Is 54:4 - Chuj San Sebastian Bible

⁴ Ex 'aj Jerusalén, man̈x ex xiwoc, man̈x 'oj e can 'a q'uixwc'ojlal, man̈x 'a mach 'oj eyi'n 'ejmi. 'Oj eyac' sat e c'ojl 'a tas x'aj yel e q'uixwel 'a yic yalan̈, atn 'a yic 'actb'ilx can 'icha tzyac' junc 'ix 'ix tz'actx can yuj yichmil.

Chuj San Mateo Bible

⁴ Ex aj Jerusalén, man̈ ex xivoc, man̈xo ol ex can d'a q'uixvelal, man̈xo emnaquiloc ol ex utajoc. Man̈xo ol e nacot tas ajnac yel e q'uixvelal d'a peca', ayic ex actajcan icha junoc ix ix man̈xa yetb'eyum.

Is 54:4 Referans Kwoze

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

A Sb'ab'el Carta San Pedro 2:6

Yuj cha, 'ixtc yaj yaln can Dios 'a Ch'an̈ U'un̈: An 'oj wa'cn 'och jun q'uen q'uen yipnub'alc yich n̈a 'a Sión. A jun cha, sic'b'il 'el wu'uj, caw niwn yel'chi. A mach 'oj ya'ch jun chi yipc sc'ojol, ma'oj somchjc 'el yu'uj, xchi 'a Ch'an̈.

Jeremías 31:19

'Ix quij 'el qui b'a 'ayach, palta xqui na qui b'a ticnec. A yic xcojcan 'eli, to caw may qui ch'olnil on̈, chijn on̈ 'ejmi, tzon̈ 'ec' yuj q'uixwc'ojlal. 'Emmquilal xoj tzcutj qui b'a yuj jantc qui mul x'och 'a yictax quelm on̈t on̈, xchi eb' 'aj chon̈b' Efraín 'ayin.

Is 61:7

Ax tic 'ec'b'al xo xeyutj eyab'n syail, 'ec'b'al ex 'aj e b'uchxi, ex laj b'ajxi, yuj cha, ax ticnec, 'ec'b'al xo sricoal 'oj eyaj 'a yol e chon̈ab', man̈x 'a b'a'n̈ 'ay slajb' e tzaljc'ojlal.

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Ez 16:43

An Jehová in, an tzwala. 'In man̈xtoc sna coti tas 'ajnc scot 'a yune'al, stzuntzj cot yowl in c'ojl yet' jun tzo'n̈ tas sb'o cha. Yuj wal jun sb'eyb'al tic, ax wa'n 'och syailal.

Ez 16:22

Yuj yajmulal yet' tas yajb'entac sb'o'o, yuj cha, man̈xtzac sna cot tas 'ajnc scot 'a yune'al, matz na coti toto jitn 'eli, yic 'ayt 'ec' 'a scal schiq'uil. 'Icha junc 'ix 'ix cha, 'ixta yaj Jerusalén 'a in sat.

Is 4:1

A 'a jun tiempoal cha, jaywn̈xoj eb' winc 'oj canoc, yuj cha, 'ay ucwn̈oc eb' 'ix 'ix 'oj alnc 'ixtc 'a junc winc cha: Comnoc tzyal a c'ojl on̈ e'n on̈, mun 'oj qui say wa qui b'a 'on̈, ax qui pichn qui b'a 'on̈, cojnto tzon̈ ej on̈, sec tz'el q'uixwelal 'aych 'ayn̈ on̈, yujto may quichmil on̈, 'oj schic eb' 'ix.

Is 25:8

'Oj satl Jehová chaml 'a jun 'ejmn̈ej, ax sucn 'el yal sat smasnil eb' 'anma'. 'Oj satl pax sq'uixwel eb' schon̈b' 'a smasnil yolyib'n̈q'uinl tic, yujto 'ixta yaj yaln cani.

Is 29:22

Yuj cha, a Jehová sDiosal Israel, atn jun coljnac 'el Abraham, a tzaln 'ixtic: Ex yin̈tl Jacob, a ticnec yet' 'a yic b'aq'uin̈, man̈x 'a 'aj 'oj e q'uixw 'eli, man̈x 'a 'aj 'oj chacb'oc 'el e sat yuj q'uixwelal.

Is 50:7

A Jehová Wajlil, a tzcolwj wet'oc, yuj cha, matz in chab'c'ojlej in b'a yuj tas tzin 'aj cha. Caw te'n waj 'icha junc niwquil q'ue'en, wojc wal si'mb'il to ma'oj 'el in q'uixwel.

Is 54:14

A tojlal, a chi 'oj yic' yip 'a scal eb', 'oj colchjoc can 'el eb' 'a yol sc'ab' eb' 'anma tz'ixtn eb', 'oj 'el jun xiwc'ojlal chi 'a scal eb', man̈x 'a tas 'oj xib'tnoc eb'.

Lm 1:1

Cusltac xoj yilx x'ajcn chon̈b' Jerusalén, atn jun niwquil chon̈b' 'aj til wal 'anma 'a pecti'. Lajn xoj yilx x'ajcn 'icha junc 'ix 'ix chamnc yichmil. A 'a pecti cha, 'icha to yajl yaj 'a scal jun tzo'n̈ xo nacion̈, ax ticnec, 'ix 'ajx pural yoch 'a munljel.

Ez 36:15

An Jehová in, an tzwala, to man̈x b'a'n̈ 'oj eyab' sb'uchwj jun tzo'n̈ nacion̈ chi 'a lum e lum cha, man̈x 'a 'anma 'oj cham yuj lu'um, xchi Dios.

Jl 2:21

Tzalj cab' eb' 'anma cajn 'a sat lum lu'um, man̈ xiw cab' eb' yujto 'ay wal tas niwn yel'ch 'oj sb'o Jehová.

Sofonías 3:11

Ex in chon̈ab', a 'a yic jun c'ul cha, man̈x 'oj e q'uixw yuj e maysch'olnilal, atn 'aj tenmtac xeyutj e b'a 'ayin. A yic cha, 'oj wi'l eb' tzalj yet' sb'an̈quinal 'a e cal, man̈x b'a'n̈ 'oj e b'an̈ e b'a 'a lum tzaln 'a 'aj tz'och 'emmquilal 'ayin.

Zacarías 10:6

An 'oj wac' ste'nal eb' yin̈tl Judá, ax wa'n colchjoc 'el eb' yin̈tl José. 'Oj wi'x meltzjc eb' 'a schon̈b' jun 'ejm xo, yujto caw tz'o'ch in c'ojl 'a eb', ax scanxcan eb' 'icha xon yaji, 'icha to may 'aj xwijl eb' 'a in c'ojol. An ton Jehová sDiosal in eb', tzwab'n̈j slesl eb'.

Job 11:16

ax a'n sat a c'ojl 'a yailal x'ec' 'a eb'an̈; jab'jnal 'oj sat 'a a c'ojol, 'icha tz'aj stup chan̈ a b'eymal a'.

Is 65:16

Tzann̈j mach 'a jun nacion̈ tic, to tznib'j tzchaj yaxilal, sc'an cab' 'ayn an Dios in 'a caw yel. Tzann̈j mach to tzyac' sti yuj junc tas, ya' cab' sti 'ayn an Dios in tic 'a yel. A smasnil yailal xlaj 'eq'ui, tox x'atcn 'a satc'ojlal wu'uj.