'uinal, 'oj c'och eb' ta'. 'Oj yi't eb' sricoal siylab'oc.

Zacarías 6:15

'Oj cot eb' 'anma 'a najat, yic tzcolwj eb' wul sb'onc sjel yatut Jehová eyet'oc. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a 'in checn cot wul wal 'ayex. A jun tic, 'oj 'el'choc, toto 'oj e cha eyab'i', ax eyiclni tas tzyal Jehová qui Diosalec.

Is 60:3

A jun tzo'n̈ nacion̈ cha, 'oj jawc eb' 'ayx yuj jun sacq'uinl cha, ax eb' rey, 'oj jawc eb' 'ayx yuj in tzictznil 'oj checljoc chan̈ 'a e cal.

Is 12:1

A 'a jun tiempoal cha, ata 'oj eyal 'ixtic: Mamin Jehová, tzcal yuj diosal 'aych on̈; wach'xam xcot wal yowl 'a c'ojl 'a quib'n̈ on̈, ax ticnec tox x'ec' jun cha, to wan a'n pax sniwnal qui c'ojl on̈.

Salmos 30:5

Yujto jun wal rato tzcot yowal, palta ax swach'c'ojlal, 'ayc'n̈ej 'a smasnil tiempo. Wach'xam tzon̈ 'o'c 'a 'ac'wal, ax 'a yic tzsa'cb' pax 'eli, tzjapx qui tzaljc'ojlalec jun 'ejm xo.

Is 66:21

An Jehová in, an tzwala. A 'a scal eb' 'oj cant can cha, ata 'oj in sic' 'elt eb' 'oj 'a'nc 'och sti eb' 'anma 'ayin, yet' eb' 'oj 'och levitail.

Salmos 102:13

Cotan̈, stiempoal xo yo'ch a c'ojl 'a Sión, smoj xo a'n niwnc'ojlal 'a yib'an̈, yujto xc'och sc'ual.

Is 56:6

Ax pax yuj eb' chuc chon̈b'al tzya'ch sb'a wico'oc, yic tzin ya'n servil eb', mto tzin schamc'ojlej eb', sec tz'och eb' in checb'oc, toto tzyiclj eb' sc'ul 'iljelal, matz 'ec' eb' 'a yib'an̈, te'n tzyutj sb'a eb' 'a in trato,

Is 61:2

Tzwaln 'eli, to tox xjaw sc'ul yajx colnb'il tzyac' Jehová, xjaw sc'ul ya'n Dios spac 'a eb' 'ajc'ojol. Checb'iln cot yu'uj, yic tzwul wa'nc sniwnal sc'ojl eb' 'ay scusc'ojlal.

Is 64:9

Mamin, man̈ ye'n̈joc cab' 'ay cot owl 'a quib'n̈ on̈, comnoc man̈xtzac a na cot 'aj xlaj 'och qui mul on̈. ¡'Ilt nab'an, to a chon̈b' caj qui masnil on̈!

Jl 2:18

'Oj lajwc cha, ax sch'oxn Jehová schamc'ojlal 'ayn̈ec an̈ schon̈b' on̈c tic, caw 'oj 'o'ch pax sc'ojl 'ayn̈ec,