Is 59:6 - Chuj San Sebastian Bible

⁶ A jun tzo'n̈ ch'alxim cha, may 'aj wach' sc'anxi, matz tac' sb'o spichloc 'anma'. 'Icha jun tzo'n̈ ch'alxim cha, 'ixta tas nab'il eyu'uj, cojn 'ixtj 'anma 'ayc' 'a e nab'en, tze b'on tas tu 'icha tze nib'ej.

Chuj San Mateo Bible

⁶ A sch'al noc' xim chi', max yal-laj sb'o pichul yed'oc, malaj mach spich sb'a yed' tas sb'o noc' chi'. Icha sch'al noc' xim chi', icha chi' juntzan̈ chucal tze c'ulej, malaj jab'oc tas tzeyic' d'ay.

Is 59:6 Referans Kwoze

Jeremías 6:7

A wal 'a Jerusalén chi tzpitzw chan̈ maysch'olnilal, 'icha wal spac' junc a a'. Cojxn 'ixtj 'anma', miljb'a'il. Axn̈ej yab'il yet' lajwel tzwiln̈j 'a scal eb' chon̈ab'.

Is 57:12

Palta ax ticnec jun, 'oj wal-l jun e b'eyb'al tic 'a scal 'anma', a cob' eyu'uj to wach' e b'eyb'al, palta may jac tas 'oj eyic' 'a spatc jun tzo'n̈ cha.

Sofonías 1:9

An̈jtona', 'oj wa'ch pax syailal eb' cob' tz'a'n 'emmquilal 'ayin, 'icha tzyutj eb' chuc chon̈b'al ya'n 'emmquilal 'a sdiosal, to tz'och eb' 'a yol yet'l sdiosal chi yet' siylab', atn tas tzyij eb' 'a spatquil 'elc'al yet' 'a 'ixtj 'anma'il.

Miqueas 6:12

A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.

Miqueas 2:8

Ax tic, ex 'och 'ajc'ojlal 'a eb' in chon̈ab'. A eb' tzmeltzj paxt 'a owal, a snan eb' to man̈x 'a tas 'oj 'i'nc eb', palta ax xo tzeyij 'ec' spichl eb' to chan̈ stojol.

Am 6:3

Ax tic matz e na wal jab'oc, toto wan sjaw jun c'u yic yailal. Palta yuj tas tze b'o'o, yuj cha, tzla'nb'i e q'uinal.

Am 3:10

A Jehová a tzaln 'ixtic: Caw man̈ yojcoc eb' sb'on jac tas tojol. A 'a yol yatut eb', ata molb'il tas ton̈j tzyij 'ec' eb' 'a eb' 'anma', xchi.

Ez 7:23

'Ac' b'o jaye'oc q'uen cadena, yujto a 'a jun nacion̈ tic, til wal eb' ma'm cham 'anma 'oj jalxoc yet' q'ue'en. Caw wal b'ut'jnac 'el jun chon̈b' tic yuj maysch'olnil.

Ez 7:11

A maysch'olnil, caw wal xniwtj cha'an̈. Palta a eb' tzb'on maysch'olnil cha, man̈x 'a xon junc eb' 'oj canoc, man̈x 'a junc mach 'oj b'inaxc yuj tas 'ay 'a 'a.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Is 58:4

A 'a yic cob' sc'ul eyoch 'a c'ajb'c'ojlal cha, xoj e ten e b'a, cojn owl tzlaj e c'an e b'o 'a jun c'u cha. Tzlaj e ma'nc e b'a yuj e tu nab'enal. A jun e c'ajb'c'ojlal 'icha jun cha, toxn may jac tas tzb'o yu'uj, matz c'och xon jun e lesl chi 'ayn 'a satcha'an̈.

Is 30:1

A Jehová a tzaln 'ixtic: 'Oltac wal eb' 'anma 'e'nc 'a yib'an̈, til wal tas tzna eb' sb'on 'a mun yol yico'. Matz yal eb' wab'i', tzcomn b'on eb' junc strato 'a mun yol yico', palta man̈oc in tzwac' sb'o eb', yuj ton wal cha, caw tzniwtj smul eb' 'a yib'an̈.

Is 5:7

'Icha win cha, 'ixta wal yaj Jehová yet' eb' yin̈tl Israel, 'icha to yawb'ente yaj eb', yet' pax eb' 'aj Judá. A Dios tztac' yuj smasnil, 'ix cob' stan̈woc to wach' tzyutj sb'a eb' 'a sley, palta ax x'aji, a milj 'anma sb'o eb'. May jac tojlal tzb'o eb', til wal yel yaw 'anma yixtx yuj eb'.

Salmos 58:2

Ocxo jun, tze b'oyaj eb' yet' e tu nab'enal. 'I'm ex b'ey maysch'olnil 'a yol chon̈ab'.

Gn 6:11

A 'a sat Dios, man̈x yalnb'ilc maysch'olnilal tzb'o eb' 'anma 'a yolyib'n̈q'uinl tic, comn xoj tzlaj meltzj 'och eb' 'a yit 'anma'il.

Job 16:17

Wach'xam may in mul, palta 'ixta 'in 'aji, ax in lesal caw wal wach'n̈ej.

Ez 18:12

Tzyixtj win eb' meb'a 'anma', tzyel'j win eb', matz yac' meltzj tas tzyactjcan junc mach yuj tas tzmajnj 'a winac, a 'a jun tzo'n̈ yechl comn dios 'aj tzya'ch snab'en, a tas yajb'entac a tzb'o'o.

Malaquías 2:16

A Jehová qui Diosalec tztac' yuj smasnil, an̈ israel on̈c tic, a tzaln 'ixtic: Caw tze tan̈wj wal e b'a, 'a'c 'el'choc e ti eya'jnac 'a eyistzil. Yujto an tic, caw tzin chacl eb' tzpoj sb'a yet' yistzil, caw wal tz'och e mul 'a eb' 'ix, toto 'ixta tzeyutj e b'a, xchi Dios.

Salmos 55:11

Cojxn̈ej maysch'olnil, 'elc'al yet' 'es 'ay 'a yoltc caye.

Ez 9:9

'Ix yaln 'ixtc 'ayin: A eb' israel yet' eb' 'aj Judá, yel xo wal niwn smul eb' 'a in sat, caw wal tzniwtj scham eb' 'anma 'a jun tzo'n̈ chon̈b' tic yuj jantcn̈ej maysch'olnil, yujto a snan eb' 'anma tic, to an Jehová in tic, matz wil tas tzb'o eb'.

Sofonías 3:1

'Oltac wal eb' 'aj Jerusalén, yujto caw wal tenmtac eb', man̈ wach'c eb', 'ixtm 'anma pax eb'.