Is 58:8 - Chuj San Sebastian Bible

⁸ Toto 'ixta 'oj eyutc e b'a, yajn̈ej ax scheclj 'el in wach'c'ojlal 'ayex, 'icha tz'aj sq'uin̈lb'i 'a junc xo c'u. Yajn̈ej ax e colchj 'eli. A 'in tojlal, a chi b'ab'l s'at eyu'uj, ax in tzictznial a tza'n 'och eyu'uj.

Chuj San Mateo Bible

⁸ Tato icha chi' tzeyutej e b'a, yaln̈ej b'aj ol checlaj in vach'c'olal d'ayex, icha tz'aj sq'uin̈ib'i d'a junxo c'u. Elan̈chamel ol ex colchajoc. A in e tojolal vaji, b'ab'el in b'at eyuuj, axo in tziquiquial, tzac'an eyuuj.

Is 58:8 Referans Kwoze

Is 52:12

Palta man̈toc ji'lti 'oj eyelt muc'uc, may cab' mach to 'oj sna to 'oj 'at 'eloc, yujto a Jehová qui Diosalec an̈ israel on̈c tic, a 'oj b'ab'ljoc 'ayex, ax yoch tza'n eyu'uj yic tzex stan̈wni.

Jeremías 33:6

Palta 'ay jun c'ual to 'oj wan̈tc pax eb', ax wa'n stzatzl eb' jun 'ejm xo. 'Oj wac' 'aj cajn eb' 'a junc'ojlal, man̈x 'a tas 'oj 'i'nc eb'.

Salmos 37:6

'Oj ya' checljoc qui tojl b'eyb'alec yet' qui wach' nab'enalec, 'icha wal stzictznil yoc c'u 'a chimc'ual, 'ixta wal yilxi.

Jeremías 30:17

Wach'xam tzyal eb' 'ajc'ojl 'a e patc 'ixtic: A Sión tox 'ix 'actx cani, toc 'ayt mach tz'och 'il yu'uj, 'oj xchic eb'. Palta an Jehová in, an tzwala, 'oj wac' b'oxc e c'ojl jun 'ejm xo, 'oj wan̈t tas lajwnac 'ayx cha, xchi Dios.

Salmos 85:13

A stojlal qui Diosalec a b'ab'l yu'uj, a tztojlb'tzan sb'e 'aj tzb'eyi.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

A Tas Sc'ulejnac Eb' Schecab' Jesús Hechos 10:35

Tzann̈j mach 'ay xiwc'ojlal 'a Dios, wach'xam man̈ israeloc, caw tzalj yet'oc, toto wach' sb'eyb'al.

Ex 14:19

Ax jun yángel Jehová b'ab'l scot yet' jun 'asn 'a yojltac eb' israel cha. 'Ix meltzj 'a spatc eb', 'ix 'och 'a snan̈l eb' israel chi yet' eb' soldado yic Egipto.

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Salmos 97:11

'Oj yac' sacq'uinl 'a eb' tojl sb'eyb'al, ax ya'n tzaljc'ojlal 'a eb' 'anma wach' snab'en.

Os 14:4

Tzyaln Dios 'ixtic: 'Oj wac' jawc snab'en eb' in chon̈b' tic 'a scal spital. Wach'xam man̈ smojoc, palta 'oj in chamc'ojloc eb', yujto man̈x 'oj wa'ch yowl in c'ojl 'a yib'n̈ eb'.

Job 11:17

Toto tza na a b'a, wach'xam 'icha to ach can 'a q'uic'q'uinl yuj a yailal tic, palta ax ticnec, 'icha to 'oj sacb' pax 'el 'a eb'an̈. Caw tzaljc'ojlal 'oj a canxi, 'icha wal to chimc'ul 'aj 'aych pax 'eq'ui.

Is 57:18

Xcham wal woch q'ueln 'a sb'eyb'al eb', palta 'oj wan̈tc eb', ax wa'n 'iljoc eb'. 'Oj wac' pax stzaljc'ojlal eb' si'mb'il, ax wa'n sniwnal sc'ojl eb' in chon̈b' 'ay scusc'ojlal yuj smul.

