Is 53:3 - Chuj San Sebastian Bible

³ B'uchb'il, patcab'il 'el yuj yit 'anma'il. 'Ix 'ajx 'och yailal 'a yib'an̈, 'ix techj yu'uj yujto c'aync xon yab'n syail. 'Icha wal junc mach to man̈x smojc yilx 'ochi, 'ixta x'aji. Xqui patquiljec can 'eli, may yel'ch 'ayn̈ec.

Chuj San Mateo Bible

³ A eb' anima, ol sb'uch jun checab' chi' eb', ol spatiquejel eb'. Ol ac'jococh yaelal d'a yib'an̈ yuj eb', ol techaj yuuj, yujto c'ajan yab'an syail. Icha junoc mach man̈xo smojoc yiljiochi, ol paticajeloc. Malaj ol elc'och jun checab' chi' d'ayon̈.

Is 53:3 Referans Kwoze

Mt 26:67

Xlajw cha, 'ix stzub'n 'och eb' stzub' 'a sat Jesús, 'ix smac' pax eb'. 'Ay pax eb' xpawn 'och sc'ab' 'a sti',

Is 53:10

A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Mr 14:34

Yuj cha, xyaln 'ixtc 'a eb': —'Ijn wal tzin cham yuj in cusc'ojlal, cann̈ec 'a tic, pitzn ex cab' wet'oc, xchi 'a eb'.

Is 53:4

A xcutjec qui nani, to a Dios 'ix 'a'n 'och syailal cha, sec tz'ijx can 'ejmi. Palta 'in to man̈ 'ichcta', 'in to a qui yailalec, a 'ix 'ajx 'och 'a yib'an̈, a 'ix yab' syal qui jeloc.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

Is 50:6

'Ix wac' yich in patc smac' eb' 'ajc'ojol, xwa'n stzucl eb' xil in ti'. Ma'ix in c'ub'j 'el in sat 'a eb' tzin b'uchni, yet' 'a eb' tzin tzub'ni.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

Lc 9:22

'Ix yaln pax 'ixtc 'a eb': —An tic 'Ochnc in 'Anma'il, palta yowlal 'oj wab' syail. 'Oj in patquilx can 'el yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

Lc 16:14

Ax ewin fariseo cha, c'uxn xyab' ewinac tastc 'ix yal Jesús. Palta cojxn wal tumn 'aj 'aych snab'en ewinac. Yuj cha, ton̈j xb'uchwj ewin 'a 'a.

Lc 8:53

Palta ton̈j stzetzj eb', yujto yojc xon eb' to chamnc xo 'ix.

Mr 15:19

Xlajw cha, 'ix laj sjab'nc 'och ewin jun te 'aj 'a sjolom, 'ix laj stzub'nc pax ewinac. 'Ix laj stz'acn ewin yac' 'ejm sb'a 'a 'a.

Mr 9:12

Yuj cha, xyaln pax 'ixtc 'a eb': —Yel toni, yowlal tzb'ab'l jaw Elías cha, sec tzna sb'a eb' 'anma'. Palta ¿tas tzyal 'a Ch'an̈ Un̈ wuj an 'Ochnc in 'Anmal tic? Ata tzyala, chajtlto 'oj wab' syail, 'oj in patquilx can 'el yuj eb' 'anma'.

Jn 11:35

A Jesús 'ix 'oq'ui.

Jn 8:48

'Ix yaln pax ewin 'aj Judea chi 'ixtc 'a Jesús: —'Ilt nab'n jun, yel tzcal on̈. Tecnto 'aj Samaria ach. Tecnto 'aych junc demonio 'ayach, xchi ewin 'a 'a.

Mt 27:63

'ix yaln ewin 'ixtic: —Ach cajlil on̈, cojc on̈ yic pitznto win 'a'm 'es cha, yaln can 'ixtic: Schab'jil in chami ax in pitzw paxi, xchi cob' winac.

Miqueas 5:1

Ex 'aj Jerusalén, b'oc chan̈ smuroal 'aj tze col e b'a, yujto tox 'ix 'och oyn eb' 'ajc'ojl 'ayex. 'Oj smac' eb' sat win syajlil chon̈b' Israel yet' jixc'ab'te'.

Zacarías 11:8

A 'a yol jun 'uj, xin chec meltzjc 'oxwn̈ eb' 'ilm calnelu, 'ix lajw c'och in niwnc'ojlal 'a eb', 'ixta pax eb', caw wal man̈xtzac in snib'j eb'.

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Lc 19:41

Ax yic wan sc'och Jesús 'a sla'nil Jerusalén, xyiln 'at jun chon̈b' cha. 'Ix 'oc' yu'uj.

Salmos 69:29

An xo pax tic, yan̈j waji, cusc'ojlaln̈ej pax waji. 'Ij in cha'an̈, tzin a coln 'el ach in Diosal.

Mr 10:33

—'Iltec, to wan qui 'atc 'a Jerusalén. An tic, wach'xam 'Ochnc in 'Anma'il, palta 'oj wajx 'och 'a yol sc'ab' ewin sat ya'mal 'och qui ti 'a Dios, yet' 'a yol sc'ab' ewin cuywjum 'a ley yic Moisés. 'Oj ya'ch eb' chaml 'a wib'an̈, ax wajx 'och 'a yol sc'ab' eb' man̈ israeloc.

Mr 10:34

'Oj in sb'uch eb', 'oj in smac' eb', 'oj in stzub'c eb'. 'Oj in smiln eb', palta ax 'a schab'jial, ax in pitzw paxi, xchi 'a eb'.

Is 52:14

Til wal mach 'oj sat sc'ojl yiln 'ochi, 'oj jelmjoc yilx sat, man̈x lajnoc yilx 'icha yilx 'anma', 'oj juwc yilx yuj tas 'oj 'aj cha.

Salmos 88:4

'Ayn xo 'och stz'acb'oc chaml tzwab'i, caw man̈x 'a wip.