Is 58:2 - Chuj San Sebastian Bible

² Junjn c'u tzcob' 'och eb' 'a 'emmquilal 'ayn yalni. Caw tzalj cob' eb', tznib'n eb' cob' yojcoc 'el in b'eyb'al. Lajn xo wal tzyutj sb'a eb' 'icha junc chon̈b'al eb' 'anma tzb'on swach'il. May 'aj tzyij 'el eb' snab'en 'a in checnb'il. Caw tznib'j eb' cob' yojcoc 'el jun tzo'n̈ checnb'il yic tojlal, tzch'oxn eb' 'ilxoc to 'ay stzaljc'ojlal eb' sjaw 'ayin.

Chuj San Mateo Bible

² Junjun c'u scomon och eb' ejmelal d'ayin. Scomon tzalaj eb', snib'an eb' yojtaquejel in b'eyb'al, icha junoc chon̈ab'il anima sb'eyb'alan tojolal, ichato malaj b'aj syiq'uel spensar eb' d'a in checnab'il, ichato sc'an juntzan̈ checnab'il eb' yic tojolal d'ayin, sch'oxan eb' to stzalaj eb' sjavi d'ayin.

Is 58:2 Referans Kwoze

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.

Is 29:13

Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Jn 5:35

A Juan cha, 'icha junc tziclab'il taj caw 'ay yoc, 'ixta yeq'ui. Yuj cha, ex tzalj jaye c'u yet'oc.

Mr 12:14

'Ix wul yalnoc eb' 'ixtc 'a 'a: —Mamin, cojc on̈ to caw yel tzala. Cojc pax on̈ to jun lajnn̈ej tzotj a nab'en 'a smasnil 'anma', yujto jun lajnn̈ej yel'ch junjn mach 'a a sat, ax jun b'eyb'al tznib'j Dios, a tzac' cuyxoc 'a yel. ¿Tas tza na'a? A jun tzo'n̈ tumn tzc'anx 'el 'ayn̈ yuj win yajl 'a Roma, ¿wach' am tzcac'a, mto ma'ay? ¿'Aym sleyl tzcac'a, mto ma'ay? xchi eb' 'a 'a.

Mr 6:20

yujto yojc xon win Herodes cha, to tojl snab'en Juan, caw yic xon Dios yaji. Yuj cha, xiw winac, 'ix ya'n win tan̈wxoc sec matz cham yuj 'ix Herodías cha. 'Ay 'aj tzyal Juan 'ab'x 'a win Herodes cha, wach'xam ma'ix nachj 'el wal yuj win si'mb'il, palta caw stzalj win yab'n 'a 'a.

Jeremías 42:20

Ax tic, caw wal niwquil jun e tenmtacl wan eya'n 'ochi, yujto ax xeyac' in c'anb'c 'a Jehová qui Diosalec, 'ix eyaln 'ayn 'ixtic: Tewan̈ 'a Jehová qui Diosal cuj on̈, ax a'n cojcoc 'el smasnil tas 'oj yala', 'oj qui yicloc, xe chi.

Jeremías 42:2

'Ix yaln eb' 'ixtic: —'Ay wal jun tas 'oj qui c'an 'aych on̈, comnoc matz a tenc' 'ayn̈ on̈: Tewan̈ 'a Jehová qui Diosalec cuj jaywn̈ on̈ canc can tic. A 'a yic yaln̈taxi, caw niwn qui b'eyi, palta ax ticnec, cojxn wal jaywn̈ on̈ canc can tic.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Santiago 4:8

Qui nitzc 'och qui b'a 'a stz'ey Dios. To 'ixta', 'oj snitzch sb'a 'a qui tz'eyc jun xo. Palta ax xo maysch'olnil e nab'en, b'oc e b'eyb'al. Ax chab'c'ojlal eyaji, tojlb'tzejc e nab'en.

Salmos 119:15

A 'a checnb'il tic, 'oj in na cot 'a junjn rato, ax wa'n 'och in nab'en in b'eylb'ani.

Salmos 119:87

Jab'xoj ma'in satl yuj eb', palta ma'ix sat in c'ojl 'a a checnb'il.

Salmos 119:151

Mamin caw la'n 'aj 'a in tz'ey, ax smasnil jun tzo'n̈ a checnb'il tic, caw yel tas tzyal eb'.

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.

Is 1:28

palta ax eb' tenmtac, eb' 'ajmul yet' eb' tzin 'actn cani, 'oj cham pax eb'.

Is 57:3

A Dios 'ix aln 'ixtic: Ax tze b'o maysch'onil, cotn̈ec 'ayin to 'oj ex in b'eyc'ojloc. Ax tic xlaj e b'eylb'ej sb'eyb'al eb' 'ajchum yet' eb' tzb'on 'ajmulal.

Is 57:12

Palta ax ticnec jun, 'oj wal-l jun e b'eyb'al tic 'a scal 'anma', a cob' eyu'uj to wach' e b'eyb'al, palta may jac tas 'oj eyic' 'a spatc jun tzo'n̈ cha.

Is 59:13

Mamin Jehová, caw wal tenmtac xcutj qui b'a 'aych on̈. 'Ix cac' 'es on̈, ma'ix yal qui c'ojl on̈ 'och tza'n oj ach qui Diosal. Cojn maysch'olnil 'ayc' 'a qui nab'en on̈, xlaj cac' 'es 'a eb' quit 'anmal on̈, xlaj quixtn paxti eb' on̈.

Jeremías 7:9

Tzex 'elc'wi, tzex milw cham 'anma', tze b'on 'ajmulal, tzeya'n cob' e ti 'a tas man̈ yeloc, tzeya'n tz'a incienso 'a jun comn dios tzcuch Baal, tzeya'n 'emmquilal 'a jun tzo'n̈ xo comn dios to may 'aj 'ix colwj 'ayex.

Jeremías 7:10

Tzlajw cha, tzex jab'x 'a wojltac 'a in cajnub', tzeyaln 'ixtic: May 'oj qui'nec, xe chi. Tzeyamn 'och e b'on pax smasnil maysch'olnil to caw matz chaj in c'ojol.

Is 42:20

Ex israel, caw 'ay cob' tas tzch'oxx eyila', palta matz e chamc'ojlej eyilni; caw wach' eyab'ni, palta matz e chaj eyab'i'.

Ez 20:3

Ach 'anma', al yab' eb' yichm wincal chon̈b' Israel tic, to an Jehová Yajl in, an tzwal 'ixtc 'a eb': ¿Tom cob' tzex jaw wul e c'anb'c e b'a 'ayin? Palta wal yel an Jehová in, an tzwala, ma'oj in ta'w xon 'ayex, xchi Dios, xa chi 'a eb'.

Am 5:18

'Oltac wal eb' tznib'j tzjaw jun c'u yic yowl sc'ojl Jehová. ¿Eyojc am wal tas 'oj jawc 'a eyib'n̈ 'a jun c'u cha? A wal 'a jun c'u cha, q'uic'q'uinl xoj 'oj 'ajoc, man̈x 'a sacq'uinal.