Is 30:26

A yoc 'uj, lajn 'oj 'aj 'icha yowl yoc c'u, ax yoc c'u, uc 'ejm 'oj 'aj yowb' sacq'uinlal, 'icha wal sacq'uinlal uque'oc c'u to yamn yaji, 'ixta wal 'oj 'aj jun c'u cha. Atn wal 'a yic jun c'ul cha, ata 'oj yan̈tc Jehová eb' schon̈ab', ax spichn tas lajwnac 'a eb' yu'uj.

Salmos 112:4

Caw 'ay schamc'ojlal eb', wach' snab'en eb', tojl tas tzb'o eb', yuj cha, 'icha junc cantil checl yoc 'a scal q'uic'q'uinal, 'ixta yaj Dios 'a eb' 'anma tojl snab'en.

A Tas Sc'ulejnac Eb' Schecab' Jesús Hechos 10:31

'Ix yaln 'ayn 'ixtic: Cornelio, 'ix yab' Dios a lesal, 'ix snan cot pax jun tzo'n̈ a siylab' tzac' 'a eb' meb'a'.

A Tas Sc'ulejnac Eb' Schecab' Jesús Hechos 10:4

'Ix 'och q'ueln Cornelio a jun ángel cha. Caw 'ix xiw win yu'uj: —Mamin, ¿tas tzal 'ayin? xchi win 'a 'a. Yuj cha, xyaln 'a win 'ixtic: —Caw 'ix yab' Dios a lesal. 'Ix yiln pax jun tzo'n̈ a siylab' tzac' 'a eb' meb'a'. Caw matz sat sc'ojl 'a jun tzo'n̈ cha.

Mt 13:15

Yujto a eb' 'anma tic, tox xpitb' 'el eb'. 'Icha to macn schicn eb', 'icha to tzmutz' eb' sat, sec wach' matz yil eb', matz yab' pax eb'. Yuj cha, matz nachj 'el yuj eb', matz jel eb' snab'en, matz colchj eb' wu'uj, xchi Dios, xchi Isaías.

Is 26:2

Jacw cab' spuertail jun chon̈b' cha, to 'oj 'och jun nacion̈al eb' 'anma tojl snab'en 'a yojol, atn eb' yiclumn̈ej 'a Dios.

Is 33:24

May junc mach cajn 'a Sión chi 'oj alnc 'ixtic: Ya 'ayn an tic, man̈ xchioc. A eb' cajn ta', 'oj 'ajxoc niwnc'ojlal smul eb'.

Is 60:1

A Jehová a 'ix aln can 'ixtic: Ex 'aj Jerusalén, a ticnec q'uen̈ec pax wa'an, caw wach' eyico' yujto tzcheclj pax chan̈ in sacq'uinlal yet' in tzictznil 'a e cal.

Is 62:1

Yuj wal in chamc'ojlal 'a Sión, yuj cha, man̈toc sictac tzin 'aji. Yuj in chamc'ojlal 'ayx ex 'aj Jerusalén, yuj cha, ma'oj wilji, masnto 'oj checljoc chan̈ e tojlal, 'icha wal yic tzsacb'i. Ax e colnb'il, 'oj checljoc chan̈ 'icha wal sn̈ilchj junc tziclab' taj, caw tzyac' sacq'uinlal.

Pr 11:17

Toto tz'o'ch qui c'ojlec 'a eb' quit 'anma'il, 'oj qui chac wach'il; ax toto may yel'ch junc 'anma chi 'a qui satec, 'oj cot 'a quib'n̈ec yuj qui tu nab'enal cha.

Pr 11:25

A eb' tz'el 'a sc'ojl ya'n junc tas, tzniwtj tas 'ay 'a eb'; ax eb' tzcolwji, 'oj colxoc pax eb'.

Is 60:2

Ax jun tzo'n̈ nacion̈ 'a yolyib'n̈q'uinl tic, a q'uic'q'uinl 'oj 'ochcn oyn 'a eb'. Ax xo pax ax tic, an 'oj wac' in sacq'uinlal 'a eyib'an̈, 'oj checljoc 'el in tzictznil 'a e cal.