Is 56:10 - Chuj San Sebastian Bible

¹⁰ yujto a eb' stan̈mal in chon̈ab', 'icha to man̈xtzac uj yiln eb', man̈xtzac uj snan eb' tas tzb'o'o. Lajn xoj tzyutj sb'a eb' 'icha no tz'i matz chiwj xoni, teln 'ec' eb' swayi tz'ec' c'u, cojxn wayl chi tzc'an eb' sb'o'.

Chuj San Mateo Bible

¹⁰ Yujto a eb' stan̈vumal in chon̈ab' tic, ichato maxtzac yal yilan eb', maxtzac nachajel yuj eb' tas sc'ulej. Lajan eb' icha noc' tz'i' max chivaji. Jichanec' eb' tz'ec' c'u. An̈ej vayan̈ sgana eb' sc'ulej.

Is 56:10 Referans Kwoze

A Scarta San Pablo D'a Eb' Aj Filipos 3:2

Caw tzeyil wal e b'a 'a jun tzo'n̈ eb' 'anma tu snab'en. Caw maysch'olnil tzyutj sb'a eb', yujto tznib'j eb' tzpol-l jac stz'umal e niwnal. A sb'eyb'al eb' cha, lajn 'icha no tz'i', caw yajb'entac tzyutj sb'a eb'.

Is 29:10

Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

Nahúm 3:18

Ach sreyl Asiria, a wal eb' stan̈mal a chon̈ab', waync xo eb'. A eb' 'aych yajlil et'oc, to tz'ilj eb'. A eb' a soldado, caw sactzicnac s'at eb' 'a lum jolmctac witz, man̈x 'a mach tzmolb'tzan eb'.

Ez 33:6

Palta toto tzyil win 'ilwjum chi sjaw eb' 'ajc'ojl cha, matz yutz'j win strompeta cha, toto 'ay junc 'anma chi tzchami, 'oj cham jun 'anma chi yuj smul, palta yowlal 'oj wac' yowlal 'a win 'ilwjum cha.

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Os 4:6

'Oj in satl jun in chon̈b' tic, yujto man̈x in nanoc jac yu'uj. Ax xo ax ya'mal 'och sti eb' 'anma eyaj 'ayin, yel xo man̈x in nanoc jac eyu'uj. Yuj cha, 'oj ex wi'l 'a eyopiso, yujto 'ix 'at satc'ojlal in cuynb'il eyu'uj, yuj cha, man̈x 'oj in na cot eb' eyin̈tl b'aq'uin̈.

Is 52:8

'Ab'ec, a eb' stan̈mal chon̈ab', caw wal checl yel yaw eb'. Junlajn yel yaw eb' smasnil yuj tzaljc'ojlal, yujto caw wal tzyil eb' tas tz'aj smeltzj paxt Jehová 'a lum tzaln Sión.

Is 29:9

Ex 'aj Jerusalén, b'eyn̈ecn̈ej yet' e man̈ nab'enal, b'eyn̈ecn̈ej 'a 'icha to matz uj eyiln xon jab'oc. 'E'n̈ecn̈ej tectnoc 'icha junc 'u'm 'an̈, wach'xam man̈ ex 'u'moc 'an̈.

Lm 4:14

Yuj cha, ax ticnec toxn̈ej tzmachlj eb' tz'ec' eb' 'a yol caye, lajn xoj yec' eb' 'icha eb' matz tac' xon yilni. Caw chi'ctac spichl eb', may xon mach tznib'n yamnc spichl eb' cha.

A Ch'an̈ Schab'il Libro Yic Yab'ixal Eb' Rey 12:6

Palta a yic 'oxeschawinc ab'il xo yoch Joás reyal, mant 'a xon jac tas juwnc 'a yatut Dios chi tox xb'o yuj eb' ya'mal 'och sti eb' 'anma cha.