Is 52:13 - Chuj San Sebastian Bible

¹³ Yuj cha, xyaln Jehová 'ixtic: A jun in checb' tic, 'oj sta'n̈j yu'uj, yel xo wal niwn yel'ch 'oj 'ajoc, 'oj b'inaxc 'a scal 'anma', ax yijx chan̈ sb'i.

Chuj San Mateo Bible

¹³ Ix yalan Jehová icha tic: A jun in Checab' tic vach'n̈ej ol elc'ochoc, ol ic'joc val chaan̈, ol b'inaj val.

Is 52:13 Referans Kwoze

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Jn 3:31

'Ix yaln pax Juan 'a eb' 'ixtic: —A jun 'emlnac 'a satcha'an̈, yajl yaj 'a yib'n̈ smasnil 'anma'. An̈ xo 'aj yolyib'n̈q'uinl on̈c tic, 'anman̈n̈ej qui masnil. An̈j wal tas yic yolyib'n̈q'uinl tic tzcalec. Palta ax jun 'emlnac 'a satchan̈ cha, yajl yaj 'a quib'n̈ec qui masnil.

Jeremías 23:5

Tzyaln pax Jehová 'ixtic: 'Oj jawc jun c'ual, ax wa'n 'och jun yin̈tl David reyl 'a in chon̈ab'. A jun cha, caw tojl snab'en. 'Oj sb'eyc'ojloc smasnil eb' chon̈b' 'a stojlal.

A Ch'an̈ Carta D'a Eb' Hebreo 1:3

A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

Zacarías 3:8

Tzcham wal ab'n ticnec ach Josué, ach tic, sat ya'mal 'och sti eb' 'anma aji. Cham wal ab'n yet' eb' 'aych yopiso et'oc, yujto ax tic, ch'oxnb'il eyaj yuj jun mach wan sjawi, atn jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol.

Ez 34:23

An 'oj in sic' 'elt junc yilmal eb' in chon̈b' 'a scal eb' yin̈tl David, 'oj wac' yopiso stan̈wni eb' in chon̈b' 'icha tzyac' junc 'ilm calnelu.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 49:3

'Ix yaln 'ayn 'ixtic: Ach yin̈tl Israel in checb' 'aji, ojn̈ej ax checlj 'eli to niwn wel'chi, xchi.

Is 49:1

'Ixtc wal yaln schecb' Jehová: Ex chon̈b' cajn 'a sti a mar, 'ab'c tas 'oj wala', an̈jtona ex nacion̈ 'ayx 'a caw najat, macljec tas 'oj wala': A Jehová a 'in 'awtn 'a yic mantzac in 'alj xoni, yaljnac can 'el in b'i 'a yic 'aynto 'ec' 'a yol sc'ojl in nun.

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.