Is 6:12 - Chuj San Sebastian Bible

¹² An Jehová in, an 'oj wa'cn 'at eb' 'anma chi 'icha presoal 'a junc xo chon̈ab', ax scan snacion̈ eb' 'a sictaquil.

Chuj San Mateo Bible

¹² A in Jehová in tic ol vac'b'at juntzan̈ anima tic d'a junxo chon̈ab', yic ol can val tz'inan schon̈ab' eb' tic.

Is 6:12 Referans Kwoze

Jeremías 4:29

A yic tzyab'n eb' 'anma yel yaw scot eb' soldado 'ay q'ue 'a yib'n̈ chej, yet' eb' sjul-lab', ax smasnil eb' 'anma cha, tz'at eb' 'eloc. Tz'at sc'ub'nc 'el sb'a eb' 'a 'aj caw chitc 'a calcte', yet' 'a 'aj caw satq'ue'en. Yuj cha, smasnil jun tzo'n̈ chon̈b' cha, caw sictac x'ajcn eb', man̈x 'a junc mach xcan cajn 'a eb'.

Dt 28:64

A Jehová 'oj e pechn can 'at 'a jun tzo'n̈ xo nacion̈, 'oj e sactzic can 'at 'a jun tzo'n̈ chon̈b' 'ay 'a smasnil yolyib'n̈q'uinl tic. Ata 'oj eyal e b'a 'a jun tzo'n̈ comn dios tzb'o yet' te te', yet' q'uen q'ue'en, jun tzo'n̈ to man̈ eyojcoc, man̈ yojcoc pax eb' qui mam quichmec.

Lm 5:20

¿Tas yuj xac' sat a c'ojl 'ayn̈ 'a jun 'ejmn̈ej on̈? ¿Tas yuj caw niwn xo tiempo qui can oj on̈?

Jeremías 15:4

'Oj jawc jun yailal tic yuj wal jun tzo'n̈ tas caw 'ay smay x'el sb'on win Manasés yunnal Ezequías 'a Jerusalén, yic 'aych win reyl 'a chon̈b' Judá. Smasnil eb' nacion̈ 'a yolyib'n̈q'uinl tic, caw 'oj xiw eb' yiln 'och jun tzo'n̈ yailal 'oj jawc 'a yib'n̈ eb' in chon̈b' tic.

Jeremías 12:7

'Ix yaln Jehová 'ixtic: Tox 'ix can jun chon̈b' chamc'ojlb'il tic wu'uj. A eb' wic yaji, tox 'ix in patquilj can 'el eb', tox 'ix wa'ch eb' 'a yol sc'ab' eb' 'ajc'ojol.

Is 26:15

Mamin Jehová, ach 'ix ac' q'uib' jun qui chon̈b' tic on̈, sec tz'ijx chan̈ a b'i, ach 'ix ac' nitzmjoc smon̈jonal qui lum on̈.

A Ch'an̈ Schab'il Libro Yic Yab'ixal Eb' Rey 25:11

Xlajw cha, xyi'n 'at win Nabuzaradán eb' 'anma xcan to 'a yol chon̈b' cha, yet' eb' xya'ch sb'a yet' win sreyl Babilonia, yet' pax jun b'uln̈ xo eb' chon̈ab', 'ix 'ijx 'at eb' 'icha presoal yu'uj.

Ro 11:15

A eb' israel cha, patcab'il can 'el eb' yuj Dios jun tiempoal. Yuj wal cha, smasnil jun tzo'n̈ xo 'anma', tztac' junc'ojlal tz'aj eb' yet' Dios. Ax 'a yic 'oj chaxoc pax 'och eb' israel chi jun 'ejm xo, man̈ jantcoc am wal swach'l 'oj scha eb' 'anma smasnil. 'Icha to 'oj pitzwc pax eb' 'a scal eb' chamnac, yujto caw niwn swach'l 'oj scha eb'.

Is 5:9

A Jehová tztac' yuj smasnil, a 'ix 'a'n alxc 'ayn 'ixtic: A jun tzo'n̈ n̈a cha, toxn̈ej to niwac, mto caw wach' yilxi, palta 'oj can 'a sictaquil. Man̈x 'a mach 'oj cajnc eb' te'.

Is 13:12

Teb'il xoj 'oj 'ilchjoc eb' 'anma 'a yib'n̈ q'uen oro wach' tzcot 'a Ofir.

Sofonías 1:3

'Oj in satl eb' 'anma', no noc', no ch'ic, yet' no chay. 'Oj wac' syailal eb' 'anma maysch'olnil sb'eyb'al, ax wa'n lajwc 'el smasnil 'anma 'a sat lum lu'um